Утре почнува 10. „Баскерфест“

Годинашново 10. издание на првиот меѓународен и мултикултурен уличен фестивал во Македонија „Баскерфест“ ќе почне утре, на плоштадот „Филип Втори“. Фестивалот ќе трае до 13 јули, низ 14 градови во Македонија.

На денешната прес-конференција детали за фестивалот соопштија градоначалникот на Скопје Коце Трајановски, Пане Темов и Тина Мицковска од организаторот „Темов“ и Катерина–Хаџи Ангелеска, претставник од „Пивара“ - Скопје.

- За време на викендите ќе има две бини, а во работните денови три, каде уличните уметници ќе ги изведуваат своите точки во текот на денот. Во вечерните часови на истото место планирани се настапи на повеќе музички групи од странство и од Македонија, рече Трајановски.
Фестивалот во Скопје е под покровителство на Град Скопје, за што се одвоени 900 илјади денари.

За оваа година најавено е учество на околу 100 баскер-изведувачи од целиот свет. Покрај уличните артисти, како и секоја година тука се музичките настапи во пивската градина. Жонглери, брејкденсери, куклен театар, одење по жица и перформанси со оган се само дел од програмата на годинашниов театар на отворено „Баскерфест 2015“.

Годинава новитет е тоа што првпат секојдневно ќе има и детска креативна работилница каде најмладите посетители ќе имаат можност да се дружат со баскер изведувачите и да се едуцираат.

- Со текот на овие 10 години, овој фестивал стана препознатлив бренд за нашиот главен град и еден од најуспешните културно-забавни проекти поддржани од Град Скопје. Ги повикувам граѓаните на дојдат и да се забавуват на отворено, изјави Трајановски.

Пане Темов по повод 10. роденден најави голем број изненадувања за присутните и артисти од Чиле, САД, Куба, Албанија Србија, односно учесници од 23 земји.

Мицковска ги повика граѓаните да дојдат и да ги посетат детските креативни работилници, настапите на артистите од 18 до 22 часот, како и пивската градина која ќе понуди забава до еден часот по полноќ во текот на неделата, а до два часот по полноќ за време на викендите.

Хаџи Ангелеска истакна дека ги поддржуваат настаните кои се со интересна и едукативна содржина, каква што има „Баскерфест“.

Синер: Морав да се повлечам од турнирот во Мадрид

Италијанскиот тенисер Јаник Синер објасни зошто решил да се повлече од турнирот во Мадрид.

Во четвртфиналето на Мастерсот требаше да игра со Канаѓанецот Феликс Оже-Алиасим, кој сега автоматски се пласираше во полуфиналето, каде што ќе игра со победникот од двојката Данил Медведев - Јиржи Легечка.

- Многу е тажно да го пропуштам мојот следен натпревар овде во Мадрид. Колкот ме мачи оваа недела и болката постепено се влошува. Следејќи ги советите на лекарите, решивме дека е подобро да не играме понатаму. Во текот на следните неколку дена ќе спроведам други тестови и ќе ги следам советите на специјалистите за закрепнување. Ви благодарам за поддршката, напиша Синер на социјалните мрежи.

Оваа сезона 22-годишниот Италијанец освои три турнири - Австралија опен, како и турнирите во Ротердам и Мајами. /МИА

Блинкен го повика Хамас да се согласи за примирје за да им помогне на луѓето во Газа

Хамас соопшти дека ќе одговори „во многу краток период“ на предлогот.

Највисокиот американски дипломат Антони Блинкен го повика Хамас да го прифати планот за примирје во Газа и покрај израелското предупредување дека армијата ќе продолжи да се бори против палестинската милитантна група по каков било прекин на огнот.

Посредниците предложија договор за примирје со кој би се запреле борбите на 40 дена и би се размениле заложници.

Хамас соопшти дека ќе одговори „во многу краток период“ на предлогот.

„Хамас треба да каже „да“ и треба да го заврши тоа“, рече Блинкен синоќа додека беше во Израел на својата седма турнеја на Блискиот исток од почетокот на конфликтот во октомври.

Тој подоцна додаде: „Ако Хамас всушност тврди дека се грижи за палестинскиот народ и сака да види итно олеснување на неговото страдање, треба да го прифати тој договор“. /МИА

Фон дер Лајен во посета на Либан

Претседателката на Европската комисија, Урсула фон дер Лајен денеска во придружба на шефот на кипарската држава Никос Христодулидес ќе престојува во посета на Либан. 

Како што соопшти Европската комисија, предвидено е Фон дер Лајен и Христодулидес во Бејрут да се сретнат со либанскиот премиер Наџиб Азми Микати и со претседателот на Парламентот, Набих Бери.

Либан нема претседател од октомври 2022 година кога истече мандатот на дотогашниот шеф на државата Мишел Аун, а Парламентот од тогаш не успеа да обезбеди мнозинство за избор на негов наследник.

Според најавите, се очекува Фон дер Лајен и Христодулидес на своите либански домаќини да им претстават пакет економска помош за земјата за справување со проблемот стотициите илјади сириски беглаци за кои постои стравување дека би можеле да се упатат кон Кипар, во обид да дојдат на територијата на ЕУ.

Дополнително на средбите ќе стане збор и за билатералните односи, безбедносните предизвиците со кои се соочува Либан и неопходните рефоми во земјата. /МИА

притисни ентер