Ужас во Италија: Возач на амбулантно возило ги убивал пациентите, што ги превезувал - Канал 5

Европа

Ужас во Италија: Возач на амбулантно возило ги убивал пациентите, што ги превезувал

Обвинителите во северниот италијански град Форли истражуваат возач на амбулантно возило осомничен за убиство на пет постари пациенти.

Ужас во Италија: Возач на амбулантно возило ги убивал пациентите, што ги превезувал

Сите сомнителни смртни случаи се случиле за време или кратко по транспортот на пациентите во амбулантно возило управувано од 27-годишен маж, изјавија адвокатите на семејствата на жртвите за британскиот весник „Гардијан“.

Истражувачки извори за државната новинска агенција АНСА изјавија дека веруваат дека мажот, кој работел за италијанскиот Црвен крст и сега е суспендиран, можеби им давал штетни супстанции на пациентите за време на транспортот помеѓу болниците и домовите за стари лица во регионот Емилија-Ромања.

Властите истражуваат и дополнителни случаи, што предизвикува загриженост дека бројот на потенцијални жртви би можел да се зголеми како што се проширува истрагата. Најновиот случај што се истражува вклучува 85-годишна жена која починала од срцев удар во ноември 2025 година.

Сите пациенти доживеале срцев удар за време на транспортот во амбулантни возила што патувале од Форлимпополи, во близина на Форли. Еден починал за време на патувањето, додека другите починале кратко потоа или во деновите што следеле.

Со месеци, ниту еден од роднините, од кои повеќето верувале дека нивните најблиски се сериозно болни, не покренал никакви сомнежи. Дури кога семејството на една од жртвите, наводно, побарало обдукција, се појавиле сомневања.

„Важно е да се нагласи дека ова не се обични амбулантни возила со вклучени сирени, кои итно ги транспортираат пациентите во болница“, рекоа адвокатите Макс Старни и Масимо Мамбели, кои го застапуваат семејството на пациентот кој почина во ноември.

Тие додадоа: „Овие возила главно се користат за рутински транспорт... на пример, кога пациентот е однесен од дом за стари лица во болница на закажан преглед. Затоа во возилото има само двајца возачи, без медицинска сестра.“

Во случајот на Старни и Мамбели, постара жена патувала од дом за стари лица за да прими физикална терапија кога починала во амбулантно возило.

Обвинителството го ставило возачот под истрага под сомнение за тешко убиство, наведувајќи умисла и употреба на токсични супстанции или други подмолни средства. Тој не е уапсен ниту приведен.

Локалната филијала на Италијанскиот Црвен крст била информирана за истрагата пред четири дена, по што возачот бил суспендиран од должност.

Во соопштението, организацијата изјави дека е „шокирана од информациите за вмешаност на еден од нашите оператори во сериозен кривичен случај“, изразувајќи надеж дека истрагата ќе фрли светлина врз она што го нарече трагичен настан „целосно туѓ за мисијата на нашето здружение во Италија и низ целиот свет, како и за работата на 150.000 волонтери кои секојдневно им даваат помош на оние на кои им е потребна“.

Адвокатката на осомничениот, Глорија Париџи, изјави за весникот „Ла Република“ дека нејзиниот клиент ги негира обвиненијата и е „длабоко потресена“. Таа додаде дека тој веднаш се ставил на располагање на обвинителите.

„Зборуваме за постари лица кои биле во терминална фаза од нивната болест“, рече Париџи. „Само еден починал во амбулантното возило; другите починале во деновите што следеле, во еден случај дури 13 дена по транспортот. Сите петмина претрпеле респираторни кризи за време на патувањето, но во секој случај интервенирала амбуланта“.

Тагови: амбулантно возило пациенти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утрото ќе биде студено, во текот на денот сончево со умерена облачност

Утрото ќе биде ведро и студено. Во текот на денот сончево со мала до умерена облачност.

Утрото ќе биде студено, во текот на денот сончево со умерена облачност

Ќе дува слаб до умерен ветер од северен правец. Минималната температура ќе биде во интервал од -2 до 7, а максималната ќе достигне од 19 до 27 степени.

Во Скопје, променливо облачно со сончеви периоди. Ќе дува слаб до умерен ветер од променлив правец. Минималната температура ќе се спушти до 3, а максималната ќе достигне до 26 степени.

За време на викендот времето ќе биде сончево. Од понеделник ќе биде сончево со променлива облачност во текот на денот. Утрата ќе бидат ведри и студени со ниски температури кои наместа ќе се спуштат под нула степени.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 3. октомври 2026 година

Дневен хороскоп за сабота, 3 октомври 2026 година. 

Дневен хороскоп за 3. октомври 2026 година

Вага 24.9.-23.10.

Љубов

Вашите емоции ќе испливаат на површина. Некои ќе се затекнат како излегуваат или ќе бидат поврзани со млади личности.

Кариера

Посебните задачи ќе ги решавате со својата креативност и уметнички талент . Ќе успеете во тоа.

Здравје

Уживајте во спортот или во уметноста.

Шкорпија 24.10-22.11.

Љубов

Ќе бидете задоволни со своите лични односи. Ќе се потрудите својата среќа да ја споделите со широк круг на луѓе.

Кариера

Во деловната кореспонденција ќе внесете од својот шарм , а љубезниот пристап ќе ви отвори бројни врати.

Здравје

Денеска знаете што сакате.

Стрелец 23.11.-21.12.

Љубов

Колку и да се трудите за да го подобрите својот личен живот , денеска работите поврзани со него ќе ви излегуваат од контрола.

Кариера

Ќе покажете дека вашиот однос со надредените доста хаотичен. Како тука да се знае кој тука пие , а кој плаќа.

Здравје

Ќе водите војна со апетитот.

Јарец 22.12.-20.1.

Љубов

Кај вас денеска ќе се јави потреба за слобода , па оние мкои се во врска ќе сакаат малку да бидат сами или пак ќе одат во големо друштво.

Кариера

Ќе бидете многуз адоволни од изврпшените анализи или со резултатите од претходниот период. На тоа се надоврзуваат нови идеи.

Здравје

Помогнете му на член од семејството.

Водолија 21.1.-19.2.

Љубов

Ќе сфаттите дека минувате низ еден доста фрустрирачки ден кога станува збор за љубовта. Едноставно издржете.

Кариера

Вашата потреба за да ги наметнете своите идеи ќе биде силна , но реалната состојба ќе биде таква што никој нема да ве сфати сериозно.

Здравје

Трпение, спасение.

Риби 20.2.- 20.3.

Љубов

Повеќето од вас ќе бидат расположени за раскажување бајки , ддодека реалната ситуација ќе биде поинаква. Не правете драма ако некој ве спушти на земја.

Кариера

Мали приходи ќе доцнат , а вие поради тоа ќе се чувствувате помалку сигурни. Сепак , контактите и натаму ви се добри.

Здравје

Не истражувајте премногу.

Овен 21.3-20.4.

Љубов

Ќе бидете упорни во изразувањето на своите идеали. Некои би можеле да претерат со тоа. Одрекнете се од совршенството.

Кариера

На службено патување или на поголем состанок би можело да дојде до непрофесионално однесување .

Здравје

Прво смислете што ќе кажете , па потоа зборувајте.

Бик 21.4- 20.5.

Љубов

Тешко дека нешто може да ја помати вашата среќа. Дури и малите семејни недоразбирања ќе ги решите со леснотија.

Кариера

Ќе најдете оригинален начин за да победите во малите битки .Вашата стратегија е за секоја пофалба.

Здравје

Не се напрегајте толку многу .

Близнаци 21.5.-21.6.

Љубов

Без оглед што не го наоѓате она задоволство во љубовта какво што очекувате , ќе успеете се за да свртите во насока на добра забава.

Кариера

Во соработката со другите ќе покажете како може да се работи поинаку , понеобично и пооригинално.

Здравје

Може да ве прогласат за генијалец на денот.

Рак 22.6-22.7.

Љубов

Повторно малку ќе загубите компас , а другата страна ќе се прашува што вие всушност сакате. Дефинирајте го својот став.

Кариера

Своите шефови денеска би можеле пријатно да ги изненадите со еден свој необичен финансиски предлог.

Здравје

Слушајте го својот внатрешен глас.

Лав 23.7-22.8.

Љубов

Многумина денеск ќе бидат маѓепсани , вљубени и она што не е типично за нив , ќе ја заборават реалноста. Но , ќе им биде убаво.

Кариера

Веројатно ќе ги анализирате резултатите од една работа и ќе заклучите дека тие би можеле да бидат подобри. Сепак , генерално , работите подобро.

Здравје

Немојте да бидете практични.

Девица 23.8.-23.9.

Љубов

Во сегашните одлични лични односи денеска ќе внесете малку фантазија и така дополнително ќе ги подобрите. Некои ќе бидат навистина оригинални.

Кариера

Работата ќе ја одработувате со уживање и леснотија , а покрај сето тоа би можеле да предложите и некои сосема нови методи во работата.

Здравје

Силни сте и здрави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ќерката на Никол Кидман го оствари сонот што го имала на 16 години: „Плачев од среќа“

Ќерката на Никол Кидман, Сандеј Роуз, преку социјалните мрежи се осврна на еден од најголемите моменти во нејзината досегашна кариера.

Ќерката на Никол Кидман го оствари сонот што го имала на 16 години: „Плачев од среќа“

Младата манекенка се присети како, пред само две години, го гледала настанот „Vogue World“ со својата мајка и сонувала еден ден и самата да учествува во него. Оваа година, таа желба се оствари.

„Дојдов во Париз со мајка ми пред две години и се сеќавам дека слушнав оти токму тој ден се одржува ’Vogue World‘. Се вратив во хотелот и го гледав преносот на YouTube – сите тие прекрасни жени, музиката и целиот спектакл. Во Милано сфатив дека оваа година и самата ќе учествувам во шоуто. Мојата 16-годишна верзија ќе плачеше од среќа, а плачев и јас сега, на 18 години. Имам огромна среќа што можам да доживеам вакви работи и да запознаам толку многу луѓе“, напиша Сандеј на Инстаграм.

Оваа 18-годишна девојка учествуваше на ревијата „Vogue World“ за време на Модната недела во Милано во септември. Таа се појави во полупроѕирен бел фустан со длабоко деколте, широки ракави и лелеава силуета. Фустанот беше украсен со нежен цветен вез.

Советот на Никол Кидман за нејзината ќерка

Во интервју за ноемвриското издание на „Vogue“, Никол откри како ги советува своите ќерки додека тие растат под будното око на јавноста. Кога ја прашаа за омразата на интернет, осудувањето и нападите, таа одговори: „Едноставно се вртиш и си заминуваш. Зашто тоа ќе те скрши. Ќе те уништи“.

„Тоа многу ме плаши. Но, јас почнав да работам на 14 години, така што и немам многу право на глас“, додаде таа. Сандеј претходно зборуваше за магазинот „Nylon“ за правилата што нејзината мајка ги поставила во врска со нејзината кариера.

„Постојат две важни правила“, рече таа. „Првото беше дека не можев да работам во модната индустрија сè додека не наполнив 16 години. Второто е дека училиштето секогаш мора да биде на прво место. На почетокот тоа го мразев, но всушност мило ми е што постојат тие правила, бидејќи ми помагаат да останам цврсто на земја.“

Тагови: никол кидман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер