Вакцините на Фајзер против корона се ефикасни и безбедни за деца на возраст од 5 до 11 години

 Компанијата Фајзер денеска соопшти дека нејзината вакцина против коронаирусот е ефикасна и безбедна за деца на возраст од пет до 11 годишна возраст и дека наскоро ќе побара одобрување од американските власти за употреба.

Вакцината, произведена од американски Фајзер и германскиот партнер БиоНТек, веќе се користи за имунизација на деца постари од 12 години. Вакцината ќе се дава во помала доза отколку за лица над 12 години, се вели во соопштението на компаниите.

„Кај учесниците на возраст од 5 до 11 години, вакцината е безбедна, добро се поднесува и покажува стабилни реакции на неутрализирачки антитела", се вели во заедничката изјава на американскиот гигант Фајзер и неговиот германски партнер. Тие планираат да ги пренесат своите податоци од истражувањата на регулаторите во Европската унија, САД и во целиот свет „што е можно поскоро".

Резултатите од истражувањето се први од ваков вид за деца под 12-годишна возраст. Испитувањето за вакцина Модерна за деца на возраст од 6 до 11 години се уште трае. Вакцините Фајзер и Модерна сега се достапни за адолесценти над 12 годишна возраст и возрасни во земји низ целиот свет. Иако децата се сметаат за помалку изложени на ризик од тешка форма на коронавирус, постои загриженост дека многу заразната делта варијанта може да доведе до посериозни случаи.

Вакцинацијата на децата исто така се смета за клуч за одржување на училиштата отворени и како можност за ставање крај на пандемијата.

-Со нетрпение очекуваме да ја прошириме заштитата што ја дава вакцината за оваа помлада популација, рече извршниот директор на Фајзер Алберт Бурла, истакнувајќи дека „од јули, случаите на Ковид-19 во САД се зголемиле за околу 240 отсто".

Децата во возрасната група од 5 до 11 години примиле вакцина во две дози од 10 микрограми во студијата, во споредба со 30 микрограми за постарите возрасни групи, велат компаниите.

Инјекциите се даваат во период од 21 ден. Дозата од 10 микрограми беше „внимателно избрана како претпочитана доза за безбедност, подносливост и имуногеност" за оваа возрасна група, се вели во соопштението на компаниите.

Несаканите ефекти се „генерално споредливи со оние што се забележани кај учесниците на возраст од 16 до 25 години", се вели во соопштението.

Најчесто пријавени несакани ефекти во минатото беа болка и оток на местото на инјектирање, како и главоболка, температура и треска.

Израел веќе даде специјална дозвола за вакцинирање на деца на возраст од 5-11 години, кои се „под значителен ризик од сериозни болести или смрт" од коронавирус користејќи Фајзер во помала доза.

Руски боксер со голи раце убил мечка, која смртно го повредила неговиот пријател

Од Русија доаѓаат вести кои делуваат како приказна од хорор филмови.

Илја Медведев, 23-годишен руски боксер, со пријателот ловел риба во Сибир кога ги нападнала мечка. Пријателот Вјечеслав Дудник бил нападнат и убиен од мечката, а потоа се свртела кон Медведев. Боксерот извадил пиштол и пукал, но мечката му го исфрлила од рака. Сепак, Медведев успеал да извади нож и да го избоде животното.

„Имаше крици, а потоа и пукотници. Кога пристигнав, видов дека Вјачеслав е мртов“, рекол рибар кој бил во близина и кој го префрлил Медведев во болница.

Според Дејли Мејл, тој има сериозни повреди и е во критична состојба.

Полициско куче изгризало навивач во Холандија, неговите колеги го нападнаа полицискиот коњ

На синоќешниот натпревар во Лигата одигран во Ротердам помеѓу Феенорд и Унион Берлин, имало жесток судир помеѓу германските навивачи и холандската полиција.

Според германски Билд, претставниците на навивачите тврдат дека конфликтот настанал поради лошата организација. Наводно, имало премал број вработени кои ги прегледувале ковид-потврдитее, а некои скенери биле неисправни.

Потврдите за Ковид се разгледувале многу бавно, што резултирало со голема гужва пред влезот и нервоза кај околу 2400 фанови.

Полицијата во Ротердам известува за настаните сосема поинаку. Велат дека биле цел на група хулигани и се судриле со полицијата. При жестоката тепачка имало повеќе повреди. Еден навивач бил каснат од полициско куче, а хулиганите повредиле полициски коњ. Имено, фрлањето пиротехнички средства го исплашило, па паднал со полицаецот кој го јавал.

Портпаролот на Унион ги поддржал навивачите и тврди дека организацијата била навистина лоша и дека повеќето навивачи целото прво полувреме го поминале во ред пред стадионот. Снимките и сликите, вели, ја потврдуваат крајната бруталност на домашната полиција во пресметката со навивачите.

Позната холивудска актерка е уапсена за време на протестите пред Белата куќа (ВИДЕО)

Полицијата во Вашингтон ја уапси актерката Алиса Милано додека протестирала со група истомисленици пред Белата куќа, барајќи промени на правото на глас.

„Само што бев уапсена додека протестирав и барав од администрацијата на Бајден и Сенатот да го искористат своето право и да го заштитат правото на глас. Застанете со мене и кажете им гласно на Сенатот и Белата куќа дека секој мора да ги има тие права, без разлика каде живеат ", напишала актерката на нејзиниот профил на Инстаграм.

Полицијата прво ја предупредила актерката дека заедно со членовите на здружението People for the American Way мора да се тргне од областа, во спротивно ќе мора да ги уапсат според законот кој забранува собирање толпи и окупирање на улици и тротоари.

Патем, актерката пред протестот објавила дека може да биде уапсена. „Денес ќе ризикувам апсење бидејќи минатата година беа воведени 425 закони кои го ограничуваат правото на глас“, рече Милано во видеото објавено на Твитер. „Затоа ќе барам нашиот претседател да направи се` што е во негова моќ за да ги усвои Законот за слобода на гласот, Законот за правата на глас на Џон Луис и Законот за државност на ДЦ“.

Актерката од порано е позната по својот политички активизам, а во 2019 година зборуваше за своето лично искуство со абортусот во знак на протест против рестриктивните закони, кои ги нарече „напад врз женските тела“.

притисни ентер