Видео: Дарио Коста успешно слета и полета со авион од воз во движење - Канал 5

Забава

Видео: Дарио Коста успешно слета и полета со авион од воз во движење

Италијанско-британскиот пилот на спортскиот летечко-тркачки тим Ред бул, Дарио Коста влезе во историјата на авијацијата со својот маневар со слетување со мал авион на воз - прв од таков вид во светот. 

Видео: Дарио Коста успешно слета и полета со авион од воз во движење

Потфатот се случи во Афјонкарахисар, Турција, каде што спортистот успешно слета со своето спортско летало врз товарен воз во движење и повторно полета од истиот вагон.

Коста (45) изврши „слепо слетување“ (без поглед кон „тлото“, поточно платформата за слетување) на делница од 2,5 км во услови на силна турбуленција и променлива брзина, со временски прозорец од само 50 секунди за слетување и полетување. Проектот „Слетување на воз“ следи по месеци инженерска анализа, симулации, подготовка за лет и безбедносни протоколи, и комбинирано синхронизирано усогласување на брзината, аеродинамична контрола, когнитивна обука и милиметарско прецизно мерење, но и чувство за времето.

Во овој случај, Коста успешно слета на авионот „Живко еџ 540“ (Zivko Edge 540) со деветтиот, последен вагон на возот при максимална оперативна брзина од 120 км/ч. Во истовреме, тој ја намали брзината на леталото на минимална контролирана брзина од 87 км/ч, за да ја усогласи со онаа на возот, објави „Кликс“.

- Слетувањето на воз беше еден од најпредизвикувачките и најсложените проекти во мојата кариера. Имаше толку многу варијабли за мерење, но најголемиот тест беше учењето да се „слетува на слепо“ на многу мала подвижна писта, потпирајќи се само на когнитивните способности и вештините за летање. И покрај тешкотиите, ова беше одлично искуство. Беше ова првпат авион успешно да воспостави контакт со воз во движење, поврзувајќи го најстариот моторизиран превоз со најновиот. Тоа беше сложен проект што бараше прецизност, тимска работа и доверба, и горд сум што го реализиравме како што беше планирано, рече Коста.

За време на маневарот, возот создаде чувствителна ветерна турбуленција и нестабилен проток на воздух над вагонот, што бараше постојани корекции за одржување на надолжната и страничната контрола. Поради ова, брзината на протокот на воздух над вагонот беше намалена за 33 км/ч, што ја зголеми сложеноста на потфатот.

Приближувајќи се од југоисток кон северозапад, авионот прецизно се усогласи со насоката и брзината на возот. Дури и најмало отстапување од неколку сантиметри можеше да предизвика надолжно или странично пречекорување на тесната површина на вагонот.

Поради дизајнот на авионот, неговата положбата на носот и крилата во однос на хоризонтот - приближно 8 степени наклон, и димензиите на возот, платформата беше надвор од видното поле на Коста за време на приближувањето. За да постигне прецизно усогласување, пилотот се потпираше исклучиво на когнитивната обука и на своите вештини.

- Најкритичниот аспект беше усогласувањето на авионот со возот, па затоа прецизноста мораше да биде апсолутна, а Дарио го постигна тоа. Нема место за емоции за време на ваков проект. Тој е вистински магионичар, изјави Филипо Барберо, консултант за авијација.

Пред подвигот во Турција, тој имаше тест во Пула, Хрватска, во соработка со „Римац автомобили“. Користејќи го нивниот целосно електричен хиперавтомобил „Неверу“ како платформа за движење, Коста го усоврши своето усогласување и време на прецизна реакција.

Пред неколку години, Коста во Турција го изведе својот „Премин низ тунел“, кога прелета низ два автопатни тунели близу Истанбул, па сега се врати во земјата за да ја истражи изводливоста на овој нов концепт во авијацијата.

Зошто е важен проектот за слетување на воз? Извршувањето слетувања и полетувања на вагон во движење претставува значајна промена во применетата аеродинамика и вештините за пилотирање. Според познавачите, овој подвиг и успешното усогласување на полната оперативна брзина на возот и минималната брзина на авионот покажува како подготовката заснована на податоци и прецизното летање можат да ги поместат границите на контролираниот лет во невообичаени средини.

Тагови: авион воз Дарио Коста

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер