Здравје

Вака Гоца Тржан ослабе 10 килограми: Пејачката се „преполови“ без гладување, а ова е нејзиното

За совет се обратила кај нутриционист кој го составил најефикасниот план на исхрана за нејзиниот организам.

Пејачката Гоца Тржан во 2007 година ја доби ќерката Лена, и како и повеќето жени се здебели во бременоста. Бидејќи, за време на бременоста хормоните драстично се зголемуваат во телото на жената во вториот триместар, па таа исто така чувствува потреба да јаде малку повеќе нездрава храна. Гоца Тржан е во брак со Радомир Раша Новаковиќ, а нивната врска е пример за хармонична заедница на која секој би ѝ позавидел.

Таа се консултирала со нутриционист и ослабела дополнителни 10 килограми, а ова бил нејзиниот план за исхрана.

Прв ден, појадок: чиа пудинг со боровинки и кокос.

Потребни ви се: 30 гр семки од чиа, 30 гр овесна каша, 120 мл бадемово или кравјо млеко, 1 лажица кокосови снегулки, ½ шолја замрзнати боровинки.

Подготовка: измешајте ги снегулките, чиа семето и млекото, оставете да отстои 10 минути, а потоа додадете ги боровинките, кокосот и стевиа како засладувач.

Ручек: кремаста туна: 1 конзерва (150гр) туна во саламура, салата со ореви.

Вечера: роловани мисиркини гради - 6 парчиња мисиркини гради - 50 гр (најдобро е белото месо од мисирка да се пече во рерна исечено на тенки парчиња), 50 гр крем сирење и 20 гр праз и салата.

Втор ден. Појадок: кето чоколаден пудинг Потребно е: ½ авокадо, ½ лажица кокосово масло/путер, 2 лажици какао во прав, 1 чаша органско незасладено бадемово млеко, 2-3 лажици протеин по избор.

Подготовка: Истурете ги состојките во сад и добро измешајте.

Ручек: сланина и кељ (или зелка).

Потребно е: 4 парчиња сланина, 4 шолји сечкана кељ/зелка, 2 лажици сенф, сол, бибер.

Подготовка: Испржете ги парчињата сланина, извадете ги и во истото тавче пропржете ја исечканата зелка или кељот. Зачинете ја зелката, послужете ја со сланина одозгора.

Вечера: модар патлиџан и тиквички со моцарела.

Трет ден. Појадок: зелено смути Потребно е: 1 шолја органско кокосово млеко, ¼ шолја натопени индиски ореви, ½ авокадо, ½ голема шака спанаќ, сок од половина лимон, екстракт од ванила, стевиа.

Подготовка: Убаво измешајте ги состојките.

Ручек: стек салата (4 порции).

Потребно е: 150-170 гр свеж стек, ½ чешне лук, ½ лажица маслиново масло, хималајска сол, чили во прав, ким, 1 шолја сечкана зелена салата, ¼ чаша сечкана слатка пиперка, листови коријандер, 1 лажица сок од лимон, 1 лажица маслиново масло, 1 лажица сенф.

Вечера: супа од тиквички и куркума.

Четврти ден. Појадок: крем од чоколадо и малини Потребно е: ¼ шолја замрзнати органски малини, 1 конзерва кокосова крема (полномасно кокосово млеко), 1,5 супена лажица какао во прав, 2-3 лажици протеин по вкус, стевиа.

Ручек: Лосос во листови зелена салата - 1/2 филета лосос на скара, 1/4 шолја сечкана краставица, 1/4 шолја рендан целер, 2 лажици сечкан кромид, 1 шолја сечкана зелена салата, 1/2 среден домат, 2 лажици свеж босилек, 1 лажица маслиново масло, 2 лажици сок од лимон, ½ лажиче лук во прав, 1 лажица сенф, хималајска сол, свежо мелен црн бибер, 1 шолја јогурт.

Вечера: салата со варено јајце и парче протеински леб* направен од бадемово брашно.

Потребно е: 1 шолја сечкана зелена салата, 1 шолја микс млад спанаќ и рукола, 2 мали домати, 1 тврдо варено јајце, 1 лажица маслиново масло, 2 лажици сок од лимон, парче протеински леб.

Подготовка: состојките исечкајте ги и измешајте ги.

Петти ден. Појадок: чиа чоколаден пудинг

Ручек: салата од Калифорнија

Вечера: тортиљи од кокосово брашно со зеленчук.

Во една прилика, во интервју за еден домашен портал, Гоца Тржан зборуваше за сè уште актуелната тема - за стандардите на убавина кои наметнуваат жената дека не треба да има ниту грам целулит, а камоли неколку килограми вишок.

„Верувам дека сите луѓе во одреден момент имаат проблеми со телесната тежина, некои имаат премалку, некои премногу килограми, а тоа е особено изразено кај девојчињата и тинејџерите, кои природно не се задоволни со себе. Кога малку ќе созрееш, сфаќаш дека сето тоа е тривијално. Единствениот паметен и реален начин е да ја прилагодите вашата исхрана, така што таа ќе биде што е можно поразновидна и поздрава, и секако, да вежбате. Луѓето денес забораваат да го извадат својот задник од удобните кревети и столици, и да се движат. Едноставно, не постои магична таблета која решава сè, колку и да посакуваме. Соковите можат да помогнат само ако го намалите лакомото јадење. Нашите очи не смеат да бидат гладни, иако на сите ни се гладни очите. Треба да ја прилагодиме исхраната, да го контролираме гладот и да вежбаме, односно да имаме каква било физичка активност – изјавила таа тогаш.

Таа објасни како успеала да го надмине вишокот килограми.

- Не бев тажна поради вишокот килограми. Секогаш можев тоа да го спакувам за речиси да не биди видливо. Не бев депресивна, не се чувствував лошо, иако знам дека многу луѓе со прекумерна тежина поминуваат преку тоа. Едноставно се чувствував физички лошо, со оглед на тоа што сум доста енергична и сакам да скокам на моите настапи, а не можев. Сега се чувствувам многу подобро“, ја завршила својата изјава пејачката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВЛЕН: Историски чекор за здравството во Тетово, 145 вработувања во клиничката болница

Здравството е меѓу главните приоритети на ВЛЕН, а зајакнувањето и модернизацијата на здравствените установи продолжува со конкретни чекори.

Во оваа насока, под раководство на кадрите на ВЛЕН, Клиничката болница во Тетово се зајакнува со 145 нови вработени – 107 медицински кадри, 28 специјализанти и 10 технички работници. Според директорот на болницата, Ерзен Елези, ова е најголемиот број вработувања реализирани досега во историјата на оваа установа.

Процесот ќе продолжи и во наредните месеци. Во септември се очекуваат уште 22 специјализанти, а потоа ќе продолжат постапките за 12 помошни медицински сестри и 25 административни работници, односно вкупно уште 59 нови вработувања.

Покрај зајакнувањето на кадарот, Одделот за урологија е реновиран и опремен со нова медицинска опрема, додека Кардиологијата е преместена во посоодветни простории, со што се подобруваат условите за пациентите и персоналот.

Клиничката болница во Тетово им служи на повеќе од 250 илјади жители на Полошкиот регион. За ВЛЕН, зајакнувањето на човечките капацитети, подобрувањето на условите и обезбедувањето поквалитетни здравствени услуги се дел од заложбите за пофункционален здравствен систем, поблизок до граѓаните, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Заев и Филипче сакаат да дојдат до маркици за дата центри, како што правеа со марихуаната

Венко Филипче и Зоран Заев преку нивни испостави сакаат да дојдат до маркици за дата центри, како што тоа го правеа со лиценците за марихуана.

Драги Ѓорѓиев, пратеник на СДС од 2002 до 2006 година е човекот кој стои зад Иницијативата за дата центар во Пехчево.

Драги Ѓорѓиев е испостава на Зоран Заев и Венко Филипче.

Додека Венко Филипче ја замајува јавноста со кампања против дата центрите, негови луѓе поднесуваат иницијативи и бркаат маркици за дата центри.

Ставот на ВМРО-ДПМНЕ е јасен, дата центри треба да има, но истите мора да се по сите стандарди, надвор од населено место, а не како што тоа сакаат да го прават луѓето на СДС, дополнително оправданоста за истите мора да е силна и да влијае на развојот на локалната заедница. Бенефитот за општеството мора да е голем.

Кадрите на СДС прават се спротивно на тоа.

Следен пат кога Филипче ќе пушта пробни балони и ќе крои политика од јахта нека им каже на неговите пајташи, се наведува во партиската реакција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ибрахимовиќ прави акробации на море, се спореди со „Аквамен“ (ВИДЕО)

Златан Ибрахимовиќ сподели видео од морски акробации во кои изведува акробации на флајборд, уред кој користи моќни водни млазови за да „лета“ над површината на морето.

Видеото го прикажува 44-годишниот Ибрахимовиќ како „лебди“ неколку метри над водата додека е држен во воздух од моќни млазови. Контролирањето на таков уред бара добра рамнотежа и контрола на телото, а поранешниот фудбалер покажа дека е сè уште во одлична физичка форма.

Во еден момент, тој нурна со главата напред во водата од флајбордот и накратко исчезна под површината. Не долго потоа, повторно се искачи во воздух, ги рашири рацете и позираше пред камерата.

View this post on Instagram

A post shared by Zlatan Ibrahimović (@zlatan)

Се спореди со Аквамен

Не му требаа многу зборови за да го опише снимката. Ибрахимовиќ накратко го напиша „Аквамен“ и на тој начин се спореди со познатиот суперхерој од светот на DC Comics кој е поврзан со океаните. Неговата објава брзо го привлече вниманието на следбениците, а многумина се потсмеваа на неговата позната самодоверба.

„Аквамен ги добил своите моќи од Златан“, „Златан не се плаши од океанот, океанот се плаши од него“, „Злаквамен“ и „Само Златан може да го направи ова“ се некои од пораките што ги оставиле неговите следбеници.

Тагови: Златан Ибрахимовиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.