Кошарка

Вечно дерби во Борис Трајковски, шампионот МЗТ Скопје домаќин на трофејниот Работнички

Арената Борис Трајковски во Скопје вечерва ќе биде домаќин на првото вечно кошаркарско дерби сезонава. Бранителот на титулата МЗТ Скопје во улога на домаќин го пречекува најголемиот ривал Работнички во 119 вечно дерби.

Кошаркарскиот празник во Македонија започнува во 17 часот и 30 минути. Пред вечното дерби во улога на фаворит е домаќинот МЗТ Скопје, поради искуствотот на кошаркарите и поради силните натпревари одиграни во регионалната АБА лига. Сепак победнички амбиции има и најтрофејниот клуб во мак –баскетот Работнички.Предводникот на шампионот од Градски Парк Емил Рајковиќ пред супер дербито порача , дека МЗТ е фаворит но неговите кошаркари ќе го остават срцето на теренот за да победат. Секако покрај на теренот вечното дерби ќе биде интересно и на трибините .

Двете навивачки групи , Фемили на МЗТ и Сити Парк Бојс на Работнички се подготвени да им помогнат на своите миленици да стигнат до толку посакуваниот триумф. Пред вечнотот дерби раководствата на двата клуба повикаа на „мирно дерби “ без инциденти. Посакуваме вистинска спортска атмосфера на вечерашниот дуел во нашата најголема арена , бидејќи само со спортско навивање може да му помогнеме на својот клуб на патот до победата.

Инаку според ростерот на тимот шампионот МЗТ Скопје е благ фаворит иако во вакви дерби средби не секогаш одлучува квалитетот на тимот, Инспирацијата и моменталниот блесок многупати го решиле победникот на вечното дерби.

Предноста на металците секако е во репрезентативното трио Гечевски, Чековски , Дамјан Стојановски .Но свој квалитети има и засилениот работнички, пред вечното дерби дебармаалци се засилија со искусниот плеј Димитар Мираковски и силниот центар Колман кој сигурно ќе бидат значајни алки во тимот на Рајковиќ . Колман заедно со Кнежевиќ ќе се обида да го запре ударниот тандем на МТЗ Скопје искусниот центарски двоец Гечевски -Чековски.

Интересна битка ќе се води и на надворешните позиции меѓу репрезентативците од двата табора Дамјан Стојановски против Дарко Соколов или Александар Костовски против искусниот Димитар Мираковски.

МЗТ Скопје е фаворит во 119 вечно дерби , но традицијата на дербите е на страна на трофејниот работнички, тимот од Градски парк има 76 победи во досегашните средби против МЗТ Скопје кој има 42 триумфа над вечниот ривал.

Металците се поуспешни од големиот ривал во последните 4 сезони со 10 победи на 18 средби.
Инаку за вечерашното вечно дерби во продажба се останата само уште околу 500 влезници , кој по цена од 100 и 150 денари се продаваат во СЦ Ново Лисиче и МезеБар-ТЦ Скопјанка, најдоцна до 16.00 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

19 годишник со мотоцикл загина при судир со автомобил Алфа Ромео со италијански ознаки на ул. Радишанска

Истрагата треба да покаже како настанала несреќата.

Силниот звук од силниот удар на улицата Радишанска во скопската населба Радишани на улица ги извадил жителите од улицата на самото место на сообраќајната несреќа каде на самото место загинал 19 годишниот Н.М кој управувал со моторот што имал сообраќајка со возило алфа ромео со италијански регистрарски таблици управуван од 46 годишен С.Б. Целата улица беше блокирана, а граѓаните во шок раскажуваа дека ударот бил силен, а момчето немало знаци на живот.

Истрагата треба да покаже како настанала несреќата. И автомобилот е со големи оштетувања од левата страна на возилото каде што бил ударот. Возачот со повреди бил пренесен на болничко лекување.

По завршување на истрагата ќе се знаат причините и околностите за сообраќајната незгода.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со одлука на Апелација за убиството на партнерката казната за кавадарчанецот зголемена од 16 на 20 години затвор

Апелационот суд во Скопје ја зголеми зaтворската казна од 16 на 20 години на 44 годишниот Илија Панов.

Апелационот суд во Скопје ја зголеми зaтворската казна од 16 на 20 години на 44 годишниот Илија Панов, кој беше прогласен за виновен за убиството на вонбрачната партнерка 52 годишната Сузана Серенакова извршено во јануари 2025 година во Кавадарци.

И одбраната на Панов и обвинителството се жалеа на првичната пресуда. Но, апелација одлучи казната да биде повисока со цел да има поголема казна врз основа на направеното дело за лице кое било осудувано и претходно и во чести состојби на афект ја физички и психички ја малтертриал неговата партнерка. Обвинетиот не го признал делото негирајќи дека не бил кај жртвата дома, но ДНК анализата покажала дека траги од него биле пронајдени на облеката и под ноките на жртвата, за што биле клучни во истрагата. Панов беше обвинет за убиство за дело кое е привидена најстрога казна доживотен затвор.

Семејното насилство е во пораст, од периодот од 2018 до 2025 година извршени се 42 убиства, 24 обиди и 192 тешки повреди, а имало скоро 45 илјади пријави за семејно насилство. Психологот Мирјана Јовановска Стојановска објаснува дека високите затворски казни се во ред, но самата казна не ја менува мотивацијата кај насилникот и неговата внатрешна намера, го менува само однесувањето да ја избегне казната.

„Она што се случува внатре во личноста казната не го менува. Да треба казна но најдобро е да има комбиниран систем каде освен казна ќе му се помогне на оној што ги прави делата. Затоа што очигледно е дека им треба многу помош“, вели изјава Мирјана Јовановска Стојановска.

Со новите измени во законот за спречување и заштита од насилство се предложува полицајците да имаат ново овластување со кое полицаецот врс основа на процена на ризик ќе може веднаш да изрче мерка за заштита на жрвата, насилникот да се отстрани од домот без согласност на жртвата и да трае до 48 часа со што судот може да ја продолжи до 30 дена или да ја укине.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Скопјанец управувал возило со 3,29 промили алкохол во организмот и предизвикал сообраќајна незгода, следува соодветна пријава

За настанот е известен јавен обвинител, а возилото било одземено.

На 06.08.2026 во 17:00 часот во Скопје, полициски службеници од СВР Скопје го лишија од слобода И.А.Л.(34) од Скопје. Претходно, во 15:10 часот на ул.„Пролет“ во Скопје, со патничко возило „матиз“ со скопски регистарски ознаки, кое го управувал, учествувал во сообраќајна незгода со патничко возило „хонда“ со скопски регистарски ознаки, управувано од Д.П.(20) од Скопје, при што била причинета материјална штета. При преземање мерки и вршење на увидот, полициските службеници констатирале дека И.А.Л. возел под дејство на алкохол, односно му биле измерени 3,29 промили во крвта.

За настанот е известен јавен обвинител, а возилото било одземено. По целосно документирање на случајот, против него ќе биде поднесена соодветна пријава.

Тагови: Алкохол мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.