Велковски: Пензиите ќе бидат исплатени и ќе има покачувања согласно законските прописи - Канал 5

Македонија

Велковски: Пензиите ќе бидат исплатени и ќе има покачувања согласно законските прописи

 Пензиите ќе бидат исплатени и тоа скоро ќе се види, потенцираше денеска заменик-министерот за социјална политика, демографија и млади Ѓоко Велковски во одговор на пратеничко прашање на Јованка Тренческа од СДСМ. 

Велковски: Пензиите ќе бидат исплатени и ќе има покачувања согласно законските прописи

- Немој да сеете страв дека Пензискиот фонд бил пред колапс, дека немало да има пензии на 1 декември. Сето тоа се лаги и ќе биде демантирано за само неколку дена од денеска. Ќе бидат исплатени тие пензии, и во 2026 и во 2027 и понатаму и ќе има покачувања согласно законските прописи. Граѓаните нека бидат мирни, рече Велковски.

Заменик министерот потсети дека владите на СДСМ не работеле на зголемување на пензиите а дека тие што изнесувале 14.000 денари сега се 20.000 денари, тие што имале 20.000 сега имаат 26.000 и имаат достоинствен живот.

Тренческа кажа дека, според неа, во Буџетот на Министерството за социјална политика немало пари за трансфер до Фондот за пензиско за исплаќање на пензиите во декември и праша од каде ќе бидат обезбедени потребните средства за да може да се трансферираат до Фондот за потоа да се исплатат пензиите.

Во однос на второто прашање кое се однесуваше на линеарното покачување на пензиите, Велковски рече дека пензиите се усогласуваат по две компоненти - инфлацијата и трошоците на живот.

-Многу добро треба да знаете дека пензиите се усогласуваат по две компоненти - инфлацијата и трошоците на живот во Македонија. Не во Франција, не во Швајцарија, не во Австралија, во Македонија, рече Велковски додавајќи дека треба да се праша колку време трае проверката на пензиите на пример од Франција за да добијат минимално покачување, вели Велковски.

Крајната цел е, потенцира Велковски, и така е направен и законот дека тие што се тука во земјава треба да добијат покачување на нивните пензии.

- Ние се грижиме за сите граѓани, но оние што се тука во Македонија треба да добијат покачување на нивните пензии. Се грижиме за сите граѓани, но оние што се тука во Македонија се приоритетни, а секој еден од нив придонесува за ова општество, и ние треба да се грижиме за секој еден од нас, рече заменик министерот.

За тоа дека дали ќе ја почитуваат одлуката на Комисијата за спречување на дискриминација во однос на тужбите, рече дека секоја одлука на судот Министерството ќе ја почитува максимално.

Тренчевска праша и за зголемување на надоместокот и посебниот додаток за лицата со попреченост, на што тој рече дека се грижат за овие лица и дека животот за нив ќе биде многу подобар во периодот што следува.

На почетокот на седницата за пратенички прашања, претседателот на Собранието Африм Гаши истакна дека пратениците се приклучуваат кон акцијата за 16 дена активизам против родово базирано насилство.

Тагови: Македонија пензии Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Брисел го откри планот за Украина

Европската унија подготвува планови за четири земји-кандидати, кои вклучуваат индикативни целни датуми за завршување на преговорите за пристапување.

Брисел го откри планот за Украина

Што се однесува до Украина, како можен временски рамка се споменува крајот на 2029 година, според објава на социјалната мрежа „X“ од Рикард Јозвиак, уредник за Европа во Радио Слободна Европа.

Како што пренесува „Европска правда“, Јозвиак нагласи дека овој датум се однесува на завршувањето на преговорите за пристапување, а не на самиот момент на зачленување во Европската унија.

Според овие индикативни планови, Црна Гора би можела да ги заврши преговорите во текот на 2026 година, додека за Молдавија се споменува временски период од крајот на 2027 до почетокот на 2028 година.

За Украина, крајот на 2029 година првично беше спомнат како индикативен рок за завршување на преговорите за пристапување.

Сепак, Јозвиак подоцна појасни дека, во случајот со Украина и Молдавија, плановите нема да се фокусираат на конечното завршување на преговорите, туку на дефинирање на очекувањата за 2027 година. Попрецизни временски рамки за завршување на преговорите со овие земји ќе бидат утврдени во подоцнежна фаза.

Овие датуми претставуваат индикативни цели, а не гаранција дека преговорите ќе бидат завршени до предвиденото време, ниту пак дека земјите дотогаш ќе станат членки на ЕУ.

Тагови: ЕУ украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Путин предизвика хаос во Вашингтон

Демократите побараа од големите американски банки и пристанишните управи да ги зачуваат документите и преписките поврзани со потенцијалниот увоз на руски дизел, пренесува американскиот медиум „Аксиос“.

Путин предизвика хаос во Вашингтон

Доколку партијата ја врати контролата врз барем еден од домовите на Конгресот, истрагата за овој аранжман ќе стане приоритет.

Законодавците сметаат дека ваквиот договор би можел да претставува кршење на забраната за увоз на руски нафтени деривати – воведена во 2022 година – и дека тој, всушност, би можел да помогне во финансирањето на војната против Украина.

Сепак, Министерството за финансии на САД тврди дека договорот е во согласност со законот.

Испратени се дописи до банки, меѓу кои „JPMorgan“, „Bank of America“, „Citi“, „Wells Fargo“, „ Goldman Sachs“ и „Morgan Stanley“, како и до пристанишните управи во Хјустон, Бомонт, Корпус Кристи и Њујорк – Њу Џерси.

Демократите бараат потврда дека документите се зачувани, како и обелоденување на информации за сите потенцијални или веќе реализирани трансакции.

Вреди да се напомене дека американскиот претседател Доналд Трамп најави изненадувачки „договор за дизел“ со рускиот претседател Владимир Путин, со цел да се реши проблемот со вртоглавиот раст на цените на дизелот во САД, пред изборите на средината на мандатот, закажани за 3 ноември 2026 година.

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Граѓани се собраа пред телевизијата Пинк, фрлаа јајца кон зградата (ВИДЕО)

Граѓани вечерва се собраа пред зградата на телевизијата Пинк во Белград, неколку часа откако група демонстранти влегоа во просториите на Информер. Полицијата беше распоредена пред Пинк, а толпата фрлаше јајца кон зградата.

Граѓани се собраа пред телевизијата Пинк, фрлаа јајца кон зградата (ВИДЕО)

Полициски кордон се повлече од улицата и се распореди директно пред влезот во зградата на телевизијата. Возачите што минуваат покрај толпата свират со своите сирени во знак на поддршка. Досега нема извештаи за граѓани што влегле во зградата на Пинк или за некои поголеми инциденти. Не е објавено колку луѓе се собрале пред телевизијата.

Пинк е еден од највлијателните провладини медиуми во Србија со години. Во својот извештај за 2026 година, Институтот за проучување на новинарството на Ројтерс ги рангира Пинк и Информер меѓу најкористените провладини медиумски брендови.

Податоците од Бирото за социјални истражувања покажуваат и колку Александар Вучиќ бил претставен на Пинк. Од почетокот на јануари до крајот на јули оваа година, тој добил повеќе од 28 часа програма на таа телевизиска станица, а во 74,7 проценти од тоа време бил прикажан позитивно.

Денес, неколку десетици граѓани и студенти се собраа пред редакцијата на Информер, а некои од нив влегоа во зградата и побараа јавно извинување од главниот уредник, Драган Ј. Вучиќевиќ, за начинот на кој медиумот известуваше за студентите, демонстрантите и противниците на владата.

За време на преносот во живо, Вучиќевиќ тврдеше дека станува збор за „криза со заложници“, повика полиција и брза помош и се обиде да го контактира Илија Срдановиќ, првиот на Студентската листа. Протестите пред Информер и Пинк доаѓаат еден ден откако Студентската листа победи на парламентарните избори, а Вучиќ го призна поразот.

Извор: Индекс.хр

Тагови: Србија Пинк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер