Живот

Видео: Аеродром со најголемиот затворен водопад во светот!

Сингапурскиот „Скапоцен камен“ од 10 ката ги остава туристите без здив!!

Во срцето на Сингапур се наоѓа вистинскиот „дијамант“меѓу светските аеродроми – аеродромот Чанги.

Овој аеродром не е само порта кон другите делови на светот, туку и независно искуство кое остава неизбришлива трага во меморијата на патниците од целиот свет.

Аеродромот преставува беспрекорна комбинација на луксуз, иновација и природа, која ги остава сите без здив.

Четирите терминали на аеродромот и неговата централна атракција, „Jewel Changi“, формираат комплекс кој ги комбинира уметноста, архитектурата и природата во една импресивна структура.

Терминалите на аеродромот Чанги нудат широк спектар на услуги и капацитети за патниците. Од луксузни бутици и светски познати брендови во трговски центри до широк избор на ресторани кои нудат разновидна гастрономска понуда, патниците можат да уживаат во различни искуства додека го чекаат својот лет. Терминалите се опремени и со бројни салони, објекти за забава и области за релаксација, обезбедувајќи им на патниците удобност и забава додека чекаат. Неговата репутација како еден од најдобрите аеродроми во светот дополнително ги привлекува патниците кои бараат врвно патувачко искуство.

Десеткатниот комплекс „Jewel Changi“, е поврзан со терминалите 1, 2 и 3, и го претставува врвот на понудата на аеродромот. Овде има бројни атракции, вклучувајќи импресивна градина со висечки градини, спектакуларна фонтана за вода, кино на отворено и мноштво продавници и ресторани. Неговата локација на раскрсницата на воздушните линии меѓу Азија, Европа, Австралија и Америка го прави аеродромот Чанги идеална точка за поврзување и патување низ светот.

За сите патници на аеродромот посебно импресивен е водопадот „The Rain Vortex“.

Спектакуларниот водопад наречен „The Rain Vortex“, највисокиот затворен водопад во светот. Овој водопад на „Jewel Changi“, е централната атракција на аеродромот Чанги во Сингапур.

Со висина од 40 метри, овој импресивен водопад создава спектакуларна глетка додека водата тече низ стаклената купола на аеродромот. Во вечерните часови, водопадот станува уште повпечатлив кога е осветлен со разнобојно LED осветлување, создавајќи магична атмосфера за патниците и посетителите.

Инаку, иако аеродромот Чанги во Сингапур постои повеќе од 40 години, тој го доби својот модерен изглед во последните неколку години.

Ракомет

Македонските ракометри против трофејната Франција по сензација за Мундијалско 1/4-финале

Машката репрезентација на Македонија вечерва во Вараждин против големиот фаворит за медал Франција ќе го одигра последниот натпревар во втората фаза на СП 2025.

По одличните игри и резулати на претходните пет средби, избраниците на Лазаров во последниот дуел од втората фаза влегуваат со теоретски шанси за пласман во големото мунијалско четврфинале.Но, играат натпревар кој не смееме да се загуби.

За место меѓу осумте најдобри на 29 Светски шампионат потребни ни се три големи работи: Триумф над Франција или реми но и резултати во наша корист на дуелите Холандија – Австрија односно Катар Унгарија.

*Ако ја победиме Франција, треба Холандија да ремизира или загуби од Австрија, а Унгарија да ремизира или загуби од Катар.

*Ако ние ремизираме со Франција, а Холандија и Унгарија загубат од Австрија и Катар, во тој случај че решава гол-разликата.

Инаку пред денешната програма Македонија е на делба на третата позиција со Холандија со по четири бода. На првото место со 8 бода и со обезбедено четвртфинале е Франција, пред Унгарците со пет.

Македонија

Најстудено во Битола, Прилеп и Берово, најмногу снег на Попова Шапка

Утринава најстудено во Битола, Прилеп и Берово каде е измерена минимална температура од - 4 степени, а најтопло во Крушево и Гевгелија, каде се измерени 3 степени целзиусови, информираат од УХМР.

Во Тетово и Струмица минималната температура изнесува - 2, во Скопје-Петровец и Кавадарци - 1, потоа во Скопје-Зајчев Рид, Дебар, Претор, Велес, Штип, Демир Капија - 0 степени, додека во Крива Паланка, Охрид, Виница, Маврови Анови, Попова Шапка минималната температура изнесува 1 степен и во Куманово 2 степени целзиусови.

Најголема снежна покривка има на Попова Шапка - 40 сантиметри, потоа Маврови Анови - 31, Крушево - 15 и Битола - 10.

Времето денес ќе биде сончево со мала до умерена локална облачност. Претпладне по одделни котлини со појава на магла. Ќе дува слаб ветер од северозападен правец. Максималната температура ќе биде во интервал од 8 до 16 степени.

Во Скопје претпладне со појава на магла, преку денот сончево со мала до умерена облачност и претежно тивко. Максималната температура ќе достигне до 12 степени.

Култура

Во Крушево се одбележуваат 44 години од раѓањето на Тоше Проески

Со програма насловена „Ангел си ти“ денеска на Гумење во Крушево ќе биде одбележан 44-тиот роденден на македонската и балканска музичка ѕвезда Тоше Проески.

Со програма насловена „Ангел си ти“ денеска на Гумење во Крушево ќе биде одбележан 44-тиот роденден на македонската и балканска музичка ѕвезда Тоше Проески, кој загина во сообраќајна несреќа на 16 октомври 2007 година кај Нова Градишка, Хрватска.

Бројни фанови и поддржувачи на Тоше од земјава и странство ќе го посетат неговото вечно почивалиште на Гумење, а ќе го посетат и Спомен домот „Тодор Проески“ каде се наоѓаат неговите лични работи кои вечно го будат споменот за него. Неговите фанови велат дека Тоше има само ден на раѓање.

Од 9 до 16 часот во Спомен домот ќе се одржи традиционалната крводарителска акција, а во 11:15 часот, во времето кога Тоше се родил, бројни делегации и фанови ќе положат цвеќе на неговото вечно почивалиште на Гумење.

Во Крушево ќе присуствува и министерот за култура и туризам Зоран Љутков кој откако ќе положи цвеќе на вечното почивалиште на Тоше, ќе го посети и Спомен домот на Тоше.

Напладне во Спомен домот на Тоше, младите пејачи Нела Манческа, Дорис Димовска и бендот „Лок даун“ ќе изведат негови песни, а ќе настапат и вокалната формација „Оренда“ и вокалниот состав „Графити“ од Домот на културата „Напредок-1869“ од Горна Орјаховица, Бугарија, под раководство на Аделина Колева.