Вашингтон објави крај на офанзивата со Иран – на повидок ли е договор со Техеран? - Канал 5

Свет

Вашингтон објави крај на офанзивата со Иран – на повидок ли е договор со Техеран?

Две пораки во период од неколку часа испратени од претседателот Трамп и државниот секретар Рубио за нов драматичен пресврт на американската стратегија во Иран, но и сигнал дека мировниот договор со Техеран е на повидок. 

Вашингтон објави крај на офанзивата со Иран – на повидок ли е договор со Техеран?

Само два дена откако помпезно го најави, Трамп го става на пауза проектот „Слобода“, чија цел беше Пентагон да ги извлече комерцијалните бродови и да го деблокира Омутскиот теснец, кој 78 дена е парализиран за пловидба. Тој на социјалните мрежи појасни дека бил постигнат голем напредок во преговорите со Иран и дека сака да даде шанса за финализирање на договорот. Само два часа претходно, првиот дипломат Марко Рубио објави дека американските офанзивни дејствија во Иран се завршени.

-Операцијата „Епски бес“ е завршена. Ги постигнавме целите на таа операција. Она што претседателот би го претпочитал е договор. Тој би сакал да седне на маса, да изготви меморандум за идните преговори со сите клучни прашања што треба да се решат. Пораката до Иран е дека тие луѓе се соочуваат со катастрофално уништување на нивната економија, децениско уништување на нивната економија. , изјави Марко Рубио, државен секретар на САД.

Пораките од Вашингтон експресно се одразија на берзите. Цената на нафтата Брент се намали за осум проценти и падна под 100 долари за барел, пад поттикнат и од информациите кои ги лиферува Пакистан дека двете страни се пред договор и веќе работат на меморандум за ставање крај на војната. Шефот на иранската дипломатија, Абас Арагчи, кој е во посета на Кина изјави дека Техеран ќе прифати само праведен и сеопфатен договор, за што доби поддршка и од официјален Пекинг.

-Кина верува дека сеопфатен договор треба да се постигне веднаш и да нема рестартирање на војната. Уште поважно е да се држима до преговорите. Кина ја поддржува иранската страна во зачувувањето на националната безбедност и суверенитет., изјави Лин Јиан, портпарол на министерството за надворешни работи на Кина.

Во Ормутскиот теснец се уште се заглавени околу 20 илјади морнари и две илјади бродови, кои војната ги затекна во заливот. Токму деблокирањето на клучната нафтена рута и нуклеарното програма на Иран беа главните прашања за кои Вашингтон и Техеран не успеваа да најдат компромис.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Рита Ора во секси бикини ги покажа стомачните!

Мегапопуларната пејачка со потекло од Балканот, Рита Ора ги покажа своите извајани стомачни мускули во сребрен бикини, споделувајќи впечатливи фотографии од својот одмор на Миконос на Инстаграм.

Фото: Рита Ора во секси бикини ги покажа стомачните!

35 годишната Рита на фотките позира на луксузна јахта на која уживала заедно со пријателите.

Покрај сребреното бикини, Рита имаше и зелен шал за да ја заштити косата и беше совршено стилизирана.

„Ми треба ресетирање на душата, сонце, бикини и музика“, напиша пејачката во описот на објавата.

Тагови: рита ора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ким Кардашијан во микро бикини го рекламира својот бренд

Најпознатата американска старлета, Ким Кардашијан не престанува да ги промовира различните делови од колекцијата на нејзиниот бренд SKIMS, а тоа значи само едно – нејзините фанови ќе уживаат во атрактивните новитети на старлетата.

Фото: Ким Кардашијан во микро бикини го рекламира својот бренд

Риалити ѕвездата Ким Кардашијан секогаш има свои решенија за привлекување внимание. Откако сите пишуваа за нејзината врска со Луис Хамилтон, која веќе не е тајна бидејќи возачот на Формула 1 редовно ја изјавува својата љубов кон ѕвездата, таа сега го насочи својот фокус кон својот бренд SKIMS.

Уште од самиот почеток, таа имаше провокативни рекламни кампањи во кои се појавуваше таа или нејзините сестри, облечени во многу малку облека, минијатурни бикини и слично.

Сега таа ги почести своите обожаватели со серија фотографии

.

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Ова се најдобрите половни автомобили до 10.000 евра

Ако планирате да купите половен автомобил со цена до 10.000 евра, петте модели што се сметаат за најдобри се VW од седмата генерација, Mazda 6, BMW серија 3, Honda Accord и Volvo S60.

Ова се најдобрите половни автомобили до 10.000 евра

Кои се најдобрите половни автомобили со цена до 10.000 евра?

Покрај самото одржување, важна е и сервисната мрежа во вашиот град или во околината.

Денес, сите производители имаат широка мрежа за сервисирање и набавка на резервни делови, што го става сопственикот во поволна положба; на него останува „само“ да вложува во своето возило, односно редовно да го одржува – да врши мали и големи сервиси и да ги заменува истрошените делови кога ќе дојде време за тоа, пред да настане сериозен дефект.

Ако планирате да издвоите 10.000 евра за купување половен автомобил, на пазарот секогаш се достапни неколку одлични модели кои се многу барани токму поради нивната репутација. Кај нас најчесто се возат дизел-автомобили, но и моделите на бензин се многу достапни и поволни.

1.VW Golf од седмата генерација – за сума до 10.000 евра може да се најде верзија со бензински мотор 1.4 TSI или дизел мотор 2.0 TDI. Достапни се и мануелни и автоматски менувачи, но доколку DSG менувачот нема сервисна историја, подобро е да го избегнете поради скапите поправки.

2.Mazda 6 од втората генерација – возило од средна класа кое нуди добар компромис меѓу удобноста, сигурноста и моќноста. Најразумен избор се дволитарските бензински мотори MZR со околу 147 КС (коњски сили) или 2.5 MZR, додека дизел моторите 2.0 и 2.2 MZR CD нудат помала потрошувачка за оние што возилото го користат главно за возење на отворен пат.

3. BMW Серија 3 – генерацијата F30 се движи во ценовниот опсег до 10.000 евра и обично доаѓа со поголема километража. Најдобар избор е дизел моторот 318d или 320d со мануелен менувач, а ако најдете добро одржуван примерок, нема потреба многу да се двоумите.

4. Honda Accord – ова е еден од најсигурните автомобили во средната класа. Најбарани се бензинскиот мотор 2.0 i-VTEC и дизел моторот 2.2 i-DTEC, при што вториот е малку поскап за одржување од бензинецот.

5. Volvo S60 од втората генерација – ова е веќе премиум возило што може да се најде по цена на „обичен“ половен автомобил.

Најбарани се дизел моторите D3 и D4 доколку планирате да потрошите до 10.000 евра, додека бензинската верзија со мотор T5 нуди подобра динамика на возење, но и малку повисоки трошоци за одржување.

Важно е да се напомене дека ова се модели што се застапени на бројни веб-страници за продажба на половни автомобили и не се единствените квалитетни опции во ценовниот опсег до 10.000 евра; затоа, потребно е темелно да ги истражите сите модели што ве интересираат и внимателно да ја донесете таа важна одлука. Исто така, секогаш одвојте најмалку 500 евра при купување половен автомобил, за случај веднаш да биде потребен некаков сервис или поправка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер