Вдовицата на Коби го расплака Мајкл Џордан на церемонијата во Куќата на славните (ВИДЕО) - Канал 5

Кошарка

Вдовицата на Коби го расплака Мајкл Џордан на церемонијата во Куќата на славните (ВИДЕО)

Со осуммесечно задоцнување поради пандемијата, генерацијата 2020 година, можеби најголемата во историјата, синоќа конечно беше примена во Кошаркарската куќа на славните на церемонијата во Спрингфилд.

Вдовицата на Коби го расплака Мајкл Џордан на церемонијата во Куќата на славните (ВИДЕО)

Нејзини предводници беа три легенди кои ги опустошија НБА-подовите од средината на 90-тите до средината на минатата деценија - Кевин Гарнет, Тим Данкан и покојниот Коби Брајант.

Во вечерта полна со емоции, најголемите останаа за крај, кога на сцената се појави Ванеса Брајант, во друштво на идолот на Коби и ментор Мајкл Џордан.

"Отсекогаш избегнував јавно да го фалам сопругот затоа што мислам дека доби доволно од обожавателите и некој мораше да го врати во реалноста. Сигурна сум дека сега се смее од небото затоа што само ќе го пофалам во јавноста за неговите достигнувања на една од најпознатите јавни сцени. Тој сè уште победува ", на шега го започна Ванеса својот 13-минутен говор, додека Џордан стоеше покрај неа, борејќи се да ги задржи солзите.

Таа се присети на тоа како Коби научил да игра и да шутира со левата рака среде сезоната кога го повредил десниот прст, како погодил две слободни фрлања со искината Ахилова тетива пред да откуца од теренот без ничија помош, и никогаш не сакаше да пропушти натпревар заради оние навивачи, кои штедеа пари за билет за да го гледаат во живо.

Таа потсети на неговата мантра дека сака да биде секој ден подобар отколку што бил претходниот ден и дека меѓу многуте неверојатни кошаркарски достигнувања по завршувањето на кариерата, тој стана првиот спортист што освоил Оскар. Повеќе од сè, таа го пофали како неверојатен семеен човек, сопруг и татко на нивните ќерки Наталија, Џана, која почина со него во хеликоптерската несреќа, Бјанка и Капри.

"Почитуван Коби, ти благодарам што беше најдобриот сопруг и татко што можеше да бидеш. Ти благодарам што растеше и учеше од твоите грешки. Ти благодарам што секогаш се обидуваше да бидеш подобар".

Таа го заврши својот емотивен, силен и достоинствен говор со сеќавање на една од неговите реченици.

Еднаш ми рече: 'Ако се обложуваш на некого, обложувај се на себе'. "Мило ми е што се обложи на себе. Го стори тоа. Ти си во Домот на славните. Ти си вистински шампион, не само МВП, туку великан на сите времиња. Јас сум толку горда на тебе. Те сакам секогаш и засекогаш, Коби Бин Брајант “.

YouTube video

Пред Коби, на ред дојде Тим Данкан, најдобриот центар на сите времиња, кој беше придружуван од поранешниот соиграч Дејвид Робинсон. Данкан отсекогаш бил перципиран во јавноста како тивко и мирно момче кое не зборува многу, но затоа ги надокнади сите зборови што не успеал да ги изговори јавно, за време на неговата 20-годишна величествена кариера синоќа на сцената во Спрингфилд.

„Ќе се обидам да го преживеам ова, никогаш не сум бил понервозен во животот“, рече Данкан пред 12-минутниот монолог во кој тој остана верен на сликата што го придружуваше за време на неговите денови кога играше - скромен. Тој ги пофали сите луѓе кои оставија трага во неговата кариера, потсети на почетоците и префрлањето од пливање во кошарка откако ураган го уништил единствениот базен на неговиот остров и сплет на околности што довеле до неговото заминување на Универзитетот Вејк Форест. За крај го остави легендарниот тренер Грег Попович.

"Не сакам да зборувам за него, бидејќи тој ќе ми се налути. Извини, Поп ... Кога ме повлече, дојде на мојот остров, седна со моите пријатели и семејството, разговараше со татко ми .. Мислев дека сето тоа е нормално. Но, не е. Вие сте исклучителна личност. Ви благодарам што ме научивте за кошарката, но како и сè што ме научивте дека кошарката не е најважна, туку да се биде толку неверојатно човечко суштество “, рече Данкан за тренерската икона.

Коби Брајант и Тим Данкан ќе останат запаметени како дел од друштвото на десетте најдобри кошаркари на сите времиња, а недалеку од нив е и Кевин Гарнет.

Покрај нив, во Куќата на славните беа примени тренерите Руди Томјанович и Еди Сатон, кошаркарката Тамика Катчингс, тренерите Ким Мулки и Барбара Стивенс и покојниот долгогодишен генерален секретар на ФИБА, Патрик Бауман.

Имињата на припадниците на генерацијата 2021 година, кои ќе бидат внесени во Домот на славните во септември, ќе бидат објавени денес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Разорен земјотрес од 7,7 степени го погоди источниот дел од Индонезија, десетици загинати

Најмалку 20 луѓе загинаа, шест се повредени, а две лица се водат како исчезнати по силниот земјотрес со магнитуда од 7,7 степени што утрово ја погоди источна Индонезија.

Видео: Разорен земјотрес од 7,7 степени го погоди источниот дел од Индонезија, десетици загинати

Земјотресот го погоди подрачјето во близина на островот Флорес во 5:58 часот по локално време, на длабочина од околу 10 километри, а епицентарот беше 68 километри северозападно од градот Енда во покраината Источна Нуса Тенгара.

По главниот удар, регистрирани се неколку последователни потреси, вклучувајќи еден со интензитет од 6,1 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 15. август 2026 година

Дневен хороскоп за сабота, 15. август 2026 година. 

Дневен хороскоп за 15. август 2026 година

Лав 23.7-22.8.

Љубов

Многумина денеска ќе упаднат во стапица на ранливоста , од каде тешко ќе се извлекуваат. Чувството на осаменост ќе биде силно , како и копнежот.

Кариера

Иако другите ве сакаат и поддржуваат , денеска ќе имате чувство дека ништо не ви оди од рака и дека нема врз кого да се потпрете.Не е така.

Здравје и совет

Побарајте хумористични содржини.

Девица 23.8.-23.9.

Љубов

Вашата потреба за нежност ќе биде голема , а надворешната состојба ќе биде скромна.Затоа може да сонувате со отворени очи , да чекате подобри денови или да копнеете.

Кариера

Доколку се отворите кон своите соработници, ќе ви биде полесно да работите. Обидете се своите грижи да ги свртите на шега.

Здравје и совет

Погледнете добар филм.

Вага 24.9.-23.10

Љубов

Оние кои се на прагот на тајна врска , денеска ќе се двоумат за своите чувства. Ќе се прашуваат дали тоа има смисол.

Кариера

Можно е изостанување на некој колега од работа поради што неговите задачи ќе паднат врз ваш грб. Подгответе се за таква можност.

Здравје и совет

Бидете смирени.

Шкорпија 24.10-22.11.

Љубов

Некои и натаму ќе се движат низ лавиринтот ,,фати-пушти” . Други ќе почнат врска , но без сигурност. Третите ќе мислат дека не треба ништо да преземаат.

Кариера

Можеби ќе почуствувате желба да избегате од работното место , зашто денеска ништо таму нема да ви изгледа сигурно.

Здравје и совет

Чувствителност на желудникот.

Стрелец 23.11.-21.12.

Љубов

Иако изгледа како добро да ви е во љубовта , од внатре ќе ве измачуваат настани од минатото. Ќе ви го расипат уживањето.

Кариера

Вашите соработници денеска ќе ја покажат својата чувствителност , па на вас останува да се обидете подобро да ги разберете и сослушате.

Здравје и совет

Ќе ги почувствувате последиците од хедонизмот.

Јарец 22.12.-20.1.

Љубов

Вашите додворувања денеска ќе бидат речиси извештачени. Потрудете се да бидете поедноставни и поискрени.

Кариера

Што повеќе се залагате, работите ви одат полесно и побргу. Затоа не правете паузи , доколку не се неопходни.

Здравје и совет

Бидете горди на своите дела.

Водолија 21.1.-19.2.

Љубов

Веројатно ќе мора да го поделите работното време.Еден дел ќе одвоите за својот партнер , а другиот за пријателите.

Кариера

Младата личност со која соработувате , денеска ќе ја покаже својата мрзеливост и неспособност. Ќе морате подобро да ги тренирате младите.

Здравје и совет

Ќе издржите се што ви претстои.

Риби 20.2.- 20.3.

Љубов

Ако не сте задоволни од ссотојбата , денешниот ден е добар за привремено повлекување во осаменост.

Кариера

Ќе ве збунива лицемерноста на надредените , зашто едно ќе зборуваат а друго ќе прават. Не дигајте тензија , туку набљудувајте.

Здравје и совет

Ќе дојдат вашите пет минути.

Овен 21.3-20.4.

Љубов

ќе дојдат до израз разликите во љубовните желби меѓу вас и саканата личност. Ќе мора да се согласите на компромис.

Кариера

Можни се помали проблеми со постарите колеги на работа. Тие ќе очекуваат нешто друго од реалноста , а некои ќе покажат одбивност.

Здравје и совет

Штедете си ја силата.

Бик 21.4- 20.5.

Љубов

Ви претстои играње игри во кои вие глумите. Пресечете го тоа со мудро молчење и издржете со исправен став.

Кариера

Ќе ви се чини дека вашите деловни обврски се тешки и заплеткани. Ќе ви недостига енергија и концентрација.

Здравје и совет

Добро би ви дошло малку повеќе да спиете.

Близнаци 21.5.-21.6.

Љубов

Со рационален став ќе ги надминете разликите во љубовните желби. Така повторно ќе се приближите еден кон друг.

Кариера

Со силата на вашата упорност ќе ги смирувате двете страни , кои имаат различен пристап за иста идеја. Вие ќе ги уверувате дека е важно тоа да се направи.

Здравје и совет

Никој не сака да слуша поплаки.

Рак 22.6-22.7.

Љубов

Пред вас е уште еден малку нервозен љубовен ден. Помирете се дека тоа сега е така , но бидете сигурни дека ќе помине наскоро.

Кариера

Подобро ќе биде денеска да не влегувате во расправии. Работете го она што го знаете и делувајте во подрачјето на својата професија.

Здравје и совет

Попладнево опуштете се.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хали Бери го прославува 60-тиот роденден со жешки фотографии: „Не ми е гајле што мислат другите луѓе“

Хали Бери денес наполни 60 години, а го одбележа својот роденден со објава на Инстаграм во која уште еднаш покажа дека нема намера да ги крие своите години.

Хали Бери го прославува 60-тиот роденден со жешки фотографии: „Не ми е гајле што мислат другите луѓе“

Актерката сподели серија фотографии и накратко рече дека не ѝ е гајле за мислењата на другите луѓе.

Објавата брзо го привлече вниманието на нејзините следбеници, кои најчесто ѝ честитаа во коментарите и ја пофалија нејзината самодоверба.

„Не ми е гајле што мислат другите луѓе“

Бери напиша покрај фотографиите: „Не ми е гајле што мислат другите луѓе“, а нејзината објава собра повеќе од 600.000 лајкови за само 17 часа откако беше објавена.

Коментарите беа исполнети со пораки за поддршка. „Ова е апсолутно совршено“, напиша еден следбеник, додека друг напиша: „Не ти е гајле за ништо! Продолжи така, @halleberry!“

Еден корисник го опиша нејзиниот потег како симбол на слобода и самодоверба, додека друг напиша: „Шеесет години никогаш не изгледале подобро!“

Со години, таа зборува за стареењето

Бери отворено зборуваше за притисокот што жените го чувствуваат во врска со стареењето и очекувањето дека треба да останат млади што е можно подолго. Таа беше особено гласна за прифаќањето на промените што доаѓаат со возраста и потребата жените да престанат да се обидуваат да изгледаат помлади по секоја цена.

Во колумна за Опра Дејли пред две години, таа ги повика жените да „престанат да се обидуваат да останат во своите 30-ти засекогаш и да си дозволат да бидат стари колку што сте“.

„Мора да се прифатиме себеси, да ги прифатиме нашите тела како што се менуваат и нашите простори како што се менуваат“, напиша таа во тоа време. „Благословени сме што сме тука. Вистинската самодоверба, сексапил и моќ доаѓаат од сознанието дека стануваме подобри со секоја измината година“.

Актерката, исто така, се осврна на идејата дека жените губат вредност како што стареат. „Општеството ни кажува дека откако ќе достигнеме одредена возраст, повеќе не сме вредни, витални или важни. Дека сме бескорисни“, рече таа. „Но, мора да се спротивставиме и да кажеме „не“. Ја отфрлам таа теорија“.

„Се чувствувам самоуверено, силно и секси“

Бери пред две години изјави дека со нетрпение очекува да остари.

„Се чувствувам како најдобрата верзија од себе и мислам дека ќе бидам уште подобра на 60 години“, рече таа. Таа, исто така, зборуваше за тоа како посветува поголемо внимание на своето здравје и долговечност, што, како што рече, ѝ дава чувство на контрола врз нејзиниот живот. „Се чувствувам самоуверено, силно и секси. Помудра и попаметна сум од кога било досега“, рече таа во тоа време.

Сега, на нејзиниот 60-ти роденден, се чини дека решила да го покаже својот став на Инстаграм.

Извор: Индекс.хр

Тагови: Хали Бери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер