Германија планира да го испорача системот за воздушна одбрана „Патриот“ на Украина, но неговата испорака и предавање ќе траат најмалку шест до осум месеци, објавува „Билд“, повикувајќи се на извори од германската влада.

Според првичниот план, САД требало да пренасочат дел од своите резерви за воздушна одбрана кон Украина, додека Германија ќе го финансира нивното надополнување. Сепак, американскиот претседател Доналд Трамп одби да ги префрли системите од воените резерви. Како резултат на тоа, европските земји мора самостојно да предадат опрема од сопствените залихи и да нарачаат замена од американски производители.

Се наведува дека само финансирањето на купувањето оружје за Украина не го решава проблемот. Европските земји мора да посегнат по сопствените резерви и да нарачаат нивно надополнување кај производители од САД.

„Билд“ објавува дека во моментов има недостиг од системи за воздушна одбрана во Европа. Веќе неколку дена се водат затворени преговори за тоа кој може да ја поддржи Украина и како.

Системот е сè уште во производство

Според најновите податоци, Швајцарија е пониско на листата на чекање за добивање на системот „Патриот“, а првата единица од оваа серија, финансирана од Германија, ќе биде испратена директно во Украина. Во исто време, системот сè уште е во производство од страна на американската компанија „Рејтеон“ и нема да биде подготвен за испорака пред шест до осум месеци.

Во понеделник, 14 јули, Трамп објави договор со генералниот секретар на НАТО, Марк Руте, според кој европските членки на НАТО ќе купуваат американско оружје, вклучително и напредни системи „Патриот“, и ќе го доставуваат во Киев.

САД размислуваат за продажба на системи „Патриот“ од своите залихи на Украина, како дел од новиот план на Трамп европските сојузници да купуваат американско оружје за Киев.

Генералот Алексеј Гринкевич, командант на Заедничката федерална команда на силите на НАТО во Европа, истакна дека се во тек подготовки за брз трансфер на дополнителни системи „Патриот“ во Украина. Тој истакна дека тесно соработува со Германците по ова прашање, и покрај претходните германски изјави за недостатокот на информации за тековните испораки.

Канцеларот Фридрих Мерц додаде дека испораката на системот „Патриот“ во Украина активно се дискутира, но ќе бидат потребни „дена или недели“. САД, исто така, го забрзаа распоредот за испорака на „Патриот“ за да може поддршката за Украина да пристигне што е можно поскоро.

Пред нешто повеќе од една година, наследивме девастирана држава, пеплосана, оставена во безредие и наше е да градиме, и да градиме се од почеток.

Економијата остана главна во фокусот на нашето внимание, меѓутоа не помалку и инфраструктурните решенија, зголемување на пензиите, зголемување на одредени плати, исплаќање на застарените субвенции, заостанатите долгови, меѓутоа исто така и редовни исплаќања на новите субвенции.

Во општината се добиени околу 150 милиони денари за инфраструктурни решенија од различен тип, за различни типови на градење. Продолжуваме и понатаму така, за Македонија! , рече Рашела Мизрахи, пратеничка и член на ИК на ВМРО-ДПМНЕ.

Инцидентот, кој се случил на паркингот на компанијата во среда наутро, бил снимен од надзорна камера. Локалните медиуми јавуваат дека драмата започнала кога вработените го замолиле мажот повторно да го паркира автомобилот. Мажот си заминал, но подоцна се вратил со квадбајк со калашников од која пукал во воздух. Потоа избегал, но полицијата го пронашла еден ден подоцна и го привела. Осомничениот бил испрашуван по наредба на надлежниот обвинител.

На местото на инцидентот се пронајдени многу докази.

Компанијата пред која се случил инцидентот сè уште не дала коментар, објави Телеграф.