Вардар против Кристијанштад ќе слави јубилеј – 100 настапи во ЛШ - Канал 5

Вардар против Кристијанштад ќе слави јубилеј – 100 настапи во ЛШ

Македонскиот ракометен шампион Вардар е првата машка екипа од Македонија што ќе стигне до 100 одиграни натпревари во групната фаза од Лигата на шампионите.

Вардар против Кристијанштад ќе слави јубилеј – 100 настапи во ЛШ
Јубилејот ќе биде прославен на средбата со Кристијанштад на 12 март во Скопје, во последното 14.коло од Б групата во елитното натпреварување.
„Црвено-црните" викендов гостуваат кај Мешков Брест во Белорусија каде ќе бараат најмалку бод за да останат во игра за првото место што води директно во четвртфиналето. Во моментов Вардар е лидер во Б групата со 18 бода по 12 одиграни натпревари пред Рајн Некар со 17 бода, Кјелце со 16 и ПИК Сегед со 16 бода.

На Вардар му требаат најмалку три бода од можните четири на последните две средби за да го обезбеди првото место.
Настапите на Вардар во групната фаза од ЛШ почна во сезоната 2001/2002 година. Тогаш Вардар играше квалификации и во двомечот со АСКИ Анкара успеа да победи во Скопје, 37-31, а потоа на гостувањето во Турција имаше контрола над резултатот, иако загуби минимално со 27-28. Вардар беше вториот македонски тим што успеал да се пласира во групната фаза од ЛШ, и да остане 10 сезони потоа меѓу најдобрите.

Таа сезона против Шамбери ја оствари првата победа во групната фаза, 32-30, а во групата беа и екипте на Магдебург и Веспрем.
Следуваа учества во Лигата на шампионите од 2001 до 2005. По две сезони пазуа Вардар повторно беше меѓу европската елита, исто како и во сезоната 2009/2010. Тогаш првпат наместо вообичаените шест средби играше вкупно 10 поради промената на системот од страна на ЕХФ.

Најголемите успеси во ЛШ почнуваат со сезоната 2013/2014 кога „црвено-црните“ остварија 6 победи на 14 средби, и еден гол не оневозможи да стигнеме до Ф4 турнирот во Келн. Тогаш првпат имаа и позитивна гол разлика (+7) и 15 бода. Во 2014/2015 остварија две победи повеќе од претходната сезона и вкупно 17 бода.
Лани, ЕХФ повторно го смени системот на натпреварување во ЛШ, а Вардар се најде во една од двете најквалитетни групи. По мечевите од групната фаза играше во осминафиналето, а потоа стигна во Топ-8 фазата каде беше елиминиран од Веспрем.

Оваа сезона големи се шансите македонскиот првак да се најде на завршниот турнир од Лигата на шампионите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мажите со големо его често ги прават овие 5 работи

Ако ги забележите овие особини, бидете спремни да се одбраните.

Мажите со големо его често ги прават овие 5 работи

Начинот на кој некој се однесува за време на разговор, открива многу за неговиот карактер. Особено кога ќе дојде до несогласување, критика или ситуација во која би требало да ја признае својата грешка. Додека едни се спремни да го сослушаат соговорникот и да преземат одговорност, други ќе направат речиси сè за да ја избегнат непријатната вистина.

Пет обрасци на однесување на мажите со изразено его и проблематичен однос кон жените

Замислете дека се обидувате да разговарате со партнерот за нешто што ве повредило, а тој одеднаш почнува да зборува за сосема друг проблем. Наместо одговор на конкретно прашање, вие добивате нова расправа во која одеднаш се правдате.

Според психолозите, ваквото свртување на вниманието може да биде начин да се избегне одговорност. Штом лицето сфаќа дека би можело да се соочи со последиците на своите постапки, се обидува да го промени текот на разговорот. Во овој случај, најдобро е да го вратите разговорот на првобитната тема, наместо да се впуштите во бескрајно докажување.

Ве обвинуваат за нешто што самите го прават

Еден особено непријатен образец на однесување е префрлањето на сопствените постапки и несигурност на друга личност. Мажот кој се однесува неискрено, може да ја обвини партнерката за непочитување, додека некој што користи други лица за лична корист може токму ним да им ги припише истите намери.

Ваквото однесување може да послужи како начин да се сврти вниманието од сопствените постапки. Наместо да разговарате за она што некој го направил, вие сте принудени да докажувате дека обвинувањата што ги навел не се точни.

Намалување на вашиот проблем во споредба со други

Кога ќе се обидете да укажете дека одредено однесување не е во ред, одговорот понекогаш може да биде дека и други жени го прават истото или дека и мажите имаат сопствени проблеми. Секако, ваквите тврдења може да бидат точни, но проблемот настанува кога таквите аргументи се користат исклучиво за да се избегне разговор за конкретната ситуација.

Ваквото изедначување на проблемот често служи за намалување на туѓото искуство, па наместо разбирање и барање решение, разговорот се претвора во натпревар за тоа кому му е потешко.

Ве убедува дека претерувате и ги доведува во прашање вашите чувства

Еден од најпроблематичните обрасци се јавува кога личноста се обидува да ве увери дека вашите реакции се неразумни, дури и кога имате оправдана причина за незадоволство.

Ако се побуните поради навреда, лицето може да ве обвини дека сте премногу чувствителни. Ако одлучите да го прекинете разговорот, може да ви тврди дека со вас нешто не е во ред. Таквото однесување особено загрижува кога се повторува и кога другата личност почнува да се сомнева во сопственото расудување. Во тој случај не станува збор за обично несогласување, туку за емоционална манипулација.

Очекуваат вие да ги решавате проблемите што лично сами ги создале

Последниот образец на однесување се однесува на избегнувањето одговорност. Наместо да се обидат да го променат однесувањето, одделни мажи очекуваат жените постојано да го поправаат односот, да го смират конфликтот и да најдат решение.

Така товарот од одржување на односот или комуникацијата се префрла на една личност, додека другата не покажува спремност да ги преиспита сопствените постапки. Во вакви ситуации, психолозите советуваат да се постават јасни граници и да не прифаќате разговор во кој одговорноста постојано ви се префрла вам.

Секако, ниедна од овие постапки не докажува дека некој е лоша личност, ниту дека ваквото однесување е својствено исклучиво за мажите. Сепак, кога се повторуваат овие обрасци и ве оставаат со чувство на вина, збунетост или исцрпеност, може да бидат знак дека таквиот однос не е здрав. Понекогаш е поважно да препознаете дека разговорот нема смисла, отколку по секоја цена да се обидувате да бидете сфатени, пишува Yourtango.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мајмун нападна жена среде улица и крвнички ја изгриза (Вознемирувачко видео)

Жителите на комплексот Инфиниум Флетс во Индија се соочија со сериозен проблем откако агресивен мајмун нападна жена пред нејзиниот дом на 13 ноември, каснувајќи ја повеќе пати.

Мајмун нападна жена среде улица и крвнички ја изгриза (Вознемирувачко видео)

Жртвата претрпе сериозни повреди, додека снимките од безбедносните камери ги забележаа драматичните моменти и предизвикаа страв кај другите жители.

Повреди на телото

Вознемирувачката снимка го прикажува дивото животно како одеднаш ја напаѓа жената, која не направи ништо за да го испровоцира. Мајмунот ја каснува повеќе пати, додека таа вреска и се обидува да се одбрани.

Таа претрпе длабоки повреди на телото, поради што веднаш беше однесена во блиската болница, каде што доби медицинска помош, објавува Дејли Стар.

Жителите велат дека веќе некое време се справуваат со мајмуни во комплексот, а најновиот напад повторно го отвори прашањето за безбедноста на жителите.

Сериозен проблем

Снимката оттогаш се појави на социјалните мрежи и предизвика бројни дискусии за присуството на мајмуни во станбените области.

Соседите велат дека нападот толку многу ги исплашил луѓето што жените и малите деца сега се плашат да ги напуштат своите домови. Според нив, зголеменото присуство на мајмуни во урбаните средини стана сериозен проблем, но властите сè уште не презеле никакви конкретни чекори за да го решат. Агресивниот мајмун подоцна бил фатен од службеници на Шумскиот оддел, што исто така било снимено со камера.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Лагард размислува за нова раководна функција по оставката во Европската централна банка

Претседателката на Европската централна банка (ЕЦБ), Кристин Лагард, денеска изјави дека по напуштањето на таа позиција, би можела да размисли за преземање лидерска позиција на Светскиот економски форум.

Лагард размислува за нова раководна функција по оставката во Европската централна банка

Претседателката на Европската централна банка (ЕЦБ), Кристин Лагард, денеска изјави дека по напуштањето на таа позиција, би можела да размисли за преземање лидерска позиција на Светскиот економски форум, но нагласи дека засега не сака да шпекулира за својот иден ангажман.

Кога беше прашана за можноста да го преземе раководството на организацијата со седиште во Женева, Лагард на самитот на „Њујорк тајмс Дилбух лист“ изјави дека тоа е „една од можностите“, пренесува „Блумберг“.

Таа додаде дека ќе остане на чело на Европската централна банка до 7 февруари и дека нема планови да се пензионира.

Зборувајќи за нејзиниот иден јавен ангажман, Лагард нагласи дека мора да ја задржи политичката неутралност додека ја води ЕЦБ, особено со оглед на бројните избори што се очекуваат во Европа.

Се очекува дека по напуштањето на централната банка, таа би можела поотворено да зборува за политичката и економската состојба во Франција, чии буџетски проблеми и политичкиот застој во последните месеци придонесоа за притисок врз пазарот на државни обврзници, според агенцијата Њујорк.

„Сметам дека е моја должност да разјаснам работи, да исправам неточни изјави и да зборувам од искуството што го стекнав“, рече Лагард.

Таа претходно ги отфрли шпекулациите дека би можела да се кандидира за наследник на Емануел Макрон на функцијата претседател на Франција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер