Тој и неговата партија се против се што носи надеж и напредок, и против се што обединува, па затоа е и против прославата за 35 години независност на Македонија. Само тој талог умее да подели, просее омраза и да биде против среќата на сопствениот народ.

Да потсетиме Венко беше и против покачени пензии, плати, субвенции за земјоделците, нови автопати, нови инвестиции, нови дата-центри. Тој е против се што е напредно. На власт брусеа шахти со македонско сонце, а во опозиција се против се што е македонско.

Прославата за независност имаше над дваесетина настани, а финалниот настан на концертот на Дејвид Гета имаше над 50 илјади посетители. Одговорот го доби од народот. Многу е несреќно и жално што главниот репер за култура на Венко Филипче останува концерт на Харис Џиновиќ во Дубаи, додека во Скопје само наводно и формално се бори против влез на некаков српски свет. Од талогот се претера, се наведува во апртиската реакција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Претседателот на Владата Христијан Мицкоски денеска одговарајќи на новинарско прашање во однос на тоа кои се резултатите коишто ги постигна Владата во последните две години во делот на привлекувањето на инвестициите и за тоа колку инвестиции влегоа во последниот период, изјави:

„Видете, она кое што можам да го кажам е дека, ако се прави анализа, да речеме во последните две години, односно во овие 24-5 месеца откако оваа Влада е избрана, вкупното ниво на странски инвестиции е некаде околу милијарда и четиристотини милиони евра, отприлика округло. И сега, секогаш ми велат не се споредувај со претходно, но ние мораме да се споредиме и со претходната Влада, бидејќи ние сме Влада којашто ја победила претходната Влада, понудила нов концепт и е избрана од граѓаните и е таму каде што е, затоа мора да се споредуваме колку и да била лоша таа. Ако ги споредиме овие две години со првите две години тогаш кога немаше кризи, тогаш ќе стане збор за споредба помеѓу, отприлика една милијарда и четиристотини оваа Влада и околу седумстотини и педесет милиони коишто ги имаше претходната Влада. Бројките се јасни, разликата е огромна, без разлика дали тоа ќе го конвертираме како бројка виза-ви глава на жител или вкупна бројка, станува збор за озбилна разлика.

Вчера имавме почеток на една огромна инвестиција, половина милијарда долари. Сопственикот на таа инвестиција рече дека ќе ја дуплира таа инвестиција. Практично тоа не е прва и последна, продолжува и понатаму, тоа е Ветерниот парк којшто ќе се протега во општините Радовиш, Штип и Карбинци. Денеска пуштаме нов производен погон во „ВИК“, овде во Прилеп, продолжуваме и понатаму.

Така што Владата е целосно ориентирана кон привлекување на инвеститори, ќе повторам и меѓународната заедница, односно странски инвеститори, но и домашни инвеститори, се разбира.“, соопштуваат од Владата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Филипче обjави документи кои потврдуваат дека Мицксоски лажеше кога рече дека „нула денари“ се потрошени за прославата на денот на независноста и кои потврдуваат дека преку АД Лотарија, која е целосно во сопственост на државата, за организирање на прославата биле издвоени 5 милиони евра народни пари.

„Ова што се случи со проектот за прослава на независноста, како и во многу други сценарија и во други случаи, е една голема проневера на пари. Практично арамискиот концепт на владеење на оваа власт“, обвини Филипче.

Филипче потенцираше дека Записникот од 167. седница и Отворениот повик покажуваат дека средствата биле обезбедени преку АД Лотарија.

„Акционерското друштво АД Лотарија, целосно, стопроцентно во сопственост на државата, што значи парите со кои што тоа претпријатие располага се на граѓаните. Зошто беше потребата, премиерот, да лаже, иако тоа е негово однесување, и да кажува дека не се потрошени ниту еден денар народни пари за оваа прослава. Лотарија распишува јавен повик, не класична тендерска постапка, зашто веројатно се прекршува законот за спонзорство, затоа што кажува дека согласно тој закон е правена оваа постапка“, рече Филипче.

Филипче додаде дека не се знае ниту кој одлучувал за распределбата на 5 милиони евра и според кои критериуми била избрана компанијата што го организирала настанот.

„Ниту знаеме кој што одлучувал за 5 милиони евра пари на граѓаните, ниту врз основа на кои критериуми е доделена оваа набавка на компанијата која што го организирала настанот. Зошто парите на граѓаните, зошто дивидендата од Државната лотарија не се намениле за нешто друго? И бараме одговор на тоа прашање“, рече Филипче.

При тоа, само неколку месеци претходно, таа иста компанија добила пари од Државна лотарија за некои други активности. Никој не знае за кои и какви.

„Зошто парите од дивидендата на Државната лотарија не се намениле за исплата на субвенциите на земјоделците? Зошто не се намениле за нешто во здравството? Зошто не се намениле за лековите кои што недостасуваат. Зошто дел барем од парите не се намениле да се зголемат пензиите? Зошто барем дел од парите не се намениле да се зголеми минималната плата?“, рече претседателот на СДСМ.

Филипче побара да се објави кој и колку пари добил за учеството во прославата.

„Не се знае кој и колку од луѓето што учествувале во таа прослава, земале точно пари. Се знае само вкупната сума на пари од 5 милиони евра. Бараме да се каже јавно и гласно. Освен тоа што Владата има обврска, затоа што мора транспарентно да работи, да го објави записникот од владената 167. седница, да каже и кој од тие кои што учествуваат во овој спектакл со народни пари, кој колку пари зема од ексклузивно народните пари, пари на граѓаните од Државната лотарија“, потенцираше претседателлот на СДСМ, Венко Филипче, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.