Вечер на ЕУ на „Охридско лето“ со кларинетистот Пабло Бараган и пијанистката Елоиз Бела Кон - Канал 5

Култура

Вечер на ЕУ на „Охридско лето“ со кларинетистот Пабло Бараган и пијанистката Елоиз Бела Кон

 Музичката програма на годинешното 63-то фестивалско издание на „Охридско лето“ продолжува со концертот на кларинетистот Пабло Бараган и пијанистката Елоиз Бела Кон, во рамки на вечерта на ЕУ.

Вечер на ЕУ на „Охридско лето“ со кларинетистот Пабло Бараган и пијанистката Елоиз Бела Кон

За кларинетистот Пабло Бараган роден во Андалузија, со живеалиште во Берлин, е вели дека секогаш огромно значење придавал на интеракцијата помеѓу музичарите за време на заедничкото музицирање, сметајќи дека токму таа симбиоза помеѓу нив е идеалот при интерпретацијата на музичките дела. Од таа појдовна точка тој ги креира своите соло настапи со оркестар кои помеѓу другите ги вклучуваат Симфониските оркестри во Базел и Хамбург, Симфонискиот оркестар на Шпанската РТВ, Словачката филхармонија, но така ги гради и соработките во светот на камерната музика кои ги реализира на фестивалот „Шлезвиг-Холштајн“, Интернационалниот фестивал „Моливос“ или фестивалот на Марта Аргерич на кои меѓу другото настапува со пијанистите Данае Доркен, Софи Пачини, виолинистката Ноа Вилдшут, виолончелистот Киан Солтани и квартетот „Шуман“.

Во сезоната 2022/23 Бараган настапува со Словачката филхармонија, со камерниот оркестар „Франц Лист“, со филхармонијата на Баден Баден, „Брукнер“ оркестарот во Линц и Камерниот оркестар во Келн, додека пак од неговите камерни настапи сезонава се издвојуваат пет концерти на Фестивалот „Мекленбург – Форпомерн“ каде ќе настапува со селекторката на програмата Ноа Вилдшут, како и со други истакнати камерни музичари како Тимоти Ридаут, Џулија Хаген, Стивен Вартс и Тобиас Фелдман. Од особено значење годинава е неговото деби во лондонскиот „Вигмор Хол“ каде ќе го изведе Квинтетот за кларинет од Ј. Брамс заедно со квартетот „Шуман“. Следат настапи и со квартетите „Модиљани“, со триото „Ситковетски“ и со квартетот „Кремона“.

Настапите го водат Пабло Бараган низ Европа и Јужна Америка каде настапува на фестивалот во Картагена (Колумбија), но и во Сао Паоло, Лима и Буенос Аирес каде настапува под закрила на Интернационалниот фестивал од Ерусалим.

Пабло Бараган студира на конзерваториумот во Севилја во класата на Антонио Салгуеро, а се усовршува кај Матиас Гландер на академијата „Баренбоим-Саид“ во Севилја. Се стекнува со непроценливо искуство свирејќи во оркестарот „Запад-Исток“ основан од Даниел Баренбоим. Во 2011 година е добитник на наградите на Музичката младина на Шпанија како и Европската награда за млади музичари. Во 2012 година е лауреат на АРД натпреварот во Минхен, во 2013 ја добива наградата на Кредит Свис за млади солисти и настапува на фестивалот во Луцерн. Од 2020 година Бараган е предавач на академијата „Баренбоим-Саид“ во Севилја и одржува мајсторски курсеви на Фестивалот во Трентино.

Пабло Бараган е ексклузивец на компанијата за изработка на кларинети „Бакун“ и свири на модел кларинет „Бакун Лумиер“.

Пијанистката Елоиз Бела Кон е редовно застапена на некои од најзначајните фестивали и концертни подиуми во Франција како театарот „Шанзелизе“, салата „Гаво“, аудиториумот на музејот „Орсај“, салата на француското радио, фестивалот „Рок Антерон“, фестивалите во Лил, Тулуз, Руен, како и на интернационалниот фестивал во Акс ен Прованс.

Родена во Париз во 1991 година, Елоиз Бела Кон го започнува музичкото образование на четири годишна возраст во школата „Јамаха“, а продолжува да студира на Парискиот конзерваториум со Мишел Бероф, Ерик ле Саж, Давид Фре и Пјер-Лорен Аимар. Се усовршува на Универзитетите во Фрајбург и Виена со Лилја Зилберштајн. За време на студиите посетува мајсторски класови кај Алдо Чиколини, Дмитри Башкиров, Томас Адес, Роберт Левин, Кристијан Закаријас и Андраш Шиф.

Во 2016 година Бела Кон се закити со наградата Млад уметник на годината од списанието „Дијапазон“, а од 2018 година е и официјален уметник под закрила на брендот „Јамаха“ а овие две признанија како и длабочината на нејзината музикалност ѝ помагаат нејзината кариера да се придвижи во нагорна линија. Заедно со виолинистот Кристоф Конц го основа фестивалот „Европски денови на музиката“ во Хајделберг, а како солист и камерен музичар настапува на престижните концертни подиуми како што се: филхармонијата во Берлин, виенскиот „Концертхаус“ и „Музикферајн“, „Концертгебау“ во Амстердам, „Моцартеум“ во Салцбург… Сцената ја дели со признати оркестри и диригенти, а нејзини партнери во камерната музика се: Даниел Отензамер, Ноа Бендикс -Балгли, Силвија Кареду, Софи и Феликс Дерво, солистите на Виенската и Берлинската филхармонија како и Нобуко Имаи, Арабела Штајнбахер, Рено Капусон, Емануел Тјекнаворијан, Ајлен Притчин, Филип Беро, Мишел Портал и Ерик Ле Саж.

За нејзините три албуми добитничка е на наградите „Шок класика“ и „Златен дијапазон“ и награда на музичките критичари на Франција.

Вечерашниот концерт ќе се одржи во прекрасната акустика на катедралната црква „Света Софија“, со почеток од 21 часот. На програмата се дела на Месажер, Албеник, Пуланк, Де Фаља, Вебер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Четири пријави за семејно насилство во последното деноноќие

Две лица лишени од слобода, со едно извршен службен разговор, вкупно четири пријави за семејно насилство во последното деноноќие

Четири пријави за семејно насилство во последното деноноќие

На 03.07.2026 во 01:55 часот во гевгелиско село, полициски службеници од ОВР Гевгелија лишија од слобода 45 годишен жител на селото, кој според пријавеното околу 00:10 часот во семејниот дом, физички ја нападнал неговата сопруга. Лицето е задржано во Полициската станица Гевгелија и за настанот е запознаен јавен обвинител од Основното јавно обвинителство Гевгелија. По документирање на случајот ќе биде поднесен соодветен поднесок.

На 02.07.2026 вo 19:00 часот во СВР Скопје 80-годишен маж пријави дека околу 14:00 часот во домот на подрачјето на Центар бил физички нападнат од неговата ќерка С.И.(54). Се преземаат мерки за расчистување на случајот.

На 02.07.2026 во 23:55 часот полициски службеници од Полициско одделение Кривогаштани во с. Боротино, општина Кривогаштани го лишија од слобода Б.С.(29) с. Боротино, затоа што во семејниот дом упатувал закани кон неговиот татко. По целосно документирање на настанот ќе следува соодветен поднесок.

На 02.07.2026 во 14:55 час во ОВР Кичево, 40-годишна жена пријави дека на 29.06.2026 нејзината малолетна ќерка била физички нападната од нејзиниот поранешен свекор, а кон двете упатил закани. Се преземаат мерки за целосно документирање на случајот.

Тагови: семејно насилство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Царинските управи на Македонија и Албанија ја продлабочуваат соработката

Царинските управи на Македонија и Албанија ја продлабочуваат соработката со нов Протокол за царински контроли на заедничките гранични премини

Царинските управи на Македонија и Албанија ја продлабочуваат соработката

Унапредување на граничното управување на граничните премини со Албанија преку поефикасни контроли и олеснување на трговијата, ќе овозможи забрзување на регионалната интеграција во ЕУ и оттука во фокусот на Царинските управи ќе биде унапредување на царинските процедури што ќе бидат дефинирани со новиот Протокол за спроведување на меѓудржавниот Договор за заеднички гранични премини.

Делегации од двете Царински управи предводени од директорот Бобан Николовски и директорот на Царинската управа на Албанија, Бесмир Беја, заедно со високи претставници на ОБСЕ извршија увид во начинот на управување со граничниот премин Ќафасан-Ќафтане, по што беше остварена и средба на која трите страни дискутираа за практична примена на Договорот и Протоколот кон истиот.

- Соработката со Албанија прерасна во вистинско партнерство засновано на меѓусебна доверба, отворена комуникација и заедничко разбирање дека ефикасното управување со границите е од суштинско значење за економскиот развој, регионалната поврзаност и безбедноста на нашите држави и регионот, истакна Николовски и додаде дека потпишувањето на Протоколот треба да резултира со намалување на времето на чекање и забрзан проток на трговијата, зголемена доверба на бизнис заедницата и забрзан проток на патници и стока.

Директорот на Царинската управа на Република Албанија, Беја, истакна дека ваквите средби се доказ дека напредокот е можен доколку двете страни работат заедно.

- Соработката на Царинските управи е најдобар пример како да ги подобриме условите и за граѓаните и за бизнис заедницата во нашите држави. Царинската управа на Македонија има добра репутација на институција која има најголем напредок. Со Протоколот ќе ги координираме царинските процеси и заеднички ќе ги користиме ресурсите што ги имаме на располагање и ова е токму во насока на подобри контроли и олеснување на трговијата, вели Беја.

Раководителот на Програмата за реформи во полицијата и кривично-правниот систем во Мисијата на ОБСЕ во Скопје, Едвард Андерсон рече дека е привилегија да се биде на историски настан кој не само што го унапредува заедничкото делување туку и ја унапредува сигурноста на граѓаните на двете држави.

Дарко Ангелов, шеф на Одделот за соработка во областа на безбедност во Мисијата на ОБСЕ во Тирана потенцира дека Протоколот е успешна кулминација на десетгодишна успешна соработка во делот на граничното управување која постојано се надоградуваше преку поддршка и на Мисиите на ОБСЕ во Македонија и Албанија. Тој притоа додаде дека е поминат долг пат од воспоставување на првиот полициски контактен центар за соработка, сега проширен и во делот на царината на граничниот премин Ќафасан-Ќафтане.

Тагови: Царинска управа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев: Полициското образование е темел на силна и професионална полиција

 Јанев ја посети Полициската академија, каде заедно со раководството и вработените присуствуваше на церемонијата на неделното спуштање на државното знаме.

Директорот на БЈБ Јанев: Полициското образование е темел на силна и професионална полиција

Денеска (03.07.2026) директорот на БЈБ Александар Јанев ја посети Полициската академија, каде заедно со раководството и вработените присуствуваше на церемонијата на неделното спуштање на државното знаме – традиција која симболизира чест, одговорност и посветеност кон татковината.

При посетата, директорот Јанев истакна дека оваа церемонија за него има особено значење, бидејќи го потсетува на неговите почетоци во полициската професија пред 33 години, кога како кадет ги направил првите чекори во службата.

Тој нагласи дека обновувањето на Средното полициско училиште „7 Мај“ во рамките на Полициската академија претставува обновување на вредностите, традицијата и докажаниот систем за создавање професионални и достоинствени полициски службеници.

Директорот Јанев порача дека раководството останува посветено на изградба на модерен и стабилен полициски систем заснован на знаење, интегритет и професионалност, нагласувајќи дека силната полиција започнува со образованието, вредностите и љубовта кон татковината.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер