Веќе 30 дена се излежуваат во Црна Гора, натпреварот ги урна сите рекорди - Канал 5

Забава

Веќе 30 дена се излежуваат во Црна Гора, натпреварот ги урна сите рекорди

Во Црна Гора веќе цел месец трае натпреварот во лежење поради што натпреварувачите може да влезат во Гинисовата книга на рекорди.

Веќе 30 дена се излежуваат во Црна Гора, натпреварот ги урна сите рекорди

Во селото Брезна, недалеку од Никшиќ во Црна Гора, се одржува натпревар во лежење, а од 21, колку што имаше на почетокот, останаа петмина херои. Тројца мажи и две девојки се борат за титулата „најголема мрза“ и награда од 1.000 евра, а никој не сака да се откаже сега кога победата е толку блиску, пишува 24sedam.rs.

„Ова е навистина без преседан. Сите рекорди се соборени одамна. Секој од овие пет натпреварувачи го заслужи тоа. Никој не сака да се откаже сега, ова е многу повеќе од натпревар во лежење, ова е вистинска психолошка игра. Ние се трудиме навистина да им обезбедиме најдобри услови. Им носиме храна и пијалоци, има и лекари кои се грижат за нивното здравје“, изјави Миќо Благојевиќ, креаторот на натпреварот.

Цел свет слушна за излежувањето во Брезна бидејќи бројни регионални и светски медиуми го пренесоа најбизарното натпреварување во Европа.

„Сѐ почна со оние предрасуди дека Црногорците се мрзливи и сакаат да лежат, а еве сега натпревар за кој зборува цел свет. Оваа година има бројни анегдоти кои долго ќе се прераскажуваат. “ изјави Благојевиќ.

„Еден наш натпреварувач дури и ослабе неколку килограми, иако јаде и лежи. Таткото на една девојка ѝ донесе нов автомобил пред влезот во етничкото село за да стане да го види и да го заврши натпреварот , но таа сепак рече дека не се откажува. Горивото поскапе, подобро да останеш да лежиш“, додал низ смеа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Расте бројот на заболени од западнонилска треска, апел до граѓаните редовно да користат средства за заштита од комарци

Расте бројот на заболени со западнонилска треска.

Расте бројот на заболени од западнонилска треска, апел до граѓаните редовно да користат средства за заштита од комарци

Вчера беа потрдени три нови случаи, Светската здравствена организација предупредува дека јули и август се најризичните месеци за ширење на вирусот.

Во Македонија досега се регистрирани осум случаи, а најголемиот дел од заразените воопшто немаат симптоми.

Од СЗО препорачуваат: покривање на телото со облека, користење средство против комарци и отстранување на застојаната вода околу домот. Здравствените власти смируваат дека заразата не се пренесува од човек на човек

Тагови: СЗО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руска ракета паднала во Полска? Одекнала експлозија, кратер од 10 метри

Во полскиот округ Билгорај, во близина на градот Лублин, жителите слушнале силен тресок во текот на ноќта, а по пристигнувањето на местото на настанот пронашле кратер и расфрлани делови од неидентификуван објект, соопшти денеска полицијата од Лублин

Видео: Руска ракета паднала во Полска? Одекнала експлозија, кратер од 10 метри

Кратер со дијаметар од десет метри е пронајден на поле во Тарнава Колонија, која се наоѓа околу 50 километри јужно од Лублин, а на местото на настанот пристигнале полицијата, пожарникарите и воен хеликоптер, јавува Вјадемошќи.

„Утрово добивме дојава од регионалниот центар за итни повици дека се слушнала силна експлозија во округот Билгорај помеѓу градовите Тарнава Колонија и Бискупица. Дежурниот полицаец испратил полициски патроли на местото на настанот.

По 5 часа, полицајците откриле кратер и расфрлани делови од неидентификуван предмет на поле помеѓу Тарнава Колонија и Токари, приближно на два километри од зградите“, се вели во полициското соопштение.

Во соопштението се наведува дека за инцидентот биле известени воената полиција, Агенцијата за внатрешна безбедност, Службата за воена контраразузнавачка дејност и Окружното обвинителство во Лублин, како и дека на местото на настанот биле испратени полициски службеници за борба против тероризмот.

Во Лублин, кој се наоѓа на околу 80 километри од границата со Украина, сирените се огласија и во текот на ноќта, непосредно пред 4 часот наутро.

Тагови: Полска русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Собранието последна седница за пратенички прашања

Во Собранието денеска ќе се одржи 113. пленарна седница, последна за пратенички прашања пред заминувањето на пратениците на годишен одмор.

Во Собранието последна седница за пратенички прашања

Седницата за пратенички прашања се одржува секој последен четврток во месецот, а на премиерот и на министрите прашања први им поставуваат пратениците од опозициските партии.

Секој последен четврток во месецот се одржува и редовниот брифинг на претседателот на Собранието, Африм Гаши, со новинарите.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер