Свет

Велика Британија, САД, Франција и уште 11 земји ги осудуваат заканите од иранската разузнавачка служба

Велика Британија и 13 сојузници, вклучувајќи ги САД и Франција, го осудија тоа што го нарекоа нагло зголемување на заговорите на иранските разузнавачки служби за убивање, киднапирање и малтретирање луѓе во Европа и Северна Америка.

-Обединети сме во нашето спротивставување на обидите на иранските разузнавачки служби да убиваат, киднапираат и малтретираат луѓе во Европа и Северна Америка, што е јасно кршење на нашиот суверенитет, се вели во заедничка изјава на земјите.

Владите - на Албанија, Австрија, Белгија, Канада, Чешка, Данска, Финска, Франција, Германија, Холандија, Шпанија, Шведска, Велика Британија и САД - ги повикаа иранските власти веднаш да ги прекинат овие нелегални активности.

Тие рекоа дека ваквите дела се повеќе се спроведуваат во соработка со меѓународни криминални мрежи.

Министерството за надворешни работи на Иран ги отфрли обвинувањата како „очигледни измислици и тактики на диверзија, дел од злонамерна кампања на иранофобија насочена кон вршење притисок врз иранскиот народ“.

-САД, Франција и другите земји што ја потпишаа антииранската изјава мора да бидат одговорни за поддршка и засолнување на терористички и насилни групи, што претставува кршење на меѓународното право и поддршка на тероризмот, изјави портпаролот на Министерството, Есмаил Багај, во денешното соопштение.

Од почетокот на 2022 година, Велика Британија вели дека спречила повеќе од 20 заговори поврзани со Иран за киднапирање или атентат врз лица во Велика Британија, вклучувајќи британски државјани и други што Техеран ги смета за закана.

Во октомври, медиумите објавија дека Иран стои зад бран обиди за атентати и киднапирања во Европа и САД.

Во март, британската влада објави дека ќе бара од иранската држава да ги регистрира сите активности на политичко влијание, наведувајќи го сè поагресивното однесување на разузнавачките служби на Техеран.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам.

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес.

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.