Вакцината на Оксфорд е прва, чија ефикасност е потврдена во научно списание - Канал 5

Здравје

Вакцината на Оксфорд е прва, чија ефикасност е потврдена во научно списание

Вакцината против коронавирус, развиена од АстраЗенека во соработка со Универзитетот Оксфорд, стана првата чија ефикасност денеска е потврдена во научното списание „Лансет“

Вакцината на Оксфорд е прва, чија ефикасност е потврдена во научно списание

Објавувањето на овие резултати, кои претрпеа детална анализа од независни научници, потврдува дека вакцината е ефикасна околу 70 проценти, според она што АстраЗенека го објави на 23-ти ноември.

Таа е една од трите вакцини во најнапреден развој, само една година по појавата на коронавирусот.

Другите две се вакцини на американската лабораторија „Модерна“ и таа потекнува од американско-германското партнерство на „Фајзер“ и „БиоНТех“, со која што Велика Британија денеска ја започна кампањата за вакцинација.

Другите две имаат ефикасност од 94,1 процент и 95 проценти, но деталните податоци за нив сè уште не се објавени во ниту едно научно списание.

Сепак, тие се пренесени во разни агенции за лекови, чија задача е да ги испитаат барањата за нивно пласирање на пазарот.

Така, Агенцијата за лекови на САД (ФДА) во извештајот објавен денеска оцени дека вакцината Pfizer / BioNTech за ковид-19 не е ризична во однос на безбедноста, а советничкиот одбор на агенцијата се состанува во четврток, по што ФДА треба да донесе одлука за одобрување на вакцината, што веќе доби зелено светло во Велика Британија и некои други земји.

Сепак, фактот дека вакцината на AstraZeneca е објавена во „Лансет“ им дава можност на научниците од целиот свет детално да ја испитаат и да имаат појасна слика за нејзината ефикасност и безбедност.

Вакцината AZD1222 е ефикасна околу 70 проценти, напишаа научникот Ендру Полард и неговиот тим во „Лансет“. Сепак, оваа ефикасност не е просечна, бидејќи во студијата биле користени два протокола. Едната група примила две полни дози и имала ефикасност од 62 проценти, а другата случајно ја добила половина од дозата и дури потоа целата доза, а вакцината била ефикасна 90 проценти.

На прашањето дали половина, а потоа и целата доза е режим што е планиран или се случила грешка, Полард рече дека тоа било „непланирано“.

Според податоците објавени од „Лансет“, вакцината на „АстраЗенека“ е „безбедна“.

Од вкупно 23.754 волонтери кои учествувале во испитувањата, само еден имал „непожелен сериозен несакан ефект што е поврзан со вакцината”. Уште двајца имале несакани ефекти, но едниот спаѓал во групата што примила плацебо, а другиот не е познато на која група припаѓал. Сите тројца закрепнале.

Меѓутоа, во ниту една група немало луѓе постари од 55 години, па затоа е тешко да се каже колку е ефикасна вакцината кај постарите луѓе.

Научниците исто така не можеле да потврдат колку долго вакцината обезбедува заштита.

Земјите ширум светот нарачаа милијарди дози на вакцината, која е тестирана во Велика Британија, Бразил и Јужна Африка.

Статијата во „Лансет“ исто така вели дека АстраЗенека и Универзитетот во Оксфорд мора да продолжат да работат за да потврдат дека нивната вакцина може да биде ефикасна 90 проценти.

Вакцината AstraZeneca / Oxford е многу важна за научниците бидејќи е поевтина и полесна за дистрибуција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ким Кардашијан има пет дадилки за своите четири деца: „Една е секогаш на должност“

Ким Кардашијан, 45-годишната основачка на брендот „SKIMS“, во ново интервју откри детали за тоа како го организира животот со четирите деца што ги има со поранешниот сопруг, Канје Вест. 

Ким Кардашијан има пет дадилки за своите четири деца: „Една е секогаш на должност“

Заедно ги имаат ќерките Норт (13) и Чикаго (8) и синовите Сејнт (10) и Псалм (7), при што Кардашијан е нивниот примарен старател.

Кардашијан за „Тајмс“ откри дека има помош околу грижата за децата, ангажирајќи пет дадилки кои се менуваат. Таа објасни дека „една е секогаш на должност“, додека „останатите четири се менуваат во смени“.

Таа секој ден ги вози на училиште

И покрај тоа што има помош, Кардашијан вели дека е активно вклучена во секојдневниот живот на своите деца. Таа лично ги вози на училиште и ги зема оттаму секој ден, а секоја вечер заедно вечераат. „Мислам дека сум умерено строга мајка. Многу сум трпелива и им давам многу љубов. Децата сè уште можат да спијат во мојот кревет кога и да посакаат, а јас им читам секоја вечер пред спиење“, рече таа.

Таа се грижи за јавното експонирање на децата

Во интервјуто, таа се осврна и на прашањето за јавното експонирање на нејзините деца – особено на најстарата ќерка, Норт, која е популарна на „TikTok“ и сè повеќе се занимава со музика. Кардашијан призна дека се грижи за учеството на децата во семејното реално шоу „The Kardashians“. „Секое дете учествува онолку колку што се чувствува пријатно. Помалите деца се појавуваат додека снимам, но немаат некои големи улоги во серијата. Норт ужива во тоа малку повеќе од другите, па морам малку да ја ограничувам“, објасни таа. Таа додаде дека Норт е најмногу заинтересирана за проекти кои нудат јавно експонирање, поради што нејзините родители се обидуваат внимателно да ги избираат можностите што таа ги прифаќа, наместо да се согласуваат на сè што ѝ се нуди.

Кога станува збор за музиката, Кардашијан вели дека подобро комуницира со Канје Вест на таа тема. Тие се погрижуваат да бидат усогласени и се осигуруваат дека Норт учествува само во проекти што и двајцата ги одобриле.

Извор: Индекс.хр

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во Франција: Се затвораат до 500 средни училишта, 24 се запалени или вандализирани

Училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Хаос во Франција: Се затвораат до 500 средни училишта, 24 се запалени или вандализирани

Францускиот министер за образование, Жан-Мишел Бланке, денес соопшти дека утре целосно или делумно ќе бидат затворени меѓу 400 и 500 средни училишта во Франција поради последиците од насилните студентски протести, додека најмалку 24 училишни објекти биле запалени или вандализирани.

„Наставата беше прекината во меѓу 400 и 500 образовни установи во петокот, а веројатно сличен број ќе бидат затворени и во понеделник, иако со делумно и постепено продолжување на наставата“, изјави Бланке, пренесува весникот „Ле Фигаро“.

Францускиот министер наведе дека 78 вработени во образовниот систем се повредени откако започнаа протестите.

Според него, училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Бланке рече дека одредени припадници на крајната левица се приклучиле на протестите, обвинувајќи ги дека го злоупотребиле студентското движење и прибегнале кон насилство.

„Ова претставува ризик и за нашиот персонал и за учениците. Повредени се 78 вработени во образованието – нешто што досега не сме го виделе. Тие беа намерно нападнати бидејќи работат во образованието“, изјави министерот.

Протести низ Франција

Протестите и блокадите на средните училишта започнаа на 17 септември во регионот на Париз, а потоа се проширија низ целата земја. Ситуацијата, како што забележува францускиот весник, ескалираше во четвртокот во неколку француски градови.

Петокот беше одбележан со тензии и повеќе од 1.700 приведени лица, со што вкупниот број на приведени од почетокот на неделата достигна околу 5.000.

Организаторите повикаа протестите да продолжат и во вторник, наведувајќи дека не добиле „конкретни мерки“ од властите.

Учениците што учествуваат во протестите, меѓу другото, бараат повеќе персонал и зголемени средства за образованието, а истовремено се жалат на притисокот од системот за упис на универзитетите, недостигот на наставници-заменици, лошата состојба на училишните згради и преоптоварените распореди на часовите.

Извор: Б92

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање во близина на границата меѓу Норвешка и Шведска: Убиени татко и син

Татко и син загинаа, а трет маж беше тешко ранет во пукање во близина на Халден, во југоисточна Норвешка. Осомничениот, маж на возраст од околу 30 години, бил совладан од присутните на местото на настанот пред да пристигне полицијата.

Пукање во близина на границата меѓу Норвешка и Шведска: Убиени татко и син

Жртвите биле маж во седумдесеттите години и неговиот син, кој бил во четириесеттите години. Сите тројца биле дел од ловечка група собрана на имот во близина на езерото Ершеен, недалеку од шведската граница.

Напаѓачот совладан пред пристигнувањето на полицијата

Според норвешките медиуми, осомничениот не бил дел од ловечката група.

По пукањето, луѓето присутни на имотот успеале да го совладаат и да го задржат до доаѓањето на полицијата. Полицијата верува дека тој дејствувал сам и соопшти дека нема опасност за јавноста.

Според досегашните информации, во нападот била употребена ловечка пушка. Норвешките медиуми исто така известуваат дека осомничениот поседувал дозвола за две парчиња огнено оружје.

Адвокат: Тој ја признал кривичната одговорност

Адвокатот на осомничениот, Оле Ричард Холм-Олсен, изјави дека неговиот клиент ја признал кривичната одговорност за двете убиства и за ранувањето на третото лице.

Според адвокатот, осомничениот писмено ја признал кривичната одговорност и се согласил на притвор, но во моментов не сака да даде изјава пред полицијата.

Мотивот сè уште непознат

Полицијата сè уште истражува зошто осомничениот отворил оган и каква поврзаност имал со луѓето на имотот. Истражителите се сомневаат дека тој ја познавал групата или некои од нејзините членови, но според досега објавените информации, тој не бил во роднинска врска со загинатите или со ранетиот маж.

По пукањето, полицијата ја пребарала околината и блиските објекти за да провери дали има други напаѓачи или жртви. Не биле пронајдени други жртви ниту дополнителни напаѓачи.

Извор: Индекс.хр

Тагови: пукање

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер