Од првата позиција на драфтот бираше тимот на Минесота. Тимбервулси како прв пик го избраа експлозивниот бек Ентони Едвардс . Од него во иднина се очекува да биде еден од водечките стрелци во најсилното светско првенство.
Голден Стејт го имаше вториот избор на драфтот, Вориорси се одлучија тимот да го засилат со силниот и висок центар Џејмс Вајзмен.
Од високото трето место Шарлот Хорнетс го драфтуваше „третиот“ од браќата Бол Ламело.
На годинешниот драфт повторно се појавија неколку кошаркари од Балканот.
Синот на легендарниот кошаркар на Црвена Ѕвезда Зифер Авдија, Дени Авдија кој настапува за репрезентацијата на Израел како деветти пик заврши во таборот на Вашингтон. Дени Авдија пред овој НБА драфт се подготвуваше во школата во која работи македонскиот тренер во САД Ефтим Богоев.
Наследникот на Тони Кукоч , 18 годишниот Србин Алексеј Покушевски кој досега играше во грчки Олимпијакос следната сезона се сели во НБА во екипата на Оклахома која го избра од 17 позиција.
Црногорецот Марко Симоновиќ како 44 пик заврши во редовите на Чикаго.