Вечер на руска музика“ во МОБ - Канал 5

Култура

Вечер на руска музика“ во МОБ

Во Македонската опера и балет утревечер ќе се одржи „Вечер на руска музика“. Учесници ќе бидат млади македонски музичари, како и реномираниот ансамбл од Русија „Квинтет на четворица“ со солистката Олга Нефедова. Музичарите ќе исполнат класични дела од руската народна и академска музика.

Вечер на руска музика“ во МОБ

Ансамблот „Квинтет од Четворица“ е формиран во 2009 година од студенти на факултетот за народни инструменти на Санктпетербуршкиот конзерваториум. Учесниците на овој ансамбл се здружиле со заедничка идеја за враќање на народните инструменти до широкиот круг слушатели, со изведување современа и актуелна музика. Тие свират кросовер, стил кој е популарен во сиот свет, мешајќи го со класични и со современи музички елементи. Ансамблот мошне бргу добил на популарност, од големите концертни сали, па се до клубовите и различните арт-простори.

Музичарите од ансамблот постојано трагаат по својот звук и стил. Досега имале повеќе успешни настапи, во концертната сала на Мариинскиот театар, во Големата и во Малата сала на филхармонијата „Шостакович“, во Петербуршката капела, Театарот на естрадата „Рајкин“, во Академијата „Гнесини“ (Москва), во Центарот за музичка култура „Сергеј Рахманинов“ (Велики Новгород) и други.

Познанството со младата оперска певица, дипломецот на Московскиот конзерваториум Олга Нефедова го инспирирала Ансамблот при создавањето нова програма во која влегуваат романси од најголемите руски композитори Рахманинов, Варламов, Аљабева.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: „Гласањето во Америка е корумпирано“

Претседателот на Соединетите Американски Држави, Доналд Трамп, денес изјави дека гласањето во САД е корумпирано, особено кога брзината на утврдување на резултатите ќе се спореди со онаа во Бразил.

Трамп: „Гласањето во Америка е корумпирано“

„125 милиони луѓе гласаа во првиот круг од претседателските избори во Бразил. Резултатите беа објавени кратко по затворањето на избирачките места – истиот ден“, напиша Трамп во објава на својата социјална мрежа „Трут“ (Truth).

„Во Детроит, Филаделфија, Калифорнија и во бројни други американски градови и сојузни држави, честопати се потребни недели за да се утврдат резултатите – односно да се пребројат – иако станува збор за значително помал број гласови.

Гласањето во Америка е корумпирано“, додаде американскиот претседател.

Десничарскиот кандидат на претседателските избори во Бразил, Флавио Болсонаро, и поранешниот претседател од левицата, Луис Инасио Лула да Силва, се пласираа во вториот круг од претседателските избори во Бразил, кој ќе се одржи на 25 октомври.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Видео: Магијата на Никола Јокиќ – феноменална асистенција од агол во агол

Кошаркарите на Денвер Нагетс синоќа загубија од Јута Џез со резултат 109:97 во натпревар од предсезоната во НБА. 

Видео: Магијата на Никола Јокиќ – феноменална асистенција од агол во агол

Еден од најдобрите светски кошаркари во последните пет години, центарот на Денвер, Никола Јокиќ, одигра само 14 минути и забележа 3 поени, 3 скока и 7 асистенции, но за една од нив особено се зборува.

Додавањето преку целата одбрана е потег што Јокиќ го изведува речиси совршено, а овојпат се надмина себеси.

Тој упати додавање зад грб низ тројца одбранбени играчи поставени на основната линија и го пронајде осамениот Камерон Џонсон во десниот агол за шут за три поени.

Магија. Едноставно кажано.

Тагови: НБА Никола Јокиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД ги повлекоа сите свои бомбардери од британската воена база каде се случи инцидентот што го истражува полицијата

САД ги повлекоа сите свои бомбардери од Раф Ферфорд, британската воена база каде се случи инцидентот  што го истражува полицијата за борба против тероризмот.

САД ги повлекоа сите свои бомбардери од британската воена база каде се случи инцидентот што го истражува полицијата

Во соопштението од официјален претставник на Пентагон се потврдува дека вчера ги отстраниле своите бомбардери - за кои се смета дека се околу десетина, од базата назад кон нивните матични станици во Америка.САД не наведоа причина за повлекувањето, но тоа следува по големиот инцидент на 27 септември кога полицијата беше предупредена за три „сомнителни возила“ во близина на воздухопловната база.

Петмина мажи првично беа уапсени под сомнение за терористички дела во близина на базата, а потоа ослободени со кауција. Шестиот маж, британски државјанин со иранско државјанство, исто така беше подоцна уапсен и ослободен со кауција.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер