Во еден момент, ситуацијата ескалирала дотаму што била повикана полиција во авионот откако тој слета во Грција.

Авионот на Летот RK8288 полета од аеродромот „Лондон Станстед“ на 3 јуни кон албанскиот главен град, но пилотот бил принуден да го измени планот на летот поради лошите временски услови.

Само неколку часа по полетувањето, патниците биле известени дека нема да слетаат во Тирана, туку во Бриндизи, Италија. По слетувањето во Италија, авионот останал на пистата речиси три часа, а патниците тврдат дека во тој период добиле многу малку информации за ситуацијата.

Подоцна, екипажот најавил продолжување на летот кон Тирана; сепак, само десет минути пред планираното слетување, било соопштено дека авионот повторно се пренасочува – овој пат кон Солун, Грција – поради невреме со грмотевици над Албанија, пренесува „Сан“ (The Sun).

Тогаш меѓу патниците завладеало големо незадоволство.

„Тоа беше моментот кога сите изгубија трпение и изби метеж“, изјави еден од патниците за британските медиуми.

Група мажи се собраал пред пилотската кабина и почнала да го повикува пилотот.

„Тој е кукавица. Пилотот треба да излезе и да се соочи со нас како маж“, викаа незадоволните патници.

Поради сето ова во Солун морала да интервенира и полицијата.

По слетувањето во Солун, околу 12 патници побараа да им се дозволи да излезат од авионот. „Не можете да нè задржите овде“, рекле тие. Според патниците, на крајот била повикана грчката полиција, која му препорачала на екипажот да им дозволи на патниците да излезат од авионот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Но, целосно се премолчува една многу поважна последица од пропаѓањето на реформата. Со тоа што останува во сила постојниот Изборен законик, повторно останува и системот на платено политичко рекламирање, преку кој најголемите политички партии ќе поделат околу 10 милиони евра јавни средства.

Во текот на целиот процес, Левица беше единствената партија што доследно инсистираше на суштинските изборни реформи - една изборна единица и укинување на платеното политичко рекламирање. Наместо да се разговара за темите од лидерската средба и поради кои беше формирана Работната група, теми кои претставуваат вистинска демократизација на изборниот процес, ДПМНЕ во самиот финиш ја отвори темата за гласањето на дијаспората и ја прогласи за своја единствена црвена линија. Прашање што воопшто не беше предмет на четиримесечната работа на Работната група.

Особено лицемерно е што токму една изборна единица беше едно од клучните ветувања на ДПМНЕ. За неа говореше и самиот Мицкоски, а е запишана и во програмата на партијата. Наместо да ја реализираат реформата што им ја ветуваа на сопствените гласачи, ДПМНЕ ја оттурна на страна и ја замени со тема што никогаш не беше предмет на разговорите во Работната група.

За да не дозволи суштинските реформи повторно да пропаднат поради политички условувања, Левица понуди компромис. Прифативме гласањето по пошта да се примени за претседателските избори, доколку ДПМНЕ прифати една изборна единица. Со тоа падна во вода единствениот изговор дека токму дијаспората е пречката за нов Изборен законик.

Откако ДПМНЕ ја префрли одговорноста врз опозицијата, Левица ја презеде иницијативата и ги повика сите опозициски политички субјекти на координативна средба за усогласување на ставовите околу една изборна единица. СДСМ одби да присуствува, без притоа да каже дали воопшто сè уште стои зад СОПСТВЕНИТЕ долгогодишни заложби за една изборна единица.

Затоа - нема нов Изборен законик. Нема една изборна единица. Нема укинување на платеното политичко рекламирање. Останува истиот изборен модел што со децении создава изгубени гласови, непропорционална распределба на мандати и финансиска предност за најголемите политички партии.

Додека јавноста слуша за изгубени европски средства, никој од ДПМНЕ и СДСМ не зборува дека со останувањето на стариот Изборен законик повторно ќе остане во сила системот преку кој најголемите партии ќе поделат околу 10 милиони евра државни средства за платено политичко рекламирање. Левица уште во Работната група предложи укинување на платеното политичко рекламирање, затоа што не прифаќаме државата со јавни пари да создава привилегирани и непривилегирани политички партии. Нашиот став беше јасен - ако нема еднакви услови за сите политички субјекти, тогаш не треба да има платено политичко рекламирање за никого. Или еднакви правила за сите, или јавни пари за никого.

Ако со пропаѓањето на новиот Изборен законик повторно остануваат шесте изборни единици што ги фаворизираат најголемите партии и системот преку кој истите тие партии ќе поделат околу 10 милиони евра за платено политичко рекламирање, тогаш кому навистина му одговараше да нема изборна реформа?

Истекот на рокот не ја ослободува власта од одговорност. Нов Изборен законик може да се донесе и утре, доколку постои политичка волја. Левица ќе продолжи да ја бара таа реформа сѐ додека изборните правила не престанат да бидат пишувани според интересите на политичките картели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Водечката фабрика на Џонсон Мети го прослави производството на својот 170-милионити производ во Скопје, важно достигнување што ја покажува континуираната извонредност на фабриката во текот на 17 години во производството и реалното влијание што го има врз почистиот воздух низ целиот свет.

Ова достигнување е одраз на години континуирано подобрување, тимска работа и усовршување на техничките вештини во најголемата глобална производствена локација на компанијата. Секој произведен дел во Скопје помага во намалувањето на емисиите од автомобилите, овозможувајќи им на производителите на возила да ги намалат штетните загадувачи и да ги исполнат сè построгите стандарди за емисии. „Овој 170-милионити производ е почит кон вештината и посветеноста на нашите луѓе во Македонија“, рече Зоран Николов, новиот менаџер на фабриката на Џонсон Мети во Скопје. „Секој производ што го произведуваме придонесува за почист воздух и поздрава животна средина, и ние сме особено горди на тоа како нашиот тим успешно ги комбинира високите стандарди на изработката, континуираното подобрување и посветеноста на одржливоста.“

Фабриката во Скопјe е централен дел од активностите на „Clean Air/Чист воздух“ на Џонсон Мети, кои опфаќаат и емисии од возила и широк спектар на стационарни индустриски и енергетски апликации, како што се производство на енергија и центри за податоци. Со производство на големи количини на сигурни компоненти за контрола на емисиите за возила, фабриката во Македонија ѝ помага на Групацијата да ја задоволи растечката побарувачка за своите технологии и решенија.

Фабриката во Скопјe останува главен локален работодавач и центар за развој на вештини, иновации во процесите и извозни активности. Нејзиниот континуиран раст го поддржува регионалниот економски развој и ги зајакнува синџирите на снабдување што им овозможуваат и на автомобилските и на стационарните клиенти да ги исполнат построгите стандарди за емисии. Транзицијата на лидерство во фабриката е дел од оваа тековна еволуција: Зоран Николов, кој работи на локацијата во Скопјe 17 години и до неодамна беше менаџер за производство, го наследува Боријан Борозанов како менаџер на фабриката; Борозанов ќе преземе висока менаџерска улога во рамките на одделот за PGM услуги на Џонсон Мети.

Џонсон Мети им се заблагодарува на своите вработени, клиентите и локалните партнери за нивниот придонес кон ова важно достигнување и со нетрпение очекува овој успех да се надградува додека продолжува со унапредувањето на решенијата за чист воздух што им користат на луѓето и заедниците низ целиот регион.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.