Велика Британија: Прогласена за виновна жена која ја убила сестра си и го украла нејзиниот дијамантски Ролекс - Канал 5

Свет

Велика Британија: Прогласена за виновна жена која ја убила сестра си и го украла нејзиниот дијамантски Ролекс

Седумедесетгодишната Ненси Пекстон е прогласена за виновна за убиство на нејзината сестра, филмската режисерка Џенифер Абот, после убиството таа го украла нејзиниот златен Ролекс украсен со дијаманти.

Велика Британија: Прогласена за виновна жена која ја убила сестра си и го украла нејзиниот дијамантски Ролекс

Пекстон ја избодела својата сестра десет пати во нејзиниот стан во Камден, северен Лондон, на 10 јуни минатата година, објави Скај њуз.

Месеци закани и лоши односи

На судењето во Олд Бејли се слушна дека Пекстон ѝ кажала на својата сестра неколку месеци претходно дека „планира да ја убие“, што ја навело Абот да размисли да побара забрана за приближување. Таа ја предупредила да „внимава на неа“ и ја обвинила дека ја предала „на секој можен начин“. На телефонот на Ненси Пекстон биле пронајдени низа белешки во кои таа размислувала да ја убие својата сестра и се жалела на другите членови на семејството.

Поротата, исто така, слушнала дека Абот му се доверила на својот внук, кажувајќи му дека Пекстон е „способна за сè“ и прашувајќи го дали треба да побара забрана за приближување. Во ноември 2024 година, таа сподели порака што Пекстон ѝ ја испратила: „Знаеш дека планирав да те убијам, но тоа беше само мисла. Никогаш не би те повредила.“

Таа, исто така, ја предупреди да „се пази од оние од кои ги измамила и од кои украла пари“. Пекстон додаде: „Никогаш не знаеш, може да бидеш нападната додека го шеташ кучето. Внимавај, душо, се грижам за тебе. Имаш толку многу непријатели.“

Реконструкција на судбоносниот ден

Абот, државјанка на САД, последен пат била видена жива во 7:36 часот наутро на надзорна камера откако се вратила од прошетка со нејзиното корги. Нејзината сестра ја повикала во 11:36 часот наутро, а потоа се качила со автобус до нејзиниот стан во Морнингтон Плејс во 12:45 часот.

Таа заминала еден час подоцна. На судењето се слушна дека сините тексас трегери и црниот каубојски шешир што ги носела биле покриени со крв . Пекстон подоцна го повикала својот матичен лекар и му рекла дека се предозирала, по што била однесена во болница, каде што останала до нејзиното апсење една недела подоцна. Таа била уапсена на 18 јуни, а украдениот Ролекс, бил пронајден во нејзината чанта.

Откривање на криминал и судење

Она што се случило со сестрата било откриено на 13 јуни, кога сосед, загрижен за куче што лае, користел градежно скеле за да провали во станот. Телото на 69-годишна жена било пронајдено со селотејп преку устата. Обдукцијата утврдила дека таа имала повеќекратни посекотини и убодни рани и една одбранбена рана на раката.

Нејзиниот син Бред Карлсон сведочел преку видео врска: „Имало интеракција, а понекогаш и гнев и непријателство помеѓу мајка ми и Ненси. Се чинеше дека огорченоста тлеела долго време.“ Пекстон им рекла на полицајците дека само „се истурала“ и дека всушност ја сакала својата сестра.

Таа исто така тврдела дека не се сеќава на 90-те минути што ги поминала во нејзиниот стан. Таа рекла дека крвта на облеката дошла од прегратката со нејзината сестра, која крварела од носот, и побарала од една од нејзините ќерки да ја испере или фрли облеката. Пекстон се изјаснила за невина и одбила да сведочи на суд. Таа била прогласена за виновна, а изрекувањето на пресудата во Олд Бејли е закажано за 1 мај.

Извор: Индекс.хр

Тагови: Велика Британија Ролекс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Јапонија погодена од рекордни врнежи. Илјадници заглавени на аеродром, четворица загинати во поплавите

Рекордните врнежи што во петокот го зафатија Јапонија предизвикаа сообраќаен хаос и оставија илјадници патници заглавени на аеродромот „Нарита“ во Токио. 

Видео: Јапонија погодена од рекордни врнежи. Илјадници заглавени на аеродром, четворица загинати во поплавите

Најмалку четири лица загинаа во поплавите, а многу домаќинства останаа без електрична енергија. Во делови од префектурата Чиба, која граничи со Токио, за 24 часа наврнаа повеќе од 360 милиметри дожд, поплавувајќи патишта и железнички пруги среде една од најпрометните празнични недели во земјата, пренесува Ројтерс.

Јапонските власти потврдија четири смртни случаи, вклучително и лице заглавено во потопено возило. По едно лице сè уште се трага. Поради обемот на штетите, испратена е војска да помогне во спасувачките и санациските активности.

Според податоците на компанијата „Токио Електрик Пауер“ (Tokyo Electric Power), во петокот наутро повеќе од 22.000 домаќинства останале без електрична енергија. Во градот Чиба, една од областите што претрпеа најголеми штети, стотици луѓе ја поминале ноќта во привремени центри за евакуација, поставени во јавни објекти.

Портпарол на аеродромот „Нарита“ изјави дека околу 7.000 луѓе останале заглавени во терминалот поради прекинот на сообраќајните врски. Тој додаде дека, сепак, се очекувало сите летови планирани за петок да полетаат навреме.

Од „Џапан ерлајнс“ (Japan Airlines) посочија дека се можни доцнења, но дека засега нема планови за откажување на летовите.

На снимките од јавниот радиодифузер NHK се гледаат стотици патници како спијат на подот од терминалот, покриени со ќебиња што им ги обезбедило аеродромското персоналот, заедно со храна и вода.

„Никогаш нема да го заборавиме ова патување“, изјави за NHK еден американски патник кој останал заглавен на аеродромот со своето семејство.

Тагови: јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Локализиран пожарот кај Лознани по 24-часовна интервенција на пожарникарите и населението

По 24-часовна интервенција, куќите во селото Лознани, помеѓу општините Могила и Прилеп, повеќе не се загрозени, информираа ноќеска директорот на Дирекцијата за спасување, Стојанче Ангелов, и командирот на битолските пожарникари, Христијан Тодоровски

Локализиран пожарот кај Лознани по 24-часовна интервенција на пожарникарите и населението

„Најпрвин имавме дојава за пожар во прилепско Маково. Почнавме таму да гасиме. Потоа имаше пожар во месноста Ергела накај селото Гнеотино, за во вечерните часови да се разгори пожар кај Лознани. Тој пожар го работиме цел ден денеска и го локализиравме дури вечерва. Имавме премногу тешка борба во Лознани во Новоселани беа загрозени куќи, успеавме да ги спасиме. Сега имаме активен пожар према селата Лопатица, Мусинци, Кутуруз и Црничани. Исто така, во текот на денот имаше и пожар кај селото Маково, о од друата страна на патот“, информираше Тодоровски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 14. август 2026 година

Дневен хороскоп за петок, 14. август 2026 година. 

Дневен хороскоп за 14. август 2026 година

Лав 23.7-22.8.

Љубов

Дури и ако не сте пресреќни во приватниот живот , денеска ќе најдете рамнотежа со помош на луѓето и пријателите блиски до вас.

Кариера

Можно е да го добиете заслуженото признание или ќе се појават резултатите од вашата претходна работа.

Здравје и совет

Сите ќе ги победите.

Девица 23.8.-23.9.

Љубов

Подобро ќе се чувствувате во поширок круг на луѓе , отколку во двојка. Затоа поврзете се со друштвото и не прашувајте премногу.

Кариера

Ниту денеска не треба да изостанат пофалби за вашата работа. За многумина ќе бидете пример за добар работник.

Здравје и совет

Ослободете се од љубовните грижи.

Вага 24.9.-23.10

Љубов

Најдобро ќе се чувствувате ако со саканата личност останете дома. Тука ќе се предадете еден на друг.

Кариера

На повидок е решение на еден проблем поврзан со недвижност или со вашиот дом. Работата ќе ја завршите вообичаено.

Здравје и совет

Дозирајте ја храната и пиењето.

Шкорпија 24.10-22.11.

Љубов

Некои ќе уживаат во таинствени погледи или ќе градат мал флерт. Други ќе се водат со интуиција или мечта по љубоните прашања.

Кариера

Денеска ќе биде потребно да се одработи една мала заостаната работа , што чекаше извесно време. Ќе биде тоа мала инвентура.

Здравје и совет

Пијте повеќе течности.

Стрелец 23.11.-21.12.

Љубов

Можно е претерување или фалби кон себеси пред други. На некои тоа можеби ќе им изгледа симпатично , а некои ќе бидат изнервирани.

Кариера

Вашите шефови се подготвени да ви излезат во пресрет и покрај тоа што можеби не е праведно. Ценете го нивниот став.

Здравје и совет

Претерувате во исхраната.

Јарец 22.12.-20.1.

Љубов

Веројатно ќе раскажувате нереални приказни за вашиот љубовен живот , за да ја импресионирате другата страна.

Кариера

Ако пред вас поставуваат поголеми и позначајни задачи , тогаш треба да ги оправдате со серизоно залагање.

Здравје и совет

Пораснете.

Водолија 21.1.-19.2.

Љубов

Вашата љубовна ренесанса ќе продолжи и денеска и тоа уште подобро , посилно и посреќно. Сите врати ви се отворени.

Кариера

Би можел да се случи оној прекрасен момент кога работите сами си доаѓаат на своето место. Одете напред.

Здравје и совет

Денеска планетите се на ваша страна.

Риби 20.2.- 20.3.

Љубов

Ќе најдете начин за да и се приближите на личноста која ви е блиска, но се уште нема да го доживеете исполнувањето кон кое тежнеете.

Кариера

Пред вас е поволна финансиска можност за која некогаш сте сонувале. Сега на вас е редот паметно тоа да го искористите.

Здравје и совет

Јадете пополека и доволно џвакајте.

Овен 21.3-20.4.

Љубов

Можно е да одите на некое место на кое не одите често и убаво да си поминете. не форсирајте ништо.

Кариера

Ќе ги раширите вашите деловни контакти , но во самото изразување се уште сте збунети. Затоа оставете ги другите да зборуваат наместо вас.

Здравје и совет

Мали нервози.

Бик 21.4- 20.5.

Љубов

Сите критики и проблемите што ги имате со другата страна денеска успешно ќе ги решите со спонтан разговор без притисок.

Кариера

Не ви е сосема јасна вашата цел, така што и други ќе ве прашуваат за тоа. Не им замерувајте ако немаат трпение да ве сослушаат.

Здравје и совет

Слушајте ги луѓето во вашата околина.

Близнаци 21.5.-21.6.

Љубов

Можеби ќе се чудите колку добро ви оди во љубовта. Единствено внимавајте да не зборувате таму каде што не треба.

Кариера

Вашата енергија ќе биде заразна за околината. на многумина ќе им бидете поттик зашто сте конструктивни и посветени на работата.

Здравје и совет

Понекогаш земете си пауза.

Рак 22.6-22.7.

Љубов

Ќе размислувате што сте постигнале до сега во приватниот живот. Ќе ги анализирате своите постапки.

Кариера

Трудот што до сега сте го вложиле донесе стабилни темели за развој на работата. Продолжете да го градите започнатото.

Здравје и совет

Бариерите се уриваат сами од себеси.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер