Вашингтон испраќа порака: Божиновска потпиша Меморандум со САД – енергијата станува клуч на стратешкото партнерство - Канал 5

Македонија

Вашингтон испраќа порака: Божиновска потпиша Меморандум со САД – енергијата станува клуч на стратешкото партнерство

Во рамки на официјалната посета на висока владина делегација на Соединетите Американски Држави, министерката за енергетика, рударство и минерални суровини Сања Божиновска потпиша Меморандум за разбирање со САД.

Вашингтон испраќа порака: Божиновска потпиша Меморандум со САД – енергијата станува клуч на стратешкото партнерство

Во рамки на официјалната посета на висока владина делегација на Соединетите Американски Држави, министерката за енергетика, рударство и минерални суровини Сања Божиновска потпиша Меморандум за разбирање со САД за унапредување на безбедноста на снабдувањето со природен гас.

Потпишувањето се реализира во Вашингтон, како дел од стратешкиот дијалог со САД, клучна платформа за продлабочување на стратешкото партнерство меѓу двете земји. Дијалогот ги опфаќа најважните области за развој – енергетика, економија, безбедност и технологија.

Божиновска меморандумот го потпиша со заменик-државниот секретар на САД, Кристофер Ландау. Заеднички став е дека постои јасен потенцијал за интензивирање на соработката, со фокус на проекти кои ќе донесат конкретни резултати и ќе придонесат за економски развој и енергетска сигурност на двете земји.

Меморандумот ја потврдува заедничката заложба за: диверзификација на изворите и рутите за снабдување со природен гас, зголемување на отпорноста на енергетскиот систем, обезбедување стабилен, сигурен и достапен гас за државата, јакнење на регионалната поврзаност и интеграција на пазарите.

Документот предвидува и конкретни чекори за развој на инфраструктурата, подобрување на транспарентноста на пазарите на гас, со што се отвора можност за користење на јавни и приватни финансиски инструменти, вклучително и поддршка од меѓународни финансиски институции и извозни кредитни агенции. Фокусот на разговорите е јасен – енергетска безбедност, економска соработка и конкретни проекти што носат стабилност, инвестиции и развој.

Со овој договор, Македонија ја зацврстува својата позиција во регионалните енергетски текови, со јасна ориентација кон поврзување со европските пазари, што директно придонесува за економска стабилност и долгорочен развој.

Во рамки на Стратешкиот дијалог, министерката Божиновска учествуваше на повеќе тематски сесии и реализираше билатерални средби со високи претставници на американската администрација.

Ден претходно Божиновска оствари билатерална средба во Белата куќа, со Jarrod Agen, Заменик-советник на претседателот Доналд Трамп и извршен директор на Националниот совет за енергетска доминација на САД. На средбата беа разменети ставови за унапредување на двостраната соработка во енергетскиот сектор, а искуството на Аген и неговото познавање на глобалните енергетски текови претставуваат важна основа за развој на идни партнерства и проекти.

Министерката Божиновска ја истакна подготвеноста за продлабочување на соработката и реализација на конкретни иницијативи, нагласувајќи дека партнерството со САД претставува значаен фактор за долгорочна стабилност и развој на енергетскиот сектор.

Овој чекор претставува силна потврда за стратешкото партнерството со САД и јасен сигнал дека државата се позиционира како кредибилен и активен чинител во регионалната енергетска архитектура.

Министерство за енергетика, рударство и минерални суровини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Невреме погоди делови од Австрија синоќа, одрон однесе автобус

Во долината Штанцертал во Австрија, порој од кал однесе автобусот од патот синоќа - во кој се наоѓаа возачот и тројца патници .

Невреме погоди делови од Австрија синоќа, одрон однесе автобус

Сите четири лица се спасени од пожарникари, а возачот бил однесен во болница, објави heute.at.

По обилните дождови, во понеделник околу 20:20 часот се случија неколку лизгања на земјиштето. Карпи и кал ги покрија, меѓу другото, државните патишта Б171 и Л68. На патот помеѓу селата Шнан и Флирш, порој од земја и вода го погоди автобусот што сообраќаше низ долината.

Водата и калта од потокот Хое Рифе достигнала висина од околу 80 сантиметри на патот и навлегла во автобусот, принудувајќи ги членовите на Доброволната противпожарна служба да го спасат 49-годишниот возач и тројца патници.

Патниците - 31-годишен маж од Иран, 39-годишна жена и 14-годишно девојче од Австрија - не се повредени во инцидентот.

Возачот на автобусот е однесен со брза помош во болницата во Замс со повреди од непозната сериозност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВРЕДИ: Требаше Али Ахмети да замине во опозиција за Зајас да дознае зошто остана без канализација

Има една иронија што не може да се сокрие.

ВРЕДИ: Требаше Али Ахмети да замине во опозиција за Зајас да дознае зошто остана без канализација

Во 24 години власт, Али Ахмети не успеа да обезбеди канализација ниту за своето родно место, Зајас. Имаше власт, министри, директори, општини и милиони евра на располагање. Канализација немаше.

Денес, кога документите излегуваат на виделина, станува појасно и зошто.

Секој нов факт што излегува во јавноста сè повеќе ја руши маската на ДУИ. На Албанците им продаваа „каузи“, а зад затворени врати се договарале шеми, се вклучувале домашни компании и се вртеа милиони евра од европските фондови. Жителите чекаа канализација, а некој друг си ги чекал исплатите.

Колку повеќе се одмотува клопчето, толку повеќе се отвораат прашањата. Кој ќарил? Кој ги внел компаниите во проектот? Кој молчел? И дали истрагата ќе стигне до секоја алка во овој синџир?

Албанците заслужуваат да ја знаат вистината. Заслужуваат да знаат каде завршиле милионите, кој профитирал од проектот и зошто Зајас цели 24 години остана со септички јами наместо со канализациски систем.

Зајас повеќе нема да биде заложник на ветувањата на ДУИ. Она што тие го оставија заглавено во кал 24 години, сега конечно се става на вистинскиот пат.

ВРЕДИ нема да дозволи ова прашање да се затрупа со прашина. Бараме истрагата да оди до крај. Да се отвори секој договор, секоја исплата, секоја компанија и секоја можна политичка, бизнис или семејна поврзаност.

ДУИ зад себе остави долгови и сомнежи. Сега е време да понесе одговорност.

Тагови: ВРЕДИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски и неговите „успеси“ - кога пропагандата се судира со реалноста

Христијан Мицкоски вчера тврди дека опозицијата го блокира Изборниот законик затоа што е „уплашена од успесите на Владата“.

СДСМ: Мицкоски и неговите „успеси“ - кога пропагандата се судира со реалноста

Изгледа дека почна да верува на сопствените лаги.

Ќе му одговориме со факти, а не со пропаганда.

Прво, Европскиот парламент во јунскиот извештај за 2026 година не ја става Македонија меѓу најдобрите во регионот. Напротив - изразува жалост поради недостатокот на напредок од претходниот извештај, особено во делот на владеењето на правото, судската реформа и борбата против корупцијата.

Додека Црна Гора цели кон членство во 2028, а Албанија кон затворање на преговорите во 2027, Македонија стагнира.

Второ, „успесите“ на Владата се видливи на секојдневно ниво:

• Економија во колапс, инвестициите паднати за 60%.

• Буџет без пари, за само две години ја задолжија државата за 2,5 милијарди евра, наскоро нема да има за редовна исплата на пензии.

• Граѓаните стојат по неколку часа на границите поради политиката на изолација.

• Младите масовно заминуваат затоа што нема европска перспектива.

Мицкоски ја претвори Македонија во слепо црево на Балканот.

Трето, Мицкоски вели дека Владата ги прифатила сите предлози на опозицијата. Тоа не е вистина.

Не знаеме на кого мисли, бидејќи СДСМ и луѓето околу Фронтот за вистина и правда се единствената реална опозиција во Македонија.

Сè друго е театар.

Четврто, опозицијата не го блокира Изборниот законик од страв од „успеси“ - успеси нема.

Единствениот успех на оваа Влада е видлив само за нив лично - во криминалните тендери.

СДСМ го блокира законот за да спречи изборен грабеж и затоа што одбива да учествува во уште еден закон скроен по мерка на организираната криминална група ВМРО, во момент кога Владата не исполни ниту еден сериозен реформски услов кон ЕУ.

Скопје, 30.06.2026

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер