Македонија

Утре прва официјална средба Муцунски-Петрова Чамова во Шведска

Во амбиент на затегнати билатерални односи, шефовите на дипломатиите на Македонија и Бугарија, Тимчо Муцунски и Велислава Петрова - Чамова утре на прва официјална средба.

Според извори од македонското МНР, разговорот ќе се одржи утре попладне на маргините на Самитот на министрите за надворешни работи на НАТО, во шведскиот град Хелсинбург. Средбата е на покана на македонскиот министер и доаѓа една недела по изјавата на Чамова која го употреби терминот „северномакедонски“ за македонските претставници, а македонското МНР возврати со устен демарш за бугарскиот амбасадор во Скопје Жељазко Радуков. За политичкиот аналитичар Марко Трошановски, средбата несомнено е голем чекор напред за односите, но не треба да се очекуваат чуда.

-Ова е патот по кој треба да се оди за затоплување на односите меѓу двете земји. Не верувам дека на оваа прва средба би имале некаков пробив во во насока која што ја посакува македонската страна. Очекувам бугарската страна да ги потврди своите ставови за Договорот за добрососедство, протоколот и така натаму. Марко Трошановски, Институтот за демократија Социетас Цивилис .

Бугарската министерка на средбата доаѓа со старите цврсти позиции, ако се суди според информациите на бугарските медиуми, кои денеска го објавија ставот на Петрова – Чамова дадена како одговор на пратеничко прашање. Бугарската министерка вели дека Софија категорично се спротиваставува на обидите на Македонија да ги заобиколи обврските и оти ги мобилизирала сите дипломатски канали, вклучително и преку презентирање на нон пејпери пред евопските партнери, да алармираат за поведението на Македонија.

-МНР, преку мрежата на бугарските мисии во странство во земјите-членки на ЕУ и во Скопјe, вложува активни напори за да спречи какво било повлекување, заобиколување или доведување во прашање на преземените обврски. Обидите на Македонија да го оспори статусот на Протоколот од Вториот состанок на Заедничката меѓувладина комисија согласно член 12 од Договорот за пријателство, добрососедство и соработка се во спротивност со постигнатиот европски консензус, бидејќи Протоколот е дел од него. , се вели во изјавата на Петрова Чамова, пренесува бугарскиот портал БГНЕС.

Трошановски смета дека токму инцијативата на известувачот Вајц да се расчисти маглата околу Протоколот, ќе даде многу одговори како да се продолжи понатаму.

-Чиста ситуација нам многу би ни одговарала, и ќе биде појасно политичките елити да протуркаат уставни измени, ако вакви билатерални теми, кои протоколот ги содржи е јасно дека не се дел од процесот на пристапување со европската унија, вели Трошановски.

Министерот Муцунски во една од последните изјави порача дека во моментов не постојат услови за уставни измени, поради како што рече, недостигот на доверба и кредибилитет во однос на испорачаното кон земјава.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Муцунски ќе учествува на бизнис форум во Истанбул, Турција

Министерот за надворешни работи и надворешна трговија на Република Македонија, Тимчо Муцунски, утре во Истанбул ќе учествува и ќе се обрати на Бизнис форумот Македонија – Турција.

Форумот, организиран од владите на двете земји, ќе ги обедини претставниците на институциите на највисоко ниво и бизнис-заедниците од двете држави, со цел унапредување на економската и трговската соработка, привлекување инвестиции и отворање нови можности за партнерства. На настанот се очекува учество на голем број компании од двете земји, кои ќе реализираат B2B и B2G средби.

Бизнис форумот ќе го отворат министерот Муцунски и неговиот хомолог, министерот за трговија на Република Турција, Омер Болат.

На маргините на форумот, министерот Муцунски ќе оствари билатерална средба со министерот Болат, на која се очекува да стане збор за економските односи меѓу двете земји, можностите за натамошно зголемување на трговската размена, привлекувањето инвестиции, како и за унапредувањето на севкупната економска соработка.

Настанот претставува значајна можност за продлабочување на економските врски меѓу Северна Македонија и Турција, како и за воспоставување нови деловни контакти и партнерства меѓу компаниите од двете држави.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гаши: До 2015 година застаппеноста не била законски регулирана освен преку алатка

Процедурата за носењето на законот за правична застапеност е запазена, најверојатно во понеделник ќе се свика продолжение, вели собранискиот спикер Африм Гаши во „Само Интервју“.

На најавите на дуи дека е можно физички да го попречат носењето за законот, Гаши посочи дека демократија значи владеење на мнозинството, а на законот треба да му се даде шанса и доколку е потребно допнително ќе се менува.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Повторно пожар во штипско: Огнот зафатил и три викендички - повредено едно лице

Едно лице е повредено и во пожар кој попладнево избувнал во штипско. Зафатени биле сува трева и грмушки, но и неколку викендички, а повредено лице е сопственик на една од викенд-куќите.

Пожарот како што информираше директорот на дирекцијата за заштита и спасување во моментот е изгаснат и бил во непосредна близна на местото каде и вечра имаше огнена стихија. При гаснењето на огнената стихија интервенирал еден авион на дирекцијата за заштита и спасување, како и пожарникари од околните општини и од доброволното противпожарно друштво во Штип. Агелов заедно со градоначалникот на Штип Иван Јорданов го посетиле повреденото лице, кое во моментот е во болница во штип со изгореници, но е во стабилна состојба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.