Велика Британија и платила на Руанда 230 милиони фунти за блокираниот договор за азил

Британскиот премиер Риши Сунак денеска е под притисок да објасни зошто владата и плати на Руанда 230 милиони фунти за да прими баратели на азил кои Лондон не ги сака, а според тој договор ниту еден азилант не отишол таму.

Таа сума е речиси двојно поголема од 140 милиони фунти што Обединетото Кралство претходно изјави дека и ги дала на владата на Руанда според договорот од април 2022 година. Според тој договор, мигрантите кои илегално ќе го преминат Ла Манш во Велика Британија ќе бидат испратени во Руанда, каде што ќе се обработуваат нивните барања за азил, што ќе зависи од тоа што ќе им се случи подоцна.

Планот беше оспорен пред судовите во ОК, каде минатиот месец Врховниот суд пресуди дека политиката е незаконска, бидејќи Руанда не е безбедна земја за бегалците.

Планот за имиграција е клучен за целта на британската влада да ги спречи барателите на азил да го преминат Каналот од Франција до Англија со бродови, што го направија повеќе од 29 илјади луѓе оваа година и 46 илјади минатата година. /МИА

Пријавени девет каснувања од кучиња во државава изминатото деноноќие

Пријави за девет каснувања од кучиња низ државава се евидентирани изминатото деноноќие, од кои осум се од бездомни кучиња, стои во денешниот билтен на Министерството за внатрешни работи.

Во Полициската станица Драчево, ноќеска 30 минути по полноќ, А.Ј.(31) од Скопје пријавил дека на ул.„Киро Фетак“ во Скопје неговата малолетна ќерка била касната од куче скитник.

Д.В.(59) од Скопје вчера во Полициската станица Гази Баба, пријавил дека на ул. „Јужноморавски бригади“ во Скопје бил каснат од куче скитник.

Осумдесет и едногодишната М.В. од Скопје синоќа пријавила во Полициската станица Ѓорче Петров дека на ул.„Ѓорче Петров“ во Скопје била касната од куче скитник.

Во Полициската станица Центар, А.Ц.(48) од кумановското село Тромеѓа, вчера пријавила дека во кругот на Комплексот клиники „Мајка Тереза“ во Скопје била касната од куче скитник.

Вчера во Полициската станица Карпош, Б.В.(69) од с.Бардовци, пријавила дека на ул.„6“ во с.Бардовци-скопско била касната од куче скитник.

Во Полициската станица Драчево, Е.М.(34) од Скопје пријавил дека на ул.„Бранко Заревски“ во Скопје бил каснат од куче скитник.

Кичевецот Ф.О.(50), вчера во полициска станица во Кичево пријави дека, на улицата „Магистрален пат“ бил каснат од куче скитник.

Во тетовската Полициска станица С.С.(66) од Тетово пријавила дека на ул.„Јован Ончевски“ била касната од куче скитник.

Во Билтенот регистриран е и еден случај на каснување од куче - домашен миленик. Шеесет и седумгодишниот А.Л.(67) од населбата Оризари-Кочанско вчера пријавил дека на 21.02.2024 околу 15.30 часот во населбата Оризари бил каснат од куче, сопственост на С.Н. Се преземаат мерки за расчистување на случајот, наведуваат од МВР.

Небензја: Украина сè уште може да се зачува, во некоја форма, ако тоа го сака Западот

Постојаниот претставник на Русија во Обединетите нации, Василиј Небензја, на почетокот на седницата на Советот за безбедност за Украина изјави дека нема намера да ги слуша говорите на пријавените европски претставници, бидејќи тие се како „копирани“.

„Се наоѓаме во преполна сала, иако не само што е полна салата, туку и списокот на говорници кои не се членови на СБ, а кои себеси се нарекуваат министри за надворешни работи на европските земји. Сакам однапред да ве предупредам дека нема да ги слушам ритуалните говори на претставниците на европските метрополи. Нека ја практикуваат својата елоквентност едни пред други, изнесувајќи го своето лицемерно излагање. Во ЕУ, со ретки исклучоци, нема земја со независна надворешна политика“, рече Небензја.

Според тоа, додаде тој, нема министри за надворешни работи, туку функционери кои се претставуваат како такви.

„Сакам да ве потсетам дека ниту една земја во ЕУ или на Запад не презеде иницијатива да свика барем еден состанок на Советот за безбедност за Газа. Ова експлицитно говори за вашето лицемерие и двојни стандарди“, нагласи Небензја.

Според него, целата надворешна политика на Европската унија е во рацете на Брисел, а Брисел е во рацете на Вашингтон.

„Одговорете ми на едно реторичко прашање: каква дополнителна вредност ќе имаат говорите на овие претставници кои се како копии, освен можноста да се појават на телевизиските екрани во нивните земји, изразувајќи безусловна, непоколеблива поддршка за нивните клиенти од Киев?“, праша Небензја.

Рускиот дипломат истакна дека во Њујорк е присутен и претставникот на Европската унија во ОН, кој „може да зборува во име на сите“.

- Сè уште е можно да се зачува Украина во некоја форма, но таа мора да биде мирна и неутрална земја, рече Небензја.

Тој додаде дека Западот со сите средства се обидува со измама да ги вовлече земјите од глобалното мнозинство во своите интриги во Украина, иако им е јасно дека да се разговара за што било без Русија е бесмислено.

„Русија е подготвена да се бори во Украина до крај, а Западот треба да избере дали сака да го стори тоа или дали сака да спаси нешто од таа држава. Сè уште е можно да се зачува Украина во некоја форма, но таа мора да биде мирна, неутрална земја, во која нема дискриминација и русофобија и во која нацистичките криминалци не се величат и од која нема закана за Русија“, нагласи тој.

Тој предупреди дека колективниот Запад ќе мора да одговара за она што и е направено на Украина, а „формулата за мир“ на Владимир Зеленски ја нарече „лажна на која не вреди да се губи време“.

Небензја истакна дека Русија жали за Украинците, кои беа испратени да гинат за геополитичките интереси на Западот, истакнувајќи дека „Москва започна Специјална воена операција за да ја запре војната што ја водеше режимот поддржан од Западот осум години против цивилното население на Донбас“, пренесува РТ Балкан. /МИА

Манчестер јунајтед загуби од Фулам и ја прекина серијата од пет победи

 Манчестер јунајтед попладнево загуби на домашен терен од Фулам со 2:1 во натпреварот од 26. коло на англискиот фудбалски шампионат. 

„Црвените ѓаволи“ ја прекинаа серијата од пет победи во низа во сите натпреварувања.

Првиот гол го постигна дефанзивецот на гостите Калвин Баси во 65. минута. На минута пред крајот на основните 90, Хари Мегваер го израмни резултатот. Алекс Ивоби им донесе победа на лондонскиот тим во седмата минута од судиското надополнување.

Манчестер јунајтед се наоѓа на 6. позиција во Премиер лигата со 44 бодови. Фулам има 32 бода и се наоѓа на 12. место.

На другите досега завршени натпревари од ова коло:

Астон вила – Нотингем Форест 4:2

Брајтон – Евертон 1:1

Кристал Палас – Барнли 3:0. /МИА

притисни ентер