Ракомет

Вардар пресилен за Мешков Брест

Вардар го победи Мешков Брест со убедливи 31:23 во дербито на 3. коло од регионалната ракометна СЕХА лига.

„Црвено-црните" дури и полесно од очекувањата го запишаа третиот триумф во новата сезона и со максимален ефект останаа на врвот на табелата.
Одбраната на Вардар вечерва во СЦ „Јане Сандански“ беше клучот на успехот и во моменти кога ривалот се обидуваше да добие предност со играч повеќе во поле. Вардарци ја имаа контролата на резултатот во текот на целиот дуел, а гостите од Белорусија само во еден момент успеаја да се доближат на еден гол разлика (14:13). Тоа беше во самиот финиш на првото полувреме.

Следуваше тајм-аут на тренерот Раул Гонзлаес по што Вардар ја врати предноста од повеќе голови и на полувреме отиде со 17:13.

За 16 минути во второто полувреме Вардар постигна 9, а прими четири гола зголемувајќи го водството на 26:19. За пет минути тренерот на Мешков
двапати бараше тајам аут, но ништо не можеше да смени. Вардар одлично играше во одбрана и ја казнуваше секоја шанса што се укажуваше.

За добрата одбрана придонесе и Арпад Штербик кој имаше девет успешни одбрани вклучувајќи и седмерец, сите во вториот дел од средбата.

На крај може да се заклучи дека македонскиот и европски шампион имаше одлична проверка пред гостувањето кај Висла Плоцк во рамките од првото коло на Лигата на шампионите на 17 септмеври.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција во пламен: Пожарникарите се обидуваат да го спречат ширењето на пожарот

Денес во регионите Варда и Илија во западен Пелопонез, Грција, избувна пожар, кој зафати ниска вегетација.

Според првичните информации, 20 пожарникари, седум возила и три авиони се вклучени во гаснењето на пожарот, објавува „Катимерини“.

Локалните самоуправи исто така даваат помош во гаснењето на пожарот, а на лице место се наоѓаат цистерни за вода и градежна механизација.

Западен Пелопонез моментално е под висока пожарна тревога.

Извор: Б92

Тагови: грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена облачност.

Попладне претежно во југоисточните делови ќе има услови за локален пороен дожд и грмежи. Ќе дува слаб до умерен ветер од источен правец. Минималната температура ќе биде во интервал од 10 до 18, а максималната ќе достигне од 28 до 35 степени.

Во Скопје, сончево со мала до умерена облачност. Ќе дува слаб до умерен ветер од јужен правец. Минималната температура ќе се спушти до 18, а максималната ќе достигне до 35 степени.

Следува период на стабилно и потопло време освен во вторник кога ќе има услови за локален пороен дожд и грмежи.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Груби останува во куќен притвор до 13 септември

Поранешниот вицепремиер Артан Груби останува во куќен притвор, кој му е продолжен откако вчера беше поднесено обвинение за случајот ,,Лотарија”, информираа од Кривичниот суд.

Судењето против Груби и останатите седум обвинети во овој случај ќе стартува на 24 август.

Груби ќе седне на обвинителна клупа, но не за „проневера во службата“, туку за „злоупотреба на службената положба“. Од обвинителството појаснуваат дека при одредување на правната квалификација во поднесеното обвинение, надлежниот јавен обвинител се водел од доказите прибрани во текот на истражната постапка.

Тагови: Груби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.