БалканУжас на Крит: Соседите на улица нашле крваво тригодишно дете, докторите се борат да го спасатЛекарите на Крит се борат за животот на момчето (3) кое соседите го пронашле во локва крв пред неговата куќа, а полицијата ги уапсила неговата мајка (26) и нејзиниот партнер (44) поради сомнение дека со месеци физички го малтретирале детето.Детето било пронајдено облеано во крв пред неколку дена пред куќа во Ираклион, а момчето го пронашле соседите кои слушнале бучава. Мајката и нејзиниот партнер се обвинети за убиство во обид, нанесување тешки телесни повреди и физичко малтретирање на деца. Според cretapost.gr, мајката го запознала партнерот во октомври преку Фејсбук. Во тој момент мајката и нејзиниот син живееле во Атина, но потоа решила да се пресели на Крит со момчето и да живее со новиот партнер. Се верува дека оттогаш детето трпело брутално насилство. Според пишувањата на медиумите, на денот кога е пронајдено детето, соседите ги слушнале мајката и нејзиниот партнер како викаат „разбуди се, разбуди се“, обидувајќи се да го оживеат детето кое се здобило со ужасни повреди на главата и стомакот. Соседот потоа излетал и го спасил детето, веројатно спасувајќи му го животот. „Детето е донесено во болница во коматозна состојба, со повреди на главата и стомакот, а лекарите констатирале и траги на претходно малтретирање“, соопшти полицијата. Во тек се вештачења за да се утврди колку долго детето трпело насилство. Во овој момент форензичарите не смеат да му пријдат на детето бидејќи животот на момчето е во опасност, но информациите на лекарите укажуваат дека детето претрпело хорор. Кај детето биле констатирани повеќе повреди кои претходно му биле нанесени. „Неговата состојба е многу сериозна, извесно време е малтретиран. Има сериозен хематом на главата и на момчето ќе му биде извршена операција.“, соопштија од полицијата.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МетеоУтре сончево и релативно топлоУтрото ќе биде ведро и студено, а преку денот сончево и релативно топло. Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени. Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени. Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.Тагови: сончево Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
АвтомобилизамНе е само „Volkswagen“: И моделите на овој бренд исто така може да имаат сериозен технички проблемГерманската управа за моторни возила (KBA) во петокот предупреди дека, покрај милиони возила на „Volkswagen“ и „Audi“ ширум светот, и околу 1,7 милиони возила на Шкода може да имаат потенцијално опасен дефект.Предупредувањето се однесува на потенцијално слаб шраф во механизмот за управување, кој е подложен на корозија. Во најлош случај, шрафот би можел да пукне, соопшти „KBA“. Минатата недела, агенцијата објави дека сопствениците на 2,16 милиони возила на „Volkswagen“ – конкретно моделите „Tiguan“, „Touran“, „Golf Variant“, „Caddy“ и „Golf“ произведени помеѓу 24 септември 2013 и 1 јули 2024 година – треба да контактираат со сервисен центар за да се изврши проверка и евентуална замена на проблематичниот дел, пренесува „DPA“. Истото важи и за моделот „Audi Q3“ произведен помеѓу 31 октомври 2017 и 23 мај 2024 година. Истиот ден, групацијата „Volkswagen“ упати повик до сопствениците на овие возила да ги донесат на технички преглед. Се чини дека и возилата на Шкода – кои исто така се дел од групацијата „Volkswagen“ – се погодени од истиот проблем со дефектниот шраф. Истото важи и за засега неутврден број возила од шпанскиот бренд „SEAT“. Меѓу моделите на Шкода, под лупа се „Kodiaq“, „Karoq“, „Octavia“ и „Superb“, соопшти „KBA“, без да прецизира датуми на производство. Ова опфаќа околу 1,7 милиони возила ширум светот, вклучително и околу 370.000 во Германија. Извор: Б92Тагови: Volkswagen Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
СветГолема сообраќајна несреќа со повеќе возила во Кенија: Најмалку 17 загинатиБројот на загинати во несреќата со повеќе возила на автопатот кон крајбрежниот град Момбаса во Кенија се искачи на 17, соопшти полицијата.Во соопштението се наведува дека несреќата се случила во текот на ноќта во областа Салама, откако возач на камион не успеал да престигне друго возило, што довело до судири со други возила – вклучително и комбе – пренесе АП. Полицијата претходно соопшти дека во несреќата загинале најмалку 13 лица. „Луѓето патуваа кон место за молитва во округот Накуру, западно од кенискиот главен град Најроби“, изјави Мартин Кивува, надбискуп на Католичката надбискупија во Момбаса. Сообраќајните несреќи се сериозен проблем низ цела Африка. Тие често се припишуваат на лошото одржување на возилата, прекумерната брзина и лошата состојба на патиштата. Извор: Б92Тагови: Кенија Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter