Заклучно со 30 ти јули, според податоците објавени на министерството за финансии расходите на буџетските корисници наменети за патишта, училишта, студентски домови, болници, здравствени апарати, спортски објекти, опрема, софтвери, се реалзизирани со 47,74 % од вкупно предвидени околу 659 милиони евра.

Со висок процент на реализација на листата на министерството за финансии, која брои вкупно 85 буџетски корисници, е министерството за транспорт. Од предвидени нешто над 168 милиони евра, за 6 месеци реализирани биле над 165 милиони или 83,73%, а за трошење имаат само уште 30-тина милиони евра.

Владата и СОЗР искористиле по 67% односно 59,95% од вкупните средства кој им биле на располагање, со што на Владата и остануваат уште околу 6 милиони еввра додека во Службата за општи и заеднички работи преостануваат уште 2 милиони.

Со по околу 38 % искористеност на средствата се министерствата за образование и здравство. Со многу низок процент на реализација на капиталните расходи се издвојуваат министерството за финансии со само 3,86 %, потоа економија, правда како и министерството за одбрана, кое има еден од повисоките буџети за оваа намена, како дел од обврските од членството во НАТО. Сепак, ресорното министерство од вкупнопредвидени околу 150 милиони евра има искористено само 43 или речиси 30%.

За разика од овие, десетина буџетски корисници, немаат потрошено речиси ниту едно евро од предводените пари за капитални инвестиции, такви се фискалниот совет, оперативно техничката агенција, агенција за иновации, биро за судски вештачења.

Инаку со ребалансот на Буџетот, кој беше донесен минатиот месец, капиталните расходи се зголемија за 14,5 %, согласно фискалните правила, тие иснитуции што нема да ги исористат парите, истите ќе им бидат одземени и прераспрелени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тој утре за прв пат ќе седне на обвинителна клупа во Кривичен каде што ќе му суди за делото „злоупотреба на службената положба и овластување“ за кое во Кривичниот законик е предвидена затворска казна од најмногу пет години.

Груби додека траеше истрагата првично беше обвинет за потешко кривично дело „проневера во службата“ за кое затворската казна трае и до 20 години, но подоцна истото беше преквалификувано во злоупотреба на службената положба. Тој и уште седум лица се товарат за злоупотреби во „Државна лотарија“. Обвинителниот предлог беше поднесен пред десет дена на 13-ти август, а Груби кој е второбвинет во предметот во моментот се наоѓа во куќен притвор. Првообвинет е Прпарим Бајрами, претседател на Управниот одбор и Генерален директор на Државна лотарија. Тој и натаму е во бегство и е недостапен на органите на прогонот.

Според ОЈО обвинетите иако биле свесни дека Лотарија немала право да приредува електронски игри на среќа на видеолотариски терминали на територијата на државата, сепак започле постапка за набавка на видеолотариски терминали вредна стотици милиони денари, при што го оштетиле акционерското друштво за околу 8,2 милиони евра. Груби, како што е наведено во обвинението на владина седница одржана на 6ти јуни 2023 постапил спротивно на деловникот за работа на Владата и го заобиколил пропишаниот начин на одлучување.

- Вториот обвинет, кој имал реално влијание во раководењето со АД Државна лотарија, во својство на одговорно лице, претседавал со седница на Влада на Република Македонија во својство на собрание на Државната лотарија и предложил вака дополнетата точка на дневен ред да се усвои, иако бил свесен дека одлуката не е во надлежност на Владата како Собрание на Акционерското друштво, соопштија тогаш од Обвинителството

Поднесениот обвинителен предлог против Груби предизвика и низа политики рекации, а отвори и нов фронт во ДУИ. Партиски членови кои отворено излегоа со поддршка за Грби го обвинија партиското раководство дека го оставиле сам да се соочува со обвиненијата. Од ДУИ пак негираа дека внатре во партијата имало дебата околку солидарсноста за Груби и сметаат дека немало докази против него и оти станува збор за политички прогон, а Ахмети во интервју за косовски медиум тврдеше дека тој лично побарал од Груби да се врати во Македонија. Од Влен пак сметаат дека Аеран Груби е „црната кутија на ДУИ“ и дека може да проговори за она што се случвало во Мала Речица со годинни и дека поради тоа изостанала партиската поддршка за долгодогшниот интегративец.

Груби повеќе од една година беше бегалец. Ја напушти државата во декември 2024 преку граничниот премин со Косово и покрај тоа што беше на таканаречената „стоп листа“. По него беше распишана меѓународна потерница. На 23 февруари годинава Груби се појави на граничниот премин „Блаце“, каде што беше приведен и однесен во притвор. Сепак, тој во затворот во Шутка се задржа само неколку часа, бидејќи мерката по неговиот распит во Обвинителството му беше заменета со куќен притвор со 24-часовен полициски надзор врз основа на проценка од МВР и АНБ дека не можела да му се гарантира безбедноста во затвор. Заедно со него утре на обвинителна клупа ќе седнат и уште шест лица. И тие се сомничат за Злоупотреба на службена положба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонската химна се интонирала на почетокот, а албанската на крајот на фолклорниот настан „Преспа“ во Пустец, и тоа е технички пропуст- тврди за Канал 5 Едмонд Темелко, поранешниот градоначалник кој е еден од организаторите на овој настан, а објави и видео за кое вели дека е доказ дека химната на Албанија сепак била пуштена пред присутните гости.

По острата реакција од премиерот Еди Рама и албанското МНР дека не се почитувале националните симболи и институционалниот протокол во четвротокот во Пустец, Темелко уверува дека немало никаква тенденција и смета дека медиумите избрзале со оваа вест уште пред да заврши настанот. Дополнително вели дека според закон за невладини организации во Албанија, немаат ниту задолжителна обврска за протокол со химна настан како што е фестивалот „Преспа“.

-Во меѓувреме исто имав и јас една изјава сред фестивал, за националната РТШ има снимки и се слуша и се гледа кај што кажувам дека химната ќе се интонира на крај. Почнуваме со македонската химна, албанската химна ќе се интонира на крај. Технички пропуст во смисла дека не се пушти на почетокот. - Едмонд Темелко – поранешен градоначалник на Пустец и организатор на фестивалот „Преспа 2026“

Темелко потенцира дека Македонците во Албанија се лојални граѓани, а за возврат од албанските институции не добивале поддршка особено кога се соочувале со бугарска асимилација пред последниот попис. Тој е зачуден што експресно добиле негативни реакции за химната, а кога не се почитуваат македонските државни симболи од страна на Албанци во Македонија, вели никој не кажува ниту збор.

-Чудно е како официјална Тирана затвора очи за она што секојдневно се случува во Македонија. Сите гледаме како на фудбалски натпревари во Македонија редовно се исвиркува македонската химна, се веат карти на голема Албанија, се сквернави државата, има провокации, па никаде во ниту една изјава на било кој политичар или медиум во Албанија немам видено реакција.- Едмонд Темелко – поранешен градоначалник на Пустец и организатор на фестивалот „Преспа 2026“

Фестивалот „Преспа“ е посветен на македонската традиција, култура и фолклор и се одржува речиси 30 години и според Темелко секогаш биле поканети и тамошните политичари, но тие никогаш не присуствувале. Годинава таму беше македонскиот премиер Мицкоски, а утредента се огласи Еди Рама на платформата Х со критика поради химната, и напиша дека ваквите појави биле „циркуски трупи кои го загрозуваат суверентитетот на Албанија“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.