ЖивотВерниците ги преплавија црквите – се слави Рождество на Пресвета БогородицаСо свеќи в рака и желби за здравје мир и спокој за своите најблиски православните Христијани денеска ги наполнија храмовите, одбележувајќи го големикот празник Рождеството на Пресвета Боргородица. Во сите храмови на Македонската православна црква изутринава се одржуваа литургии, а централната света архијерајска литургија со која чиноначалствуваше Архиепископот Охридски и Македонски г.г Стефан се одржа во храмот Рождество на Пресвета Борогодица во Скопје. - Бројните верници се поклонија пред иконата на Пресвета Богородица и посакаа здравје, мир и единство на сите луѓе. - Господ нека даде здравје и мир. Ни го трасира патот. Богородичка ни помогна и големиот Син нејзин, да тргнеме по правиот пат. Фала и на нејзе и фала и на синот Божји да ни даде среќа и здравје и љубов меѓу нас без разлика на вера. - Здравје, напредок на луѓето, државата да биде во ред, да се спојуваат сите луѓе да бидат заедно. - Сега дојдов да си запалам свеќа и да си посакам се најубаво, прво здравје после се. На овој голем ден само здравје, да дава на нас постарите, на фамилијата, на помладите синови снаи, ќерки. Според Христијанските преданија Пресветата Богородица Дева Марија е дете на Јоаким и Ана, скромни луѓе кои помагале на сиромасите и болните. Долго време немале деца, а ќерката ја добиле по пет децении брак. Бог слушајќи ги нивните молитви, не им подарил само ќерка туку и Божја Мајка. Верниците денеска го празнуваат токму нејзиното раѓање , еден 3те родендени кои се слават во Православната црква - објаснува отец Спасе Таковски. Преку Божјата мајка, Спасителот Исус Христос примил човечко тело, за на верниците да им го покаже патот до спасението, но Богородица е и мајка и заштитничка на целото човештво- вели отец Спасе. -Богородица е заштитница на сите и заштитничка и на градот Скопје. Секој православен Христијанин прво треба да се моли за сопствено здравје и спасение, потоа за здравје и спасение на сите останати блиски роднини и пријатели, знаени и не знаени , значи Богородица помага секому,- -отец Спасе Таковски. Одбележувањето на празникот во храмот Рождество на Пресвета Богородица во Скопје започна вчера, каде во попладневните часови од стотици верници свечено беше пречекана Богородичната икона „Троеручица“ од светогорскиот манастир Хиландар. Идентичната копија на Иконата беше внесена во храмот на осветување, по што традиционално беше извршена Литија низ центарот на Скопје. Иконата беше донесена од свештеномонаси и хиландарскиот игумен архимандрит Методиј и трајно ќе остане во храмот. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
АвтомобилизамВо што се вози јапонската премиерка: „Toyota“, но каква? (ВИДЕО)Јапонската премиерка избра – ќе го користи најлуксузниот теренец „Toyota“ како свое службено возило.Јапонската премиерка Санае Такачи го замени својот официјален седан „Toyota Century“ со новиот луксузен теренец „Toyota Century“. Возилото веќе е забележано на улиците на Токио, каде што премиерката е придружувана од стандардна придружба составена од седани „Lexus LS“ од претходната генерација. Новиот теренец „Century“ е целосно црн, без карактеристичната двобојна каросерија. Опремен е со сини сигнални светла, дополнителен ретровизор и, според јапонските медиуми, има одредено ниво на балистичка заштита. Претходниот официјален седан, кој беше во употреба од 2020 година, беше повлечен по достигнувањето на пропишаната километража. Јапонската влада не ја објави цената или спецификациите на новото службено возило од безбедносни причини, додека цивилната верзија на овој модел во Јапонија чини околу 27 милиони јени (околу 167.000 долари). „SUV“ моделот „Century“ користи 3,5-литарски V6 plug-in хибриден погонски склоп со вкупно 406 КС, погон на сите четири тркала и батерија од 21,3 kWh што овозможува до 69 километри електрично возење. Се верува дека премиерката го избрала „SUV“ моделот поради полесното влегување и излегување, повеќе простор и електрифициран погонски склоп, според јапонските медиуми. Извор: Б92Тагови: Toyota Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ФудбалМундијалска сензација преку Инстаграм си бара нов клубНајголемото изненадување на Светското првенство, голманот на Зеленортските острови 40 годишниот Возиња бара нов клуб преку Инстаграм. На 40-годишна возраст, Возиња блесна на Светското првенство и го сврте вниманието кон себе со фантастични одбрани. Во меѓувреме, тој стана најследениот голман на Инстаграм, а нема сомнеж дека ќе се зборува за неговите одбрани, особено оние против Шпанија и Аргентина. Познато е дека Возиња немаше клуб пред заминувањето на Светското првенство, а сега се дозна дека тој ја бараше следната дестинација каде што би можел да ја заврши кариерата. Тој преку Инстаграм стапи во контакт со Родни Страсер, поранешен играч на Милан, со намера овој да му помогне да ја најде својата следна дестинација. Возиња истакна дека би сакал да одигра уште една или две сезони и додаде дека се надева оти ќе добие понуда од второлигашки клуб од Турција или Италија. „Му реков да оди на Светското првенство и да го даде својот максимум. Тој е премногу добар голман за да бара клуб на таков начин, а големата светска сцена е таква што, ако малку го привлечеш вниманието – некој ќе те забележи. Верував дека Светското првенство може да му ја промени кариерата и бев во право“, рече Штрасер и додаде: „За мене, тој е најдобриот голман на Светското првенство, а сега е и најбараниот во светот. Поуката е едноставна – никогаш не се откажувај. Верувај во себе и бори се. Возраста, потеклото или твојата ситуација се неважни. Едноставно – животот може да ти се промени преку ноќ“, вели Штрасер, раскажувајќи интересна приказна и приложувајќи снимки од екранот што ја потврдуваат нејзината веродостојност.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
Шоу бизФото: Со серија фотки Дејвид и Викторија Бекам ја слават 27-годишнината од бракотСветскиот џет сет брачен пар, Дејвид и Викторија Бекам ја слават 27-годишнината од бракот, а по тој повод објавија серија заеднички фотографии на социјалните мрежи.И покрај сите проблеми и минати афери, Дејвид и Викторија Бекам ја слават својата 27-годишнина од бракот, иако никој можеби не го очекувал тоа порано. Многумина сè уште се сеќаваат на познатата афера со Ребека Лос, но Викторија не дозволи ништо да им го наруши бракот и мирот. Викторија призна дека тој период бил најтежок во нејзиниот живот, но тие успеале да ја надминат својата најголема криза. Последната работа што ги погодила бил конфликтот со нивниот син Бруклин, кој предизвикал голем скандал кога ги открил деталите за својот однос со родителите. Без разлика на се, денеска на годишнината се огласи на Инстаграм славниот екс фудбалер а сега сопственик на Мајами Интер, Дејвид се огласи за да ја одбележи годишнината и сподели серија фотографии. „Заедно 29 години, во брак 27, а ти ми даде сè што некогаш би можел да посакам. Нашето најголемо достигнување засекогаш ќе биде нашето семејство. Те сакам и среќна годишнина“, напиша Дејвид покрај објавата. Во коментарите, Викторија (52) одговори: „Среќна годишнина. Многу те сакам.“Тагови: Бекамови Дејвид Бекам Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter