Вакцината што не треба да се чува во фрижидер стигна до фазата испитување на човек - Канал 5

Здравје

Вакцината што не треба да се чува во фрижидер стигна до фазата испитување на човек

Во Велика Британија е покренато првото клиничко испитување во светот на вакцина којашто не треба да се чува во фрижидер. Успешен и одобрен медицински производ би можел значително да го зголеми пристапот до вакцинација во светот воопшто.

Вакцината што не треба да се чува во фрижидер стигна до фазата испитување на човек

Вакцината против тетанус и дифтерија (СПВX-02) на британската биотехнолошка компанија „Стејблфарма“ е целосно стабилна на собна температура, соопшти компанијата. Првичното испитување на вакцината врз луѓе се одвива во Националниот институт за истражување на здравјето и негата (НИХР) при Центарот за клинички истражувања и во Универзитетската болница на Саутемптон, јужна Англија. Оттаму известуваат дека нивната напредна технологија би можела да овозможи производство и на 60 други вакцини.

Денес, можеби една од најголемите пречки за вакцинирање на луѓето во некои делови од светот е „студениот синџир“ потребен за вакцините коишто се чуваат ладни од производството до точката на инјектирање.

- Со години, вакцините беа попречени од потребата да се чуваат во фрижидер - предизвикувајќи бесконечни количини отпад и отежнувајќи го нивното доставување до оддалечените заедници. Но, благодарение на визијата на оваа Влада и нашата инвестиција преку НИХР, сѐ тоа би можело да се промени. Ние го предводиме овој процес со охрабрување на првото светско испитување на вакцина без ладење. Ова би можело да биде вистински пресвртница и спасување животи на светско ниво, изјави британскиот министер за здравство и социјална грижа, Вес Стритинг.

Светската здравствена организација (СЗО) проценува дека секоја година, до половина од вакцините - одат во отпад, главно поради недостаток на контрола на температурата и логистика потребна за непрекинат студен синџир. „Стејблфарма“, според наводите, покажа дека може да ги преобрази постојните одобрени вакцини во верзии што можат да се чуваат на собна температура подолго време.

Се очекува испитувањето да биде завршено ова лето, а резултатите да бидат објавени до крајот на годината. Во „Стејблфарма“ се надеваат дека новата вакцина ќе биде во употреба насекаде ширум светот до 2027 година.

Тагови: вакцина СПВX-02

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Од март се враќа задолжителниот воен рок во Србија, најави Вучиќ

Претседателот на Србија, Александар Вучиќ, најави дека во март следната година повторно ќе се воведе задолжителниот воен рок.

Од март се враќа задолжителниот воен рок во Србија, најави Вучиќ

Претходно, актуелната власт најави враќање на задолжителното служење на воениот рок во Србија во траење од 75 дена за мажи до 30 години.

Армијата на Србија, со одлука на претходните власти, официјално стана професионална војска на 1 јануари 2011 година, кога стапи на сила собраниската одлука за укинување на обврската за служење воен рок.

Редовното служење на воената обврска тогаш беше заменето со доброволно служење, а војската почна да се пополнува со професионални војници и офицери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД и Иран се договориле да го прекинат последниот бран судири и да се вратат на преговарачка маса

Иран и Соединетите американски држави постигнале договор за прекин на последниот бран меѓусебни судири во Персискиот залив

САД и Иран се договориле да го прекинат последниот бран судири и да се вратат на преговарачка маса

Иран и Соединетите американски држави постигнале договор за прекин на последниот бран меѓусебни судири во Персискиот залив и да ги продолжат разговорите согласно меморандумот за разбирање што неодамна го потпишаа двете страни, потврдил американски функционер за неколку светски медиуми.

Веста за постигната согласност за прекин на непријателствата, како што наведуваат медиумите, ги зголемува надежите дека привремениот мировен договор меѓу Вашингтон и Техеран може да опстане и покрај меѓусебните вооружени судири во последните денови. Американскиот новински портал „Аксиос“, повикувајќи се на неименуван висок американски функционер, објави дека разговорите меѓу претставиците на Вашингтон и Техеран треба да продолжат утре, во главниот град на Катар, Доха.

Засега не е познат ставот на Техеран во врска со наводите кои доаѓаат од страна на извори од американската администрација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со грант од еден милион евра од Светска банка ќе се прави проект за реформи во Железницата

Со еден милион евра грант од Светската банка ќе се прави проект за реформа во железничкиот сектор.

Со грант од еден милион евра од Светска банка ќе се прави проект за реформи во Железницата

Договорот за грант го потпишаа вицепремиерот Александар Николоски и директорката на Светска банка за Македонија, Керол Межеван.

Договорот како што најави вицепремиерот Николоски треба да даде поддршка во реформата во преструктурирање на Македонски железници – транспорт со цел создавање на функционално претпријатие.

YouTube video

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер