Ужас во Црна Гора: Татко пукал во двегодишната ќеркичка, а потоа си пресудил со пушката - Канал 5

Балкан

Ужас во Црна Гора: Татко пукал во двегодишната ќеркичка, а потоа си пресудил со пушката

Живко Д. (34) од Никшиќ, како што се сомничи, синоќа монструозно ја убил својата ќерка (2) кога ја застрелал во градите со пушка, а потоа извршил самоубиство среде дворот на семејниот имот во црногорскиот град Голија.

Ужас во Црна Гора: Татко пукал во двегодишната ќеркичка, а потоа си пресудил со пушката

Телата биле пронајдени во локва крв среде дворот, пријавени во црногорската полиција од таткото на Живко Д., односно дедото на девојчето. Пријавата дошла на 23 јули, половина час по полноќ, кога претходно се случила жестока расправија меѓу партнерите. Истрагата досега утврдила дека Живко Д. ја зел својата ќеркичка од рацете на неговата сопруга, со која бил во вонбрачна врска и избегал.

Кавгите на сопружниците биле чести

Жителите на Никшиќ за Курир опишале како се случило невидено злосторство во нивната област.

- Слушнавме дека Живко и неговата сопруга, која е, патем, многу помлада од него, се скарале. Мислам дека не можеле да најдат заеднички јазик и дека кавгите биле многу чести - вели локалниот жител и додава:

Ја удрил жената, а потоа го киднапирал нејзиното дете

- Кобната вечер, Живко Д. дошол во куќата на неговите роднини, наводно за да ја види својата ќерка, и поради тоа избувнала расправија. Имало и туркање и физички напад врз слабата жена, а во еден момент го зграпчил детето од нејзините раце и си заминал. Таа плачела и го молела да ѝ го врати детето, но без успех.

Поднесена е пријава во полиција за киднапирањето на детето..

Пронајдени крвави тела

- Наводно, во дворот на семејниот имот на Живко Д., неговиот татко пронашол крвави тела - неговиот син и внуката. Избезумен, вон себе и во шок, успеал да се собере и да повика полиција и брза помош, кои за жал можеле само да ја потврдат смртта - велат соседите на ова семејство и додаваат:

- Велат дека било како масакр во дворот, имало толку многу крв. Наводно го застрелал девојчето во градите. Го разнел со пушка, а потоа се самоубил. Бог го казнил, како се осмелува да крене рака врз дете.

Дежурниот обвинител на Црна Гора спроведе истрага, а наредена е и обдукција за да се утврди како дошло до смртта. Истрагата за убиството и самоубиството сè уште е во тек, објави Курир.

Тагови: ќеркичка Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ и Арина Сабаленка ги добија своите противници на Ју-Ес Опен

Најтрофејниот свтески тенисер во историјата Новак Ѓоковиќ и најдобрата светска тенисерка Арина Сабаленка ќе се соочат со Френсис Тиафо и Лејла Фернандез во осминафиналето на Грен слемот во Њујорк,  УС Опен во конкуренција на мешани двојки.

Новак Ѓоковиќ и Арина Сабаленка ги добија своите противници на Ју-Ес Опен

Ќе видиме како домашната публика ќе реагира на мечот против северноамериканскиот пар и кого ќе го поддржува, а според моменталната ситуација, натпреварот е закажан за утре, 25 август.

Во евентуалното четвртфинале, ги очекуваат победниците од дуелот меѓу брачниот пар Гаел Монфис и Елина Свитолина, односно Алекс Ил и Феликс Оже-Алијасим.

И Александра Круниќ би можела да се најде во главната ждрепка доколку таа и Мате Павиќ ги победат Пејтон Стернс и Кристијан Харисон.

Меѓу поинтересните парови во главната ждрепка се Карлос Алкараз и Серена Вилијамс, кои ги очекуваат своите противници од квалификациите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВРЕДИ: Груби пред правдата, „пеењето“ на Бујар даде резултат…

Денес „пеењето“ на Бујар Османи добива поинакво значење: Артан Груби е пред правдата, а Бујар сè уште го чека моментот да направи чекор кон лидерската позиција во ДУИ.

ВРЕДИ: Груби пред правдата, „пеењето“ на Бујар даде резултат…

Со месеци Бујар молчи за Груби, иако некогаш двајцата беа на врвот на ДУИ. Денес се однесува како никогаш да немале заедничка политичка историја.

Наместо мандатот како министер за надворешни работи да го користи во интерес на државата, Бујар го искористи и за своите внатрепартиски пресметки во ДУИ, „пеејќи“ де ваму де таму и правејќи сметки за преземање на раководството на ДУИ.

Денес сценариото станува сè појасно: Груби пред судот, Али Ахмети под притисок, а Бујар ја чека фотелјата на претседателот на ДУИ.

Но, прашањето е едноставно: зошто Бујар молчеше за Груби кога беа заедно на врвот на ДУИ? Што знае тој за оваа приказна и зошто денес се однесува како Груби никогаш да не постоел?

Зашто во политиката, понекогаш не е важно само кој зборува, туку и зошто досега молчел.

Ако „пеењето“ на Бујар било за правда, нека го каже тоа отворено. Ако било за власт и за фотелјата на Али Ахмети, тоа веќе сите го разбираат.

Груби нека одговара пред правдата. Бујар нека им одговори на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео- Фото: Халанд со нова фризура во нови победи со Сити

Светската фудбалска ѕвезда, норвешкиот стрелец Ерлинг Халанд со нов имиџ, кратка коса се појави на старот на  новата сезона со Манчестер Сити во Премиер лигата. 

Видео- Фото: Халанд со нова фризура во нови победи со Сити

Напаѓачот на Манчестер Сити, Ерлинг Халанд (26), ја скрати долгата коса и ја започна сезоната во Премиер лигата со драстично поинаква фризура.

На милиони негови фанови ќе им биде тешко да се навикнат на фактот дека норвешката машина за голови сега изгледа вака:

Халанд се појави на натпреварот против Борнмут на стадионот „Етихад“ со кратка коса, а пред почетокот на мечот објави видео од својата нова фризура на својот профил на социјалната мрежа X.

Поради новиот изглед на Халанд на социјалните мрежи се јавија и неговиот долгогодишен тренер, легендарниот Пеп Гвардиола и светската ѕвезда Златан Ибрахимовиќ.

Во видеото во кое Халанд е со новиот имиџ може да се види и изненадената реакција на неговиот поранешен тренер Пеп Гвардиола, кој не можеше да поверува во она што го гледа. Шпанецот реагираше побурно, па дури и опцу за време на нивниот видео-повик.

„Не е можно... Среќник си што воопшто имаш коса, и јас би сакал да имам“, рече Гвардиола со насмевка.

„Што по ѓаволите си направил? О Боже, што е ова? Да не изгуби во некој облог или слично? Блокирај ме, избриши ми го бројот“, му рече Златан Ибрахимовиќ.

Секако реагираа и многу соиграчи на Халанд.

Ерлинг Халанд со години носеше долга коса и беше препознатлив по неа. Последен пат настапи со косата врзана во опавче на Светското првенство во Америка, каде што испиша историја со националниот тим: го елиминираа Бразил и стигнаа до четвртфиналето, откако во нокаут-фазата ја совладаа Брегот на Слоновата Коска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер