8 месеци подоцна, на обвинителна клупа ќе седнат 34 лица, а се очекува бројот да се зголмеми на 35 со припојување на обвинетиот сопственик на агенцијата за обезбедување, за кого обвениение беше поднесено подоцна, а ќе одговораат и 3 правни лица... Меѓу нив се сопствениците, лица од обезбдувањето, инспектори, админстративици и екс функционери... сите се товарат за исто кривично дело – тешки дела против општата сигурност. Ќе се одржуваат по две рочишта неделно, а процесот ќе го води судијката Диана Груевска – Илиевска. Од судот претходно известија дека сите лица кои се сведоци или оштетени во постапката дополнително ќе бидат повикани да се произнесат.

Обвинението за катастрофалниот пожар беше поднесено на 13 јуни. Тогаш државниот јавен обвинител Љупчо Коцевски изјави дека се опфатени сите за кои постојат сигурни докази дека предизвикале тешки дела против оптштата сигурност и со години се кршеле закони, се прикривале неправилности за дискотеката „Пулс“ да може да работи без да ги исполнува минималните услови за безбедност.

-Во континуитет издавале лиценци за вршење на инспекциска дејност, објектот спаѓал во категодија диско клуб, а не ги исполнувал условите. Имало нецелосна документација, а не иницирале вонреден инспекциски надзор за проверка на условите. Детално се наведени кај секоја од лиценците поединечно, изјави тогаш Коцевски.

Паралелно со стартот на судењето, во Собранието се прават обиди за одржување на надзорна расправа и формирање анкетна комисија, барање што го испорачаа семејствата на загинатите на маршот во саботата. Во Собранието пратениците од СДСМ веќе ја доставија иницијативата за основање на анкетна комисија на која освен нивните, потпишани се и пратениците од Левица. -Анкетната комисија треба да ја утврди целата вистина, на кој начин била загрозена безбедноста на присутните во објектот во Кочани, да ги утврди институционалните пропусти, прекршувањата на законските одредби, како и да лоцира политичка одговорност. Врз основа на наодите, пратениците предлагаат Анкетната комисија да изготви и на Собранието да му поднесе Извештај најдоцна еден месец по завршување со работа, стои во предлогот.

Од ВМРО-ДПМНЕ се изјаснија дека ќе ги поддржат иницијативите за анкетна комисија, но ќе бараат нејзино проширување и со другите трагедии како модуларната болница и Дурмо турс.

-Вчера и СДСМ и Левица укажаа на тоа дека ќе поднесат такви барање. Ние таквото барање ќе го прифатиме, но треба ваквата анкетна комисија да биде проширена и за сите други трагедии за коишто нема ниту кривична, ниту човечка, ниту политичка одговорност, изјави пратеникот Стојаноски од ВМРО-ДПМНЕ.

Семејствата на загинатите во саботата побараа од пратениците да се утврди вистината и проверка во постапувањето на сите институции од локално до централно ниво, кој да имал должност да спречи, а не реагирал, имало или не евентуална политичка или службена одговорност. На 16 март после полноќ се случи една од најголемите трагедии во Македонија. Во дискотеката „Пулс" во Кочани, која беше исполнета со над 500 гости, избувна катастрофален пожар за време на концертот на поп-група ДНК. Пред еден месец пожарот ја зеде и 63-тата жртва - Владимир Блажев-Панчо од дуото ДНК почина по речиси седум месеци од трагедијата, борејќи се со тешки изгореници и повреди. Над 200 лица беа тешко повредени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.