Јавното обвинителство се согласува бизнисменот Асмир Јахоски, осомничен во случајот „Мазут“, да биде пуштен од притвор, но само ако претходно освен гаранција во имот, уплати и 72 милиони денари, односно 1 милион и 170 илјади евра на сметка на Судот, сума што одговара на вкупниот износ на противправно стекнатата имотна корист за овој осомничен од кој во понатамошна постапка би можело да се наплати евентуалното оштетно побарување од него.

Доколку овој услов биде прифатен, јавниот обвинител исто така побарал од Судот на осомничениот да му бидат определени и мерки на претпазливост – соопштија од Обвинителството од каде додаваат дека за ваквото мислење обвинителот имал предвид дека Обвинителството во меѓувреме ги обезбедило поголем дел од материјалните и вербалните докази, со што значително е намален ризикот дека тој би можел да ги сокрие, фалсификува или уништи трагите на кривичното дело или дека ќе ја попречува кривичната постапка со влијание на сведоци.

Јахоски е осомничен за сторено кривично дело – „Перење пари и други приноси од казниво дело“, а првоосминичен во случајот е бизнисменот Ратко Капушевски, кој исто така е во притвор.

„Во врска со Вашето прашање потврдуваме дека претседателката Гордана Сиљановска- Давкова ќе присуствува на погребот на папата Франциск којшто ќе се одржи на 26 април во Рим.“ , одговорија од Кабинетот на прашање на Канал 5.

Според Ројтерс, зголемувањето на цената се случи откако американскиот претседател Доналд Трамп го критикуваше претседателот на Федералните резерви Џером Пауел за предизвикување „нервоза“ кај инвеститорите и зголемување на побарувачката за сигурни средства.

Унца златото поскапе за 1,5 отсто на 3.500,05 долари.

Договорите за злато во САД забележаа раст од 1,8 отсто и достигнаа 3.485,10 долари.

Честите критики на Трамп кон Пауел за ненамалувањето на каматните стапки доведе до пад на индексите на Волстрит за околу 2,4 отсто во понеделникот, додека доларот падна на најниските нивоа во последните три години.