Кога пристигна пред две децении, Вејронот означи пресвртница во автомобилската историја. Тоа е моделот што ги промени правилата во светот на хиперавтомобилите, а сега би можел да се обнови. Тоа би бил еден вид почит, создаден како уникатен модел од програмата Solitaire.

Наводниот датум на претставување е 22 јануари, точно 20 години по оригиналното лансирање. Дизајнот би можел да биде скоро идентичен со оригиналниот Veyron од 2005 година во црвена, црна и беж боја.

Програмата на „Bugatti“, наречена „Solitaire“, ги привлече насловните страници минатиот септември со откривањето на „Brouillard“ со W16 мотор, уникатен хиперавтомобил инспириран од Mistral. Како прво возило во програмата, тоа го постави тонот за она што би можело да стане цела серија екстремно ексклузивни модели.

„Bugatti“ веќе потврди дека програмата „Solitaire“ ќе произведува максимум два единствени модели годишно. Секој ќе биде базиран на постоечка шасија и погонски склопови, што дава појасна рамка за шпекулации за тоа како би можел да изгледа „новиот Veyron“.

Со оглед на овие ограничувања, се чини веројатно дека основата ќе биде изведена од Chiron, особено затоа што тој модел може да смести 8,0-литарски W16 квадтурбо мотор способен да развие до 1.600 КС.

Исто така е можно автомобилот да ја вгради оригиналната платформа на Veyron, која би била темелно реконструирана и модернизирана со нови компоненти. И двата пристапи се вклопуваат во филозофијата на Bugatti за ексклузивност, иако е речиси сигурно дека конечниот резултат ќе има астрономски висока цена.

Вејронот означи пресвртница не само за Бугати, туку и за автомобилската индустрија како целина. Влезе во сериско производство во 2005 година, по години објавување на концепти, остварувајќи ја големата визија на Фердинанд Пих - хиперавтомобил кој ќе биде најбрз во светот, но без да се жртвува удобноста, сигурноста и, секако, луксузот.

Донесе неколку светски премиери во сериско производство, меѓу кои се издвојува фактот дека стана првиот патнички автомобил со 1.000 коњски сили и можност за надминување на 400 км/ч.

Во текот на десетгодишното производство, Бугати направи 450 примероци во различни верзии.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.