Видео: Брутална тепачка во НБА - Канал 5

НБА

Видео: Брутална тепачка во НБА

Бурна вечер во НБА - „летаа“тупаници!

Видео: Брутална тепачка во НБА

На натпреварот меѓу Детроит Пистонс и Шарлот Хорнетс, изби брутална тепачка која го прекина мечот и ги шокираше гледачите.

Сè започна кога кошаркарот на Детроит, Џален Дурен по еден меѓусебен дуел го удри Муса Диабате.

Атмосферата „се вжешти“ кога Дурен беше грубо фаулиран, а потоа Диабате долета и го удри Дурен со тупаница, по што се вклучија и другите кошаркари на двата тима, а на паркетот избувна вистинска тепачка.

Во конфликтот веднаш се придружија Мајлс Бриџис (Хорнетс) и Азаија Стјуарт (Пистонс) .

Сè некако се смири дури кога обезбедувањето се втурна да ги раздели завојуваните страни.

По смирување на страстите со помош на обезбедувањето и полицијата судиите одлучија да исклучат 4 кошаркари, а подоцна тренерот на Хорнетс, Чарлс Ли, беше исклучен поради жестока расправија.

Но, тука не заврши бурната програма во НБА.

Следното пресметка се случи на натпреварот помеѓу Минесота и Атланта. Домашниот тим победи со 138:116. Сепак, сè беше во сенка на настапот на кошаркарите на двата тима.

Поточно, Мохамед Геј и Наз Рид се најдоа во клинч. Следеше тепачка кога Геј го собори Рид на неспортски начин, а можеше да ескалира во сериозна тепачка. Тие ги влечеа своите дресови, туркаа, но играчите реагираа, а тренерскиот штаб успеа да спречи сè да се претвори во тотален хаос. И двајцата беа исклучени, а потоа спречени да се соочат еден со друг во тунелот.

Тагови: НБА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсена е скопјанка, која запалила тревна површина во центарот на градот

Лишена од слобода скопјанка, предизвикала пожар во централното подрачје на Скопје.

Уапсена е скопјанка, која запалила тревна површина во центарот на градот

На 06.09.2026 во 13:05 часот во Скопје, на подрачјето на Центар, полициски службеници од СВР Скопје ја лишија од слобода Ш.И.(51) од Скопје, поради постоење основи на сомнение дека со запалива материја предизвикала пожар, при што опожарени биле поголема тревна површина со дрва, а биле зафатени и две бандери.

По целосно документирање на случајот, ќе следува соодветен поднесок, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Десет артилериски плотуни за Денот на независноста: Армијата со почесна стрелба во касарната „Илинден“

По повод Денот на независноста, денеска во 19 часот, во касарната „Илинден“ во Скопје, артилерискиот баталјон на армијата ќе изврши почесна артилериска стрелба со 10 плотуни од шест артилериски орудија.

Десет артилериски плотуни за Денот на независноста: Армијата со почесна стрелба во касарната „Илинден“

Според генералштабот на армијата, во 18 часот ќе биде извршена пробна артилериска стрелба, со еден плотун од шест артилериски орудија. Почесната стрелба е дел од протоколарните активности на армијата по повод одбележувањето на 8 Септември – Денот на независноста..

Тагови: Денот на независноста

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во Белград попладнево е погребан Ратко Младиќ (ВИДЕО)

Поранешниот командант на војската на Република Српска, Ратко Младиќ, кој од Хашкиот трибунал беше осуден на доживотен затвор, попладнево со воени почести е погребан на топчидерските гробишта во Белград. 

Во Белград попладнево е погребан Ратко Младиќ (ВИДЕО)

Посмртните останки на Младиќ, кој почина на 27 август во Хаг на 85-годишна возраст, претходно беа изложени во црквата „Свети Лука“ во Белград, каде што опело служеше поглаварот на српската православна црква, Порфириј. Младиќ, по желба на семејството е биде погребан до ќерката Ана. Младиќ во 2021 година беше правосилно осуден на доживотен затвор и беше прогласен за виновен за геноцидот во Сребреница и за други воени злосторства.

Тагови: Ратко Младиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер