Вечерва во КИЦ Битола, се отвора изложба на полски уметници-„Антропос“ графичка уметност, цртежи, сликарство - Канал 5

Култура

Вечерва во КИЦ Битола, се отвора изложба на полски уметници-„Антропос“ графичка уметност, цртежи, сликарство

Ова е комплексна меѓународна ликовна излоба како дел од проектот: „Простори на уметност: Природа – Култура – ​​Човештво“

Вечерва во КИЦ Битола, се отвора изложба на полски уметници-„Антропос“ графичка уметност, цртежи, сликарство

Организирана од: Институт за ликовни уметности, Факултет за уметност и образовни науки во Чешин, Универзитет во Шлезија во Катовице, Полска.

Факултетот за ликовни уметности на Универзитетот во Шлезија е еден од најзначајните универзитети во полска со меѓународно афирмативно значење од и радиус.

Досега им реализирано и низа ликовни претставувања во во странство, со што има воспоставено многу значајни меѓународни творечки контакти со светот. Покрај тоа е и еден од најзначајните претставници на европскиот проект - Алијансата Transform4Europe! А воедно има воспоставено и директна соработка со Десет европски универзитети работејќи на создавање меѓународен мобилен универзитет. Изложбата во Битола е вклучување во ова значајно културно и творечко вмрежување со што нашиот град и Културен и информативен центар- офицерски се вклучуваат во овој значаен меѓународен културен и творечки проект.

На изложбата учествуваат скоро сите професори од овој универзитет кои и се значајни меѓународни ликовни творци: Tomasz Chudzik, Adam Czech, Hanna Grzonka-Karwacka, Agnieszka Jaworska, Wiktoria Kaczmarek, Kamila Kasperowicz, Kacper Kościółek, Anna Krasnodębska, Maria Antonina Mazurek, Aleksander Ostrowski, Wiesława Ostrowska Krzysztof, Pasztuła Ryszard Pielesz, Maciej Rękosiewicz, Aneta Sadowska Justyna, Stefanczyk Felicjan Wójcik.

Организатор на изложбата од Полска е Адам Чечх еден од поистакнатите полски уметници со високо меѓународно творечко реноме. Со голем број меѓународни изложби како и со бројни и истакнати меѓународни награди и признанија во областа на графичкото творештво.

Самата манифестација поставена во Културен и информативен центар- офицерски во Битола е исткнато и афирмативно претставена во Полска како еден од позначајните ликовни настани во овој период во Македонија.

Овој значаен и исклучителен ликовен меѓународен настан во нашиов град е организиран по иницијатива на Владо Ѓорески, кустос советник во рамките на интензивните комуникаци со Меѓународното графичко триенале – Битола, Меѓународното биенале на минијатурна уметност- Битола и Универзитетот во Шлезија како и Културен и информативен центар- офицерски со што Битола е веќе вброена во мапата на поистакнатите европски ликовни центри и тоа не само како простори на ликовно претставување и излагање туку и како сериозни центри на одвивање значајни меѓународни актуелни ликовни корелации во сите домени и аспекти.

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Вонредна дератизација на критични локации во Центар

Општина Центар – Скопје денес и утре спроведува вонредна дератизација на повеќе критични локации на територијата на општината, поради зголемена појава на глодари.

Герасимовски: Вонредна дератизација на критични локации во Центар

Со акцијата ќе бидат опфатени локации во Капиштец, Дебар Маало, Буњаковец и Кале, каде што е забележана зголемена појава на глодари и каде што има пријави од граѓаните.

Градоначалникот на Општина Центар, Горан Герасимовски, истакна дека општинските служби реагираат на пријавите и дека состојбата на терен ќе продолжи да се следи.

„По пријавите од граѓаните веднаш преземаме мерки и спроведуваме вонредна дератизација на локациите каде што е забележана зголемена појава на глодари. Ќе продолжиме да ја следиме состојбата и ќе реагираме секаде каде што ќе има потреба. Ги повикувам граѓаните да ги пријавуваат ваквите појави за да можеме навремено да постапуваме“, изјави Герасимовски.

Вонредната дератизација ќе се спроведе на следните локации:

Капиштец – ул. „Загребска“ бр. 28, спроти Биотек (поранешно КТК), кај контејнерите.

Дебар Маало – ул. „Радњанска“, кај контејнерите, просторот околу Пазарот Буњаковец и дел од ул. „Рузвелтова“.

Буњаковец – ул. „Борка Талески“, од ООУ „Ј. Х. Песталоци“ до Грчката амбасада, како и крстосницата на ул. „Стефан Јакимов Дедов“ со ул. „Апостол Гусларот“, вклучително и шахтите околу запуштениот објект до ООУ „Ј. Х. Песталоци“, Катната гаража и бараките на ЈП „Комунална хигиена“.

Кале – ул. „Лазар Личеноски“, во близина на Спортска медицина и Царинската управа.

Од Општина Центар апелираат граѓаните да бидат внимателни при движење на наведените локации во периодот додека трае акцијата и да не ги поместуваат или оштетуваат поставените средства за дератизација.

Општина Центар ќе продолжи да ја следи состојбата на терен и да презема мерки за одржување на чиста, безбедна и здрава животна средина за граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во пожар над селото Палиград на Китка спасено теле

Вчера додека бев на лице место на големиот пожар над селото Палиград, на планината Китка, покрај тешката борба со пожарот имавме и една несекојдневна и убава случка.

Во пожар над селото Палиград на Китка спасено теле

Во метежот и огнот, пожарникарите од Противпожарната бригада на Град Скопје успеаја да спасат едно мало теле кое останало на опожарениот терен. Мало, исплашено, но живо – една мала победа во тешкиот ден.

Во вакви моменти, секој спасен живот е важен. А денес, меѓу огнот и пепелта, успеавме да спасиме и едно мало суштество.

За жал, пожарите не ја загрозуваат само природата, имотот и животите на луѓето. Загрозени се и животните, кои често остануваат беспомошни пред огнената стихија.

Затоа, апелирам на максимална одговорност и внимателност. Пожарите, без разлика дали се подметнати или избувнуваат поради невнимание, оставаат последици врз сите живи суштества. Да ја чуваме природата, да ги заштитиме луѓето, имотот и животнитеинформира првиот човек на ЦУК, Мухамед Али.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Ливерпул во нов обид да го ангажира Минте, Баркола се уште прескап

Англискиот гигант Ливерпул повторно ќе се обиде да го реализира трансферот на десното крило Јанкуба Минте (22) од Брајтон. 

Ливерпул во нов обид да го ангажира Минте, Баркола се уште прескап

Минатата сезона, гамбискиот репрезентативец постигна три гола и забележа четири асистенции на 34 натпревари во Премиер-лигата. Неговата пазарна вредност изнесува 45 милиони евра, а тој има договор со клубот до летото 2029 година.

Главна цел на Ливерпул е Бредли Баркола од ПСЖ, но клубот не е подготвен да ги плати 160-те милиони евра (или повеќе) што францускиот гигант ги бара за него.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер