Утре Шведска прв противник на македонските ракометари на СП во Египет

Најдобрата машка ракометна репрезентација на Македонија се подготвува за лет до Египет  каде  денеска започнува Светскиот шампионат.

По откажувањето на Чешка поради големиот број на позитивни ракометари на корона црвено жолтите како прва резерва експресно го прифатија новиот предизвик за повторно учество на смотрата на најдобрите светски селекции.

Според последните информации чартерот со нашите најдобри ракометари по 14 часот е планирано да полета за Египет.

Македонската репрезентација во значително подмладен и променет состав, ќе биде дел од групата Г заедно со селекциите на домаќинот Египет, Шведска и Чиле.

Распоред на натпревари:

14.01.2021 Македонија – Шведска 20:30 часот

16.01.2021 Македонија – Египет 18:00 часот

18:01.2021 Македонија – Чиле 15:30 часот

Нашиот прв противник Шведска на Мундијалот во Египет допатува со значително ослабен и изменет состав, без ѕвездата Никлас Егберг, кој се повлече од националниот тим, повредениот голман Микаел Апелгрин, и без Јаспер Нилсен, Андреас Нилсон, Линус Арнесон и Лукас Нилсон.

Селекторот Данило Брестовац на светскиот ракометен шампионат во Египет одлучи да поведе подмладен состав , без Борко Ристовски, Дејан Манасков, Гоце Георгиевски, предводен од искусните Кире Лазаров, Стојанче Стоилов и Никола Митревски.

ГОЛМАНИ: Никола Митревски, Мартин Томовски, Никола Даниловски

ЛЕВИ КРИЛА: Димитар Димитриоски, Цветан Кузманоски

ДЕСНИ КРИЛА: Мартин Поповски, Ненад Костески

ЛЕВИ БЕКОВИ: Филип Талески, Марко Мишевски, Дарко Георгиевски, Михајло Младеновиќ

СРЕДНИ БЕКОВИ: Филип Кузмановски, Марио Танкоски, Горан Крстевски

ДЕСНИ БЕКОВИ: Кирил Лазаров, Мартин Велковски, Мартин Серафимов

ПИКЕРИ: Стојанче Стоилов, Никола Маркоски, Жарко Пешевски

Сончево и топло до крајот на неделава со температури до 27 степени

Следува период на сончево и топло време со пораст на температурата кон викендот.

Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата, соопшти УХМР.

Минималните утрински температури ќе бидат во интервал од 4 до 12, а максималните дневни ќе достигнат до 27 степени.

Струмичката болница обезбеди модерна ендоскопска и лапароскопска опрема за хируршки зафати

Струмичката болница обезбеди и започна со работа со нова модерна ендоскопска и лапароскопска опрема за потребите на одделот хирургија, информираа од оваа здравствена установа.

Како што соопштија оттаму, со лапароскопска хирургија се овозможува полесен третман на пациентите со минимални инвазивни третмани, помал губиток на крв, помал ризик од инфекции, полесно заздравување и пократок престој на пациентите во болница за разлика од отворените хирушки интервенции.

-Тимот на хирурзи, хирурзи на абдоминална хирургија, во болницата веќе подолго време работат лапароскопски операции, а во наредниот период ќе се работи на проширување на експертизата, доедукација на лекарите во лапароскопска хирургија, како и во гинекологија за проширување на видот на оперативните третмани кои досега се работеа во нашата болница со класични отворени хирушки методи, велат од ЈЗУ „Општа болница Струмица“.

Инаку, лани се направени вкупно 1.400 операции, од кои околу 300 лапароскопски хирушки интервенции.

Видео: Мечка трчала низ улиците на град во Словачка, меѓу повредените има и девојче

Мечка трчала низ улиците на град во Словачка, меѓу повредените има и девојче. Видеото е од 17 март, а кафеавата мечка е убиена во синоќа во локалната шума.

Словачкиот министер за животна средина Томаш Тараба изјави дека е убиена кафената мечка која повреди пет лица во еден словачки град.

На социјалните мрежи се шири снимка од мечка која на 17 март трча низ улиците на еден словачки град.

На тамошните градски власти им беа потребни десет дена за да ја пронајдат мечката, која беше убиена во локалната шума во вторникот.

Според Тараба, владата на Словачка користела дронови за да ја пронајде мечката, пренесе Би-Би-Си. Се проценува дека мечката има три години и тежи околу 70 килограми. Повредени се пет лица, меѓу кои и десетгодишно девојче, а двајца со рани и гребаници се пренесени во болница.

притисни ентер