Доколку биде усвоена во Конгресот, оваа мерка ќе го осуди пропустот на претседателот Бајден да ги послуша советите на воените и разузнавачките службеници за изјавите и природата на талибанската офанзива, како и неговата неспособност да претстави план за спречување на нивното преземање на власта или да се подготват антитерористички подготовки за долгорочни ефекти од повлекувањето на САД., објави американскиот портал Политико.
Резолуцијата, исто така, го повикува претседателот да биде направена пресметка од неколку агенции во врска со американската воена опрема и други ресурси оставени во Авганистан, кои се сега во рацете на талибанците или други групи, и веднаш да му претстави на Конгресот јасен план за пополнување на разузнавачките празнини создадени од ова хаотично повлекување.
Со документот се повикува администрацијата на Бајден да ја продолжи операцијата во Кабул онолку долго колку што е потребно за безбедно евакуирање на секој американски државјанин или авганистански партнер кој бара помош и да се искористат сите воени ресурси кои ќе гарантираат безбеден пристап до аеродромот, со цел тој да остане отворен и непречен за летови.
Валц, поранешен член на Зелените беретки, кој служел во Авганистан, смета дека хаосот во Кабул бара од Конгресот да го принуди Бајден да го преиспита својот пристап кон оваа криза.
– Претседателот Бајден ги посрамоти САД на светската сцена и го направи најлошиот надворешнополитички неуспех во нашата модерна историја. Наместо да ги послуша советите на воените лидери и пратеници, претседателот создаде хуманитарна криза во Авганистан, за која тој е единствена причина, порача Валц.
Тој, исто така, рече дека САД сега срамно ќе ја предадат слободата на Авганистанците и воената опрема и инфраструктура, како и безброј други ресурси во рацете на, како што нагласи, талибанските терористи поради невнимание и тврдоглавост на претседателот.
Белата куќа ги осуди обвинувањата на републиканецот Валц, нагласувајќи дека зад неговиот потег не стои ништо друго освен собирање политички поени.