Утре се отвораат границите, без тест и карантин во Србија, Албанија, Косово и Турција - Канал 5

Македонија

Утре се отвораат границите, без тест и карантин во Србија, Албанија, Косово и Турција

Од утре целосно се отвораат сите гранични премини во државата со што македонските државјани и странците ќе можат непречено да се движат без обврска за ПСР тест и државен карантин.

Утре се отвораат границите, без тест и карантин во Србија, Албанија, Косово и Турција

Одлуката ја донесе Владата во вторникот врз основа на препораките на Комисијата за заразни болести, Владата на истата седница донесе одлука од 1 јули да бидат отворени за сообраќај и Меѓународниот аеродром Скопје и Аеродромот „Св. Апостол Павле" во Охрид.

Премиерот Оливер Спасовски вчера потврди дека оворањето на границите не е никаква политичка одлука донесена во корелација со изборите, туку се темели исклучиво на епидемиолошките анализи и мислењето од Комисијата за заразни болести. На прес-конференцијата во Владата, порача дека мора да се научиме да живееме со вирусот, а тоа значи да се почитуваат препораките за носење на лична заштитна опрема, држење на дистанца и честа дезинфекција.

– Отворањето на границите го најавуваме веќе подолго време зависно од анализите што ги прави Комисијата за заразни болести, а тие пред се, се темелат на тоа каква епидемиолошка слика имаме кај нас, во регионот и во поширокото опкружување. Европската унија ги отвори границите за државите членки на ЕУ, а од 1 јули се најавува и кон трети земји каде ќе бидат и државите од целиот наш регион така што ние мора да се научиме дека треба да живееме со вирусот, рече Спасовски, одговорајќи на новинарско прашање.

Според него, крупните рестриктивни мерки го дале својот максимум, а она што сега останува е преку личната одговорност да се придонесе колку е можно повеќе да се држи вирусот под контрола.

Министерот за здравство Венко Филипче изјави дека отворањето на границите не е некој значаен ризик за зголемување на бројот на новодијагностицирани случаи затоа што локалната трансмисија е најголемиот ризик,. Според него, отворањето на границите со воспоставената контрола на аеродромите и начинот на анкетирање на патници на влез во државата, нема ризик за зголемување на бројот на дијагностицирани пациенти.

-Како што е познато на почетокот на кризата имавме случаеви кои дојдоа од странство, но тие беа ризик за мал број контакти во нивната непосредна околина. Доколку се почитуваат превентивните мерки тогаш овој ризик практично се сведува на минимум. Неможе ниту една држава од светот да живее сама во себе затворена со затворени граници. Сметам дека отворањето на границите со контролата што ја имаме, односно термалните камери на аеродромите и начинот на анкетирање на патници на влез во државата, сметам дека нема ризик за зголемување на бројот на дијагностицирани пациенти, посочи министерот Филипче.

Со одлуката за целосно отворање на границите на земјава македонските државјани ќе можат слободно да патуваат вон границите без обврска за негативен ПСР тест за коронавирус и задолжителен 14-дневен карантин при враќање во земјава. Сепак, со иклучок на Србија, Албанија, Косово и Турција, оваа обврска останува за влез во некои земји во регионот и во ЕУ-членките. За патување во Бугарија и Грција како земји членки на ЕУ важат насокоите дадени од ЕК за отворање на границите од 1 јули, годинава. Оваа одлука членките на Унијата треба повторно да ја разгледаат утре поради растот на бројот на заболени од коронавирусот во земјите во регионов.

Во меѓувреме, Словенија и Хрватска најавија можност за заострување на граничниот режим и повторно враќање на обврската за двонеделен карантин за лицата кои доаѓаат од Србија, БиХ, Црна Гора,Албанија, Северна Македонија и Косово имајќи ја предвид епидемиолошката слика во овие земји. Бугарија, пак, ја продолжи вонредната состојба во земјата до 15 јули поради новиот бран на заразени со коронавирусот. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Скапото гориво ги принудува Американците да возат помалку и да ги променат своите навики

Возачите бараат начини да заштедат пари. Некои дури се откажуваат и од патувања.

Скапото гориво ги принудува Американците да возат помалку и да ги променат своите навики

Растечките цени на горивата и зголемените трошоци за осигурување ги принудуваат возачите во САД да бараат начини да заштедат пари. Ново истражување на „LendingTree“ покажа дека 20% од Американците возат помалку денес отколку пред една година, а дури 64% од нив ги наведуваат повисоките цени на горивата како главна причина.

Просечната цена на галон (3,785 литри) бензин во САД достигна 4,07 долари (околу 3,5 евра), што е за околу 30% повеќе отколку пред една година. Како резултат на тоа, многу возачи ги менуваат своите секојдневни навики.

Анкетата покажува дека дури 81% од Американците го прилагодиле своето однесување поради трошоците за транспорт.

Најчестите мерки вклучуваат комбинирање на повеќе обврски во едно патување (38%), намалување на вкупната километража (31%) и барање бензински пумпи каде што бензинот е поевтин пред полнење (28%).

Некои возачи избегнуваат одредени патувања, додека други ги одложуваат купувањата автомобили или редовното одржување на возилата за да ги намалат трошоците.

Од друга страна, 34% од испитаниците изјавиле дека денес возат повеќе отколку минатата година. Ова е предводено од членовите на генерацијата Z и родителите со мали деца.

Кога станува збор за месечните трошоци за превоз, 10% од испитаниците трошат повеќе од 1.000 долари месечно, додека речиси една третина трошат помалку од 100 долари.

Анкетата, исто така, покажа дека 29% од Американците делат возење со други патници барем еднаш неделно за да ги намалат трошоците.

Извор: Б92

Фото: ВИ

Тагови: гориво САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Торнадо направи пустош во Германија- има загинати и повредени (ВИДЕО)

Силна бура проследена со торнадо погоди многу делови од Германија преку ноќ, оставајќи пустош зад себе. 

Торнадо направи пустош во Германија- има загинати и повредени (ВИДЕО)

Бурата уби една жена, повреди неколку лица, сериозно оштети домови и уништи автомобили.

Покраините Тирингија, Хесен и Баварија беа особено тешко погодени, додека во Бранденбург торнадо ги проби улиците на Фирстенвалде и предизвика голема материјална штета.

Покривитеостанаа безѐ ќерамиди, бројни дрвја беа искорнати, а делови од згради беа расфрлани по улиците.

Според локалните медиуми, тинејџер е повреден кога дрво паднало врз автомобилот што го управувал. 18-годишниот возач бил заробен во возилото и морале да го извлечат пожарникарите.

Бурата била фатална и во Рајнска област-Пфалц, каде што една жена (58) била убиена од паднато дрво, додека нејзиниот сопатник (47) бил сериозно повреден.

Во Хесен, бурата оштетила бројни куќи, некои толку лошо што сега се непогодни за живеење. Само во Вецлар, околу 60 куќи биле погодени, според пожарникарите.

Делови од покриви летаа до 100 метри. Во Лаубах, паднато дрво удри во резервоарот за гас на станбена зграда. Поради истекување на гас, област во радиус од 200 метри мораше да биде евакуирана.

Во Тирингија, пожарникарите интервенираа 20 пати поради последиците од бурата. Југот на покраината беше најтешко погоден.

Хаос и во Баварија

Во Баварија, бројни дрвја паднаа на патишта и автомобили, а паркирана приколка беше погодена. Никој не беше повреден.

Панаѓур во баварскиот град Кронах мораше делумно да биде евакуиран. Околу 3.500 гости мораа да го напуштат отворениот простор доцна во среда навечер. За среќа, прославите можеа да продолжат во пивниците.

За потсетување, метеоролозите предупредија дека бурите од суперќелии ѝ се закануваат на Европа и би можеле да предизвикаат општ хаос во следните два дена што би можел дури и да влијае на соседството! Се предвидуваат повеќе бранови интензивни бури од суперќелии и суперќелии од источна Шпанија преку Балеарските Острови, јужна Франција, Швајцарија, Австрија и северно-централна Италија, до Словенија и Хрватска. Можни се голем град, силни ветрови, обилни врнежи од дожд што би можеле да предизвикаат ненадејни поплави и торнада.

Тагови: Германија Торнадо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Андоновски: Размена на искуства и нови можности за соработка со Чешка во областа на дигиталната трансформација и сајбер-безбедноста

Размената на искуства и добри практики, како и отворањето нови можности за соработка со Чешката Република во дигиталната трансформација и сајбер-безбедноста.

Андоновски: Размена на искуства и нови можности за соработка со Чешка во областа на дигиталната трансформација и сајбер-безбедноста

Размената на искуства и добри практики, како и отворањето нови можности за соработка со Чешката Република во дигиталната трансформација и сајбер-безбедноста, беа во фокусот на семинарот „Дигитализација на јавната администрација – размена на искуства и добри практики со Чешката Република“, кој се одржа денеска во организација на Министерството за дигитална трансформација.

Министерот за дигитална трансформација Стефан Андоновски го пречека Н.Е. г. Петр Мацинка, заменик-премиер и министер за надворешни работи на Чешката Република, по што двајцата министри со поздравни обраќања официјално го отворија семинарот.

Посакувајќи им добредојде на министерот Мацинка и на чешката делегација, министерот Андоновски истакна дека дигитализацијата не е само технолошки процес, туку суштинска трансформација на начинот на кој функционира државата и на кој граѓаните ги остваруваат своите права и ги користат јавните услуги.

„Она што сакаме да го постигнеме е државата да биде поедноставна и поблиска до граѓаните и компаниите, со услуги кои се достапни, брзи и лесни за користење. За нас, дигитализацијата има смисла само доколку носи реално подобрување во секојдневието – помалку административни чекори, помалку чекање и поголема сигурност и предвидливост за секој граѓанин и за секоја компанија“, нагласи Андоновски.

Тој посочи дека Министерството работи на развој на дигиталните услуги, подобро поврзување на институциите, унапредување на интероперабилноста и создавање посигурна дигитална инфраструктура.

Министерот Андоновски ја нагласи важноста на меѓународната соработка и размената на практични искуства, оценувајќи дека знаењето и конкретните решенија на Чешката Република можат значително да придонесат кон натамошниот развој на дигиталната трансформација во земјава.

„Денешниот семинар го гледам како многу повеќе од презентација на две различни искуства. Го гледам како можност да започнеме нова, поконкретна и подлабока соработка меѓу Македонија и Чешката Република во областа на дигиталната трансформација“, истакна Андоновски.

Посебен акцент беше ставен и на сајбер-безбедноста како неопходен дел од процесот на дигитализација.

„Колку повеќе услуги и процеси се дигитализираат, толку поважно е граѓаните да имаат доверба дека нивните податоци се безбедни и дека системите на државата се отпорни. Затоа, дигитализацијата и сајбер-безбедноста мора да одат рака под рака“, порача министерот.

Претставниците на чешката делегација ги презентираа искуствата и успешните практики на Чешката Република во дигитализацијата на јавната администрација. Во рамките на дискусијата беа разгледани можностите за понатамошна соработка, воспоставување партнерства и реализација на заеднички иницијативи и проекти, вклучително и во областа на сајбер-безбедноста.

Министерот Андоновски изрази уверување дека семинарот ќе биде почеток на нови иницијативи, партнерства и конкретни проекти меѓу двете земји во областа на дигиталната трансформација.

Кабинет на Министер

Стефан Андоновски,

Министер за дигитална трансформација

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер