Верстапен открива дали Хамилтон му ја честитал титулата по драматичната трка - Канал 5

Формула

Верстапен открива дали Хамилтон му ја честитал титулата по драматичната трка

Макс Верстапен стана за прв пат шампион во Формула 1 по лудата трка во Абу Даби.

Верстапен открива дали Хамилтон му ја честитал титулата по драматичната трка

Во последниот круг од последната трка сезонава, Верстапен го престигна бранителот на титулата Луис Хамилтон и ја освои титулата. Мерцедес се жалеше по трката бидејќи безбедносното возило ја напушти патеката пред последниот круг и на тој начин му даде шанса на Верстапен да го претекне Хамилтон.

Иако водеа големи битки во текот на целата сезона, имаа неколку судири и јавно се расправаа, Хамилтон по трката му пријде на новиот шампион и му честита.

Да, Луис ми честитал. „Сигурно му било многу тешко во последниот круг, но тоа ја покажува и почитта што ја имаме еден кон друг. Имаше големи бортби меѓу нас, но ние се почитуваме, туркаме до крајниот лимит. Ми стигна и порака од шефот на Мерцедес, Тот Волф, кој ми честиташе за одличната сезона и рече дека ја заслужив титулата. Прекрасно е“, изјавил Верстапен.

„Разбирам дека му е тешко. За негова среќа има седум титули... Ако ситуацијата беше обратна и јас загубев во последниот круг, сигурно ќе ми беше многу потешко“.

Тој не сакал премногу да зборува за контроверзниот крај на трката.

"Целата сезона беше одбележана со поплаки. Ништо не се смени, победив, славев на патеката и тоа е тоа. Го претекнав кога ми дозволија".

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Студентите во Албанија ја менуваат стратегијата на протестите- најавија кога ќе протестираат

Студентите во Албанија објавија дека ја менуваат својата стратегија за протести по повеќе од 150 дена демонстрации, најавувајќи два национални протести неделно, секоја среда и сабота во 14 часот.

Студентите во Албанија ја менуваат стратегијата на протестите- најавија кога ќе протестираат

Студентското движење објави дека првиот протест според новиот распоред ќе се одржи во сабота, 7 ноември, пред Министерството за образование, пренесува Euronews Albania.

Организаторите велат дека месеците протести сè уште не доведоа до одговор од властите на нивното главно барање - оставка на албанскиот премиер Еди Рама.

„По повеќе од 150 дена континуирани протести, властите во Албанија продолжуваат да го игнорираат барањето на граѓанското востание - оставка на премиерот Еди Рама“, се вели во соопштението.

Студентите оценуваат дека политичката ситуација во земјата е обележана со автократско владеење и велат дека се подготвени за долгорочна борба.

Како што истакнуваат, промената на стратегијата има за цел да ја зајакне студентската мрежа и да ги мобилизира граѓаните, така што протестите имаат посилно и поконтинуирано влијание.

Во соопштението се наведува и дека ќе продолжат да ги поддржуваат сите други граѓански протести против владата, без оглед на датумот на нивното одржување. Студентите изјавија дека борбата за демократија во Албанија продолжува и дека нема да се откажат од своите барања.

„Борбата на Албанците за демократија продолжува. Автократијата ќе падне, исто како што падна диктатурата“, рекоа организаторите на студентските протести.

Тагови: Албанија студентите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Карлос Алкараз влезе во четвртфиналето на Париз без минута борба

Карлос Алкараз се пласираше во четвртфиналето на Мастерсот во Париз откако помина 0 минути на теренот.

Карлос Алкараз влезе во четвртфиналето на Париз без минута борба

Како е тоа можно? Можно е затоа што Матео Беретини се откажа пред почетокот на натпреварот поради повреда што ја заработи во претходното коло. Италијанецот заработи повреда на рамото и не можеше да се соочи со третопласираниот играч во светот.

Алкараз на тој начин ќе има дополнителен ден одмор, што ќе му значи многу, со оглед на тоа што е крај на сезоната и дека повеќето тенисери се веќе оптоварени со натпревари и турнири, а тој мора да учествува и на Завршниот турнир во Торино.

Алкараз сега може да седи и да го чека својот следен противник. Тоа ќе биде победникот на многу возбудливиот дуел што следи, во кој ќе се сретнат Артур Фис и Тејлор Фриц.

Тагови: Карлос Алкараз Париз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем пожар во Њујорк- има загинати и повредени (ВИДЕО)

Шест лица загинаа, а седум други беа повредени кога избувна пожар во куќа во населбата Сансет Парк рано утрово.

Голем пожар во Њујорк- има загинати и повредени (ВИДЕО)

Според противпожарната служба на Њујорк (FDNY), пожарот избувнал непосредно пред 1:40 часот наутро во куќата на улица 58 број 653.

Пламенот се проширил на сите катови од куќата. Видео објавено на платформата на Citizen ја покажува куќата целосно зафатена од пламен додека пожарникарите се борат со огнот.

Во 1:46 часот наутро, пожарот станал пожар од втор степен, ширејќи се на соседната зграда. Во 2:10 часот наутро, бил прогласен за пожар од трет степен. Вкупно 231 противпожарни и итни медицински лица биле испратени на местото на настанот.

Четири лица починале на местото на настанот. Две лица биле однесени во болница во критична состојба, каде што биле прогласени за мртви. Две лица претрпеле сериозни, но не опасни по живот повреди. Пет други лица, вклучувајќи тројца пожарникари, претрпеле полесни повреди.

На местото на настанот биле повикани и Одделот за згради и Црвениот крст. Откако беа пронајдени литиум-јонски батерии, беше повикан и тим за опасни материјали.

FDNY соопшти дека главниот дел од пожарот е ставен под контрола кратко пред 2:40 часот наутро. Противпожарните екипи остануваат на местото на настанот.

Возраста на жртвите сè уште не е позната. Причината за пожарот е под истрага.

FDNY ќе одржи прес-конференција за да обезбеди дополнителни информации.

Тагови: Њујорк пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер