Македонија

Вечерва во „Само вистина“ гости ќе бидат Самоил Малчески и Ненад Јовановиќ

Почитувани гледачи, среда – среќен ден и одличен повод и вечерва да проследите интелектуална борба на двајца “дивови” на социјалните мрежи.

Во десниот агол, ултрадесниот, по ставови, професор Самоил Малчевски и во левиот агол, мегалевиот критичар на се што е “вмровско” - Ненад Јовановиќ.

За кого мајка а за кого маќеа? Кичеец го пуштија дома, додуше само дома, додека “молчеливите” Јанева и Јовановски остануваат во Шутка. Дали судовите имаат двојни аршини? Има ли некој влијание врз т.н. „сваровски судството“ и „русковска обвинителството“? Кој следен ќе добие тежок удар од рекетот? Ќе падне ли прва политичка жртва на рекетот?

Кој се бил на распит кај Русковска и што се дозна јавното обвинителство? Дали добивањето датум за преговори ќе ги промени позициите на малчевски дека власта ги распродаде националните интереси? И додека јавноста се занимава со политика сите заборавивме на економијата. Дали порастот на платите ни го наполна и џебот повеќе? Дали оваа година и навистина е економска година на владата? Дојде ли живот за сите или само за оние што и така си го имаа?

На интелектуалното мерење, и двајцата вечерашни “борци” имаа приближно иста “тежина” ракавицата на универзитетскиот професор Самоил Малчевски му ја „фрла“ колумнистот Ненад Јовановиќ.

Вечерва ексклузивно и само на Канал 5 ТВ во 18:30 часот – „Само вистина“.

Шоу биз

Уапсен е легендарниот француски актер Жерар Депардје

Францускиот актер Жерар Депардје утрово е приведен во полиција, за да биде сослушан во врска со наводите за сексуален напад врз две жени.

Тој е одведен во полициска станица во Париз каде е сослушан. Две жени го обвинија актерот за сексуална злоупотреба.

Едната го обвинува дека непримерно ја допирал во 2014 година на сетот на „Магионичарот и гледачот“, а другата во 2021 година на снимањето на „Зелените очи“ на Жан Бекер.

Депардје ги оспорува фактите за кои е обвинет.

Првата жалителка, филмски декоратор, раскажала сè за настаните што се случиле во септември 2021 година. Во тоа време, Жерар учествувал на снимањето на Les Volets vertes на Жан Бекер.

- Еден ден, додека седел во ходникот, ја фатил оштетената за нозете и ја закачил меѓу своите бутови - рекла таа. Ја допирал по половината, градите и задникот и ѝ ги кажувал следните зборови според нејзината изјава: „Ќе ти го закачам мојот голем чадор во пи**ата“.

Фудбал

Санчез на лето ќе го напушти Интер како слободен играч

Напаѓачот Алексис Санчез ќе го напушти Интер на крајот од актуелната сезона, пренесува новинарот Фабрицио Романо.

Според Романо, фудбалерот ќе го напушти клубот како слободен играч. Договорот на 35-годишниот Чилеанец истекува на 30 јуни.

Претходно, италијанските медиуми пишуваа дека Интер не е заинтересиран да го продолжи договорот со фудбалерот.

Како дел од клубот од Милано, Санчез двапати ја освои Серија А, го освои Купот на Италија и два пати го освои Суперкупот на земјата.

На лето Интер ќе го напушти и играчот од средниот ред Стефано Сенси. /МИА

Свет

Преговорите за глобален договор за подготвеност за пандемија влегуваат во завршна фаза

Земјите-членки на Светската здравствена организација (СЗО) од денеска ги вложуваат последните напори да постигнат договор за склучување договор за глобална подготвеност за пандемии, јави ДПА.

Во пресрет на пандемијата на Ковид, 194-те земји-членки на СЗО повикаа на договор за да се осигура дека земјите се подобро подготвени да се справат со следната катастрофа и дека глобалниот одговор не е толку хаотичен.

Страните сакаат планираниот договор да вклучи мрежа за снабдување координирана од СЗО, така што сите земји ќе можат да пристапат до лековите што им се потребни во итен случај без трговски ограничувања.

Слично на тоа, дел од произведените лекови или вакцини ќе им бидат дадени на посиромашните земји бесплатно или по ниска цена. Одредбите ќе важат само за земјите што ќе го ратификуваат договорот. Тој ќе стапи во сила откако 60 земји ќе го ратификуваат документот.

Целта е договорот да биде усвоен на овогодинешното Светско здравствено собрание - тело за одлучување на СЗО. Средбата ќе започне на крајот на мај.

Последната рунда разговори на почетокот на оваа година не успеа, а разговорите кои започнуваат денеска се сметаат за последна шанса да се постигне договор пред крајниот рок во мај.

Во обид да се постигне консензус, преговарачите претставија многу покондензиран нацрт-договор од претходната верзија. Сегашниот се состои од 23 страници, изоставувајќи многу контроверзни одредби.

Едно од контроверзните прашања е дали и на кој начин фармацевтските компании треба да бидат обврзани да споделуваат експертиза и да обезбедат дел од своите производи на посиромашните земји.

Хуманитарната организација „Лекари без граници“ тврди дека договорот треба да се однесува на прашањата поврзани со глобалното здравје, здравствената заштита и правдата, а не само да ги штити интересите на индустријата. /МИА