Вардар од вториот барабан во ждрепката за ЛШ - Канал 5

Ракомет

Вардар од вториот барабан во ждрепката за ЛШ

На четири дена пред ждрепката за групите во Лигата на шампионите, Европската ракометна федерација (ЕХФ) ги објави и барабаните од каде ќе се влечат ривалите за една од двете најквалитетни групи.

Вардар од вториот барабан во ждрепката за ЛШ
Вардар сезонава повторно направи скок, и сега е рангиран во вториот барабан. Европскиот првак Вардар ќе биде истиот барабан заедно со ланскиот европски првак Киелце, што значи дека овој полски клуб не може да биде ривал на „црвено-црните“ во групната фаза.

Ова е првпат македонска машка екипа да тргне во ждрепката за Лигата на шампионите од вториот барабан и да биде во Топ-4 екипи. Вардар е актуелен европски првак, но при правењето на барабаните во предвид се земаат резултатите од претходните сезони. Лани Вардар беше рангиран во третиот барабан заедно со ПСЖ.

Ждрепката за новата сезона во ЛШ ќе се изврши во Љубљана на 30 јуни. Според пропозициите тимовите се поделени во осум барабани, и во секој од нив има по две екипи. Ќе се влече наизменично, една екипа во група А, а другата во група Б.
Сепак ќе има и одредени ограничувања. Екипите од иста земја нема да може да бидат во иста група во групната фаза, а тоа се однесува само за екипите од Франција, Германија, Полска и Унгарија од каде има по два тима во најсилните две групи. Единствен исклучок ќе биде трикратниот победник Кил, кој ќе игра против една германска екипа, бидејќи Кил како трето пласиран во домашното првенство влезе во ЛШ со вајлд карта.

Новата сезона во ЛШ почнува со квалификациски дуели за едно место во Ц или Д групата. За тоа место ќе се борат Спортинг (Португалија), Татран Прешов (Словачка), АЛПЛА (Австрија) и Кокс (Финска). Тие мечеви се играа од 1 до 3 септември.

Групната фаза од ЛШ почнува на 13 септември, а завршува на 4 март 2018 година. Ф4 турнирот сезонава е закажан за 26 и 27 мај 2018 година во Келн.

За време на ждрепката на А и Б групите, кај првите пет барабани нема да има никаков протекционизам и ограничувања, а потоа ќе има алокација на тимовите доколку се случи во следното извлекување да има две екипи од иста земја во иста група.

Од петтиот барабан, Висла Плоцк ќе биде во група со европскиот првак, бидејќи не може да биде со Килеце. Од шестиот барабан ПИК Сегед ќе биде во група со Барселона за да се избегне да биде заедно со Веспрем. Флензбург од седмиот барабан ќе биде заедно во група со ПСЖ, а вториот француски тим, Нант ќе го избегне ПСЖ и ќе биде заедно со Рајн Некар, а Кил ќе се приклучи на групата на ПСЖ и Флензбург. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Ново задолжување од 92 милиони евра на 20 октомври, уште колку?

Државата повторно излегува на пазар да се задолжува. 92 милиони евра државни хартии на 20 октомври. 

СДСМ: Ново задолжување од 92 милиони евра на 20 октомври, уште колку?

Уште едно задолжување, уште една бројка, уште милиони.

Уште една дупка. Уште еден кредит што граѓаните ќе го враќаат.

Колку уште? Четири милијарди евра Мицкоски направи долгови за две години.

Половина од долгот од независноста. Втор ребаланс, трет најавен.

Секоја недела нови десетици милиони евра врз грбот на народот. Сега 92 милиони евра. Утре пак.

Арамијата Мицкоски полни дупки со нови задолжувања наместо да прави буџет за следната година.

Парите одат на криминални тендери, на Гета од 5,53 милиони, на провизии. Не на пензии. Не на плати, не за поголема минимална плата. Не за земјоделците.

Министерката Кочовска зборува за стабилна економија. Стабилна со 4 милијарди долг?

Стабилна кога три минимални плати не ја покриваат кошничката со ќирија за стан за едно семејство?

Стабилна кога младите се пакуваат и заминуваат?

Светска банка вели имаме третина од стандардот на ЕУ. Не трета економија во Европа. Третина од стандардот во ЕУ.

Задолжувањето не е развој. Задолжувањето е сметка за идните генерации.

Додека арамијата црта бајки, државата се задолжува. Народот плаќа.

Власта ќе се врати во рацете на граѓаните. Бандата ќе одговара. Пред независно судство и пред Лаура Ковеши.

Скопје, 16.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео-фото:Трет ден насилни протести во Тирана, 26 повредени

И третиот ден од протестите во Тирана беше проследен со насилство и судири со полицијата.

Видео-фото:Трет ден насилни протести во Тирана, 26 повредени

Маскирани демонстранти фрлаа камења, тврди предмети и огномет врз институциите.

Во инцидентите беа повредени 26 лица, а двајца полицајци се хоспитализирани. Полицијата употреби солзавец и водени топови за да ги растера демонстрантите.

Нападнати беа кабинетот на премиерот, Парламентот и повеќе министерства.Оштетени беа најмалку четири банки, продавници, киосци и други деловни објекти.за време на протестите беа запалени неколку киосци и две стражарници.

Меѓу нападнатите објекти беше и стражарницата на Амбасадата на САД во Тирана.

Најжестоки судири се случија пред кабинетот на премиерот Еди Рама.

Рама ја отфрли можноста за оставка, нагласувајќи дека владите се менуваат преку избори.тој изрази подготвеност за дијалог со студентите и за разгледување на нивните барања.

Протестите продолжија и во вечерните часови, оставајќи значителна материјална штета во главниот град.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зголемените тензии меѓу Зеленски и Трамп ќе бидат во центарот на вниманието денеска на вториот ден од самитот на ЕУ

Зголемените тензии меѓу Зеленски и Трамп ќе бидат во центарот на вниманието денеска, кога украинскиот лидер ќе се придружи на вториот ден од самитот на ЕУ.

Зголемените тензии меѓу Зеленски и Трамп ќе бидат во центарот на вниманието денеска на вториот ден од самитот на ЕУ

Лидерите на Европската унија се подготвени да се здружат и да го поддржат Зеленски во услови на жестока расправија со Трамп, чиј договор за дизел со Русија ја потресе алијансата.Трамп побара Украина да ги прекине нападите врз руските рафинерии за нафта,и го обвини за покачените цени на горивата.

Зеленски возврати, велејќи дека всушност војната на Трамп против Иран е одговорна за прекинот на испорака на горивата.

Зеленски вели дека се чувствува предаден од договорот за снабдување со дизел што Трамп ја склучи минатиот петок со Путин, иако Русија е под санкции.

Оттогаш, односите меѓу Зеленски и Трамп брзо се влошија. Трамп повика на нови избори во Украина, кои се забранети во воено време, додека Зеленски инсистира дека нападите врз руските рафинерии за нафта, кои Трамп го замоли да ги запре, ќе продолжат.

Се очекува лидерите на ЕУ, од кои многумина ги сметаат нападите со долг дострел како главна предност на Киев врз Москва, да ги зближат редовите зад украинскиот лидер за да прикажат заеднички фронт додека трансатлантската алијанса поминува низ уште една криза на единство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер