Вадефул: Кина го поткопува меѓународниот поредок - Канал 5

Свет

Вадефул: Кина го поткопува меѓународниот поредок

Шефот на германската дипломатија Јохан Вадефул вчера ја обвини Кина за поткопување на меѓународниот поредок базиран на правила преку нејзините сè поагресивни политики во Азија и нејзината поддршка за Русија.

Вадефул: Кина го поткопува меѓународниот поредок

Тој во Јапонско-германскиот центар во Берлин истакна дека Пекинг и Москва се обидуваат да го смента светскиот поредок, кој се темели на меѓународното право.

Вадефул ги истакна блиските врски помеѓу Германија и Јапонија, опишувајќи ги двете нации како истомислечки партнери кои делат клучни вредности и стратешки цели.

Според него, Кина, најмоќната воено и економски земја во Азија, е во конфликт со Виетнам, Малезија и Филипините поради територијални спорови во Јужно Кинеско Море и Тајван го смета за своја територија, постојано заканувајќи се со воена акција.

Вадефул го истакна декка проширувањето на поморското присуство на Кина во близина на Јапонија и военото распоредување во Тајвански Теснец, не само што ја загрозува безбедноста во Индо-Пацификот, туку и го поткопува меѓународниот поредок заснован на правила.

Германскиот министер за надворешни работи посочи дека поддршката на Кина помага во одржувањето на воените напори на Русија во Украина.

- Севернокорејските војници и оружје, заедно со кинеската поддршка, продолжуваат да ја поттикнуваат кампањата на агресија на Русија низ Европа, наведе Вадефул.

Тој, исто така, ја критикуваше Русија, истакнувајќи оти Москва ја тестира решителноста на НАТО, го нарушува воздушниот простор на ЕУ и НАТО, шпионира критичната инфраструктура на Германија и се обидува да влијае на јавниот дискурс со пропаганда и дезинформации.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео-фото: Дали Џенифер Лопез ставила силикони??

Светската музичка ѕвезда Џенифер Лопез предизвика хасо на социјалните мрежи со своето бујно деколте. Сега, сите се прашуваат дали вградила силикони.

Видео-фото: Дали Џенифер Лопез ставила силикони??

Мегапопуларната пејачка и глумица веќе некое време е главна тема на социјалните мрежи, особено поради врската со нејзиниот нов колега, а сега и поради изгледот на нејзините гради.

Деновиве, Џеј Ло е во центарот на вниманието на јавноста поради филмот „Канцелариска романса“, во кој таа ја игра главната улога.

Брет Голдштајн исто така глуми со неа во филмот, а тие го промовираат заедничкиот проект појавувајќи се на премиери низ САД.

Така во вторник тие присуствуваа на премиерата на филмот во Њујорк, а малкумина забележаа нешто друго освен модната комбинација на Џенифер.

Лопез блесна на црвениот тепих во еден од најсмелите фустани во нејзината кариера, а сите очи беа насочени кон нејзиното деколте, кое изгледа двојно поголемо.

Деколтето предизвика и шпекулации и коментари за пластична хирургија. „Дали се нови? Или не ги забележав претходно?“, „Градите нејзини изгледаат сè друго освен природно“, „Изгледаат многу поголеми“, „Од каде се? Но, изгледа одлично“, напишаа некои.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија со 174 гласа избрана за членка на Економскиот и социјалниот совет на ОН

За првпат од осамостојувањето Македонија е избрана за членка на Економскиот и социјален совет на Обединетите нации за мандатниот период 2027–2029 година добивајќи поддршка од дури 174 земји членки на гласањето во Њујорк.

Македонија со 174 гласа избрана за членка на Економскиот и социјалниот совет на ОН

Претседателката Гордана Силјановска-Давкова го оцени изборот на Македонија за членка на економски и социјален совет на Обединетите нации (ЕКОСОК) како значаен дипломатски успех и силна потврда за довербата што меѓународната заедница ја има во државата.

Во објава на социјалните мрежи, Силјановска-Давкова истакна дека овој резултат е плод на активна, принципиелна и доследна надворешна политика, како и на долгогодишни дипломатски напори за обезбедување меѓународна поддршка.

И премиерот Христијан Мицкоски оцени дека изборот претставува признание за вложените напори во надворешната политика и за довербата што Македонија ја гради со своите меѓународни партнери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Трам повторно „задрема“ на состанок во Белата куќа?

Американскиот претседател Доналд Трамп се чини дека повторно задремал за време на состанокот во Белата куќа. 

Видео: Трам повторно „задрема“ на состанок во Белата куќа?

79 годишниот Трамп ги „одмори“ очите неколку моменти за време на состанокот за енергија и се потпре на столот.

На американскиот претседател му се придружија министерот за внатрешни работи Даг Бургум, министерот за енергетика Крис Рајт и администраторот на Агенцијата за заштита на животната средина, Ли Зелдин.

Белата куќа одговори на тврдењата изнесени од некои американски медиуми.

Портпаролот Дејвис Ингл ги отфрли обвинувањата и рече дека Трамп е „најпаметниот, најдостапниот и најенергичниот претседател во американската историја“.

Тој додаде дека претседателот „работи деноноќно за да ја направи земјата уште поголема од кога било досега“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер