Формула

Верстапен тргнува од пол позицијата на трката за ГН на Мексико

 Лидерот во генералниот пласман Макс Верстапен ќе стартува од првата позиција на трката за Големата награда на Мексико.

Холанѓанецот кој минатата трка ја обезбеди втората титула во Формула 1 првенството беше најбрз во квалификациите пред мексиканското Гранпри.

Двократниот светски шампион во Формула 1, Макс Верстапен во Ред Бул оствари најдобро време во квалификациите за Големата награда на Мексико на патеката во близина на главниот град Мексико Сити.

Од првиот стартен ред веднаш до Верстапен ќе тргне возачот на Мерцедес Џорџ Расел,додека седумкратниот светски шампион Луис Хамилтон кој беше најбрз во првите две етапи од квалификациите, на крајот заврши како третопласиран, во вториот стартен ред ќе биде и домашниот возач Серхио Перез од Ред Бул.

Верстапен би можел вечерва да постави нов рекорд според бројот на победи во една сезона, доколку успеаа да стигне до триумф на Автодромо Ерманос Родригес крај Мексико сити.

Со досегашните 13 победи, 25-годишниот Холанѓанец се изедначи според бројот на победи со германските легенди Михаел Шумахер од 2004 година и Себастијан Фетел од 2013 година, но оваа сезона, сепак, има значително повеќе трки.

За Верстапен ова е 19-та пол-позиција во кариерата, а шеста во оваа за него рекордна сезона.

Трката за Големата награда на Мексико се вози вечерва во 21 часот.

Македонија

Страшо Ангеловски и Алберт Муслиу во „Само вистина“

Вечерва во „Само вистина“ гости ќе бидат Страшо Ангеловски и Алберт Муслиу

Живот

Потресна исповед на водителката на квизот „Слагалица“ (фото)

Шармантната водителка на Радио телевизија на Србија (РТС), Милица Гацин, беше вистинско освежување кога се приклучи на популарниот квиз „Слагалица“.

За нејзиниот живот со години ништо не беше познато освен тоа дека е мајка. Сепак, во едно од ретките интервјуа, Милица ја отвори душата и проговори за својата голема битка за здравјето што тивко ја водела.

Пред пораѓајот со својата помала ќерка, која сега има 14 г., на Милица ѝ бил дијагностициран бениген тумор. Иако многумина ја советувале да не го чепка, таа сепак го послушала докторот и по неколку години туморот се вратил.

Откако по втората операција го прашала докторот зошто ѝ се случува тоа, тој ѝ одговорил дека тоа се случува затоа што се нервира и како резултат на тоа доаѓа до хормонски дисбаланс, па нејзините гради реагирале така.

Приказната на Милица за „Глорија“, многумина ги освести дека здравјето е најважно и дека мора целосно да му се посветат. После тоа, водителката ги променила своите животни навики и сега води поздрав начин на живот. Со текот на годините успеала да се ослободи од сè што ѝ било токсично, вклучувајќи го и лошиот брак кој доживеал крах при првиот животен бродолом.

- На дваесет години не знаев апсолутно ништо, на триесет бев нешто попаметна, но и понатаму делував непромислено. И потоа, така вклопена во стереотипот, ужасно се трудев да му угодам на првото дете, на второто дете, на мојот сопруг. Не излегував од кујната со часови, со денови. Се трудев сè да биде совршено. И знаете што се случи? При првиот животен проблем се заврте и си замина. Рече: „Не можам повеќе вака, мене ми е тешко“ - изјави Милица за „Хело магазин“.

Водителката денеска живее исполнето, насмеана и среќна, грижејќи се за своето здравје, кариерата и ќерките.

Шоу биз

Бен Афлек (50) беше главна тема на таблоидите по доделувањето на Греми наградите 2023

 Бен Афлек откри што му направила Џенифер Лопез на доделувањето на Греми наградите поради што медиумите нашироко разгласија дека се разведуваат!

Пред еден месец снимката од несреќниот Афлек на доделувањето на Греми наградите го обиколи светот, а медиумите шпекулираа дека тој се скарал со неговата сопруга Џенифер Лопез, која наводно го критикувала. Но, еве ја неговата вистина.

Познатиот холивудски актер Бен Афлек (50) беше главна тема на таблоидите по доделувањето на Греми наградите 2023. Како што се чинеше, камерата успеала да го улови непријатниот разговор помеѓу него и неговата сопруга Џенифер Лопез, па со денови се шпекулираше за што се расправале.

Афлек таа вечер изгледаше прилично несреќно и речиси незаинтересирано за сè што се случува околу него. Неговото „кисело“ лице го обиколи светот, па се шпекулираше дека сопругата го изнервирала и дека парот наводно се разведува иако сè уште не ја прославил првата годишнина од бракот.

Еден месец по тој настан, познатиот актер проговори за инцидентот и реши конечно да стави крај на сите шпекулации. Тој тврди дека не си поминал лошо на Греми наградите, а неговиот тажен лик бил поради тоа што водителот Тревор Ноа го фатил неспремен за скечот.

- Го видов Ноа како се приближува до нашата маса и си помислив: „О, Боже“! Бевме во кадар, а јас и шепнав на Џени: „Ако Тревор ни се приближи, ќе те оставам сама, да знаеш“- изјавил Афлек во интервјуто за Холивуд репортерс, а пренесува Њујорк пост.

А, еве што му шепнала сопругата, поради што многумина погрешно разбрале дека го критикува.

- Таа рече дека е подобро да не ни приоѓа. Останатото што се случи е наша лична работа, помеѓу мажот и жената, не разбирам зошто толку се зборува за сето ова - додаде популарниот актер.

Повеќето извори потврдија дека Афлек зад сцената бил одлично расположен, се смеел и се шегувал, иако на доделувањето на Греми наградите дошол само да ѝ прави друштво на својата сопруга која врачи една од наградите.

притисни ентер