Утре лидерска средба - од владата сугерираат дека единствено СДСМ нема да учествува - Канал 5

Македонија

Утре лидерска средба - од владата сугерираат дека единствено СДСМ нема да учествува

Лидерска средба утре напладне и официјално ќе има, потврдија од Владата, а според нивните информации единствено СДСМ нема да учествува на состанокот што го иницираше премиерот Мицкоски.

Утре лидерска средба - од владата сугерираат дека единствено СДСМ нема да учествува

Во очи на нејзиното одржување, од опозициските партии досега единствено Левица прифати да седне на маса, СДСМ категорично се против, додека ДУИ тактизира до последно и конечната одлука ќе ја носи на состанок на Генералниот совет вечерва во Тетово.

-Покана за лидерска средба беше испратена до сите парламентарни групи застапени во Собранието. Согласно досегашните информации со кои располагаме, единствено СДСМ нема да учествува на лидерската средба, велат од Владата за Канал 5.

Сепак, лидерот крилото на Алијанса за Албанците Зијадин Села, кој неодамна се одвои од коалицијата со Ахмети, за Канал 5 вели покана за лидерска не добил. Од коалициските партнери во Владата на средбата се очекуваат претседателот на ЗНАМ и градоначалник на Куманово, Максим Димитриевски, а од албанскиот партнер Вреди, потврдено е присуството на градоначалникот на Тетово, Биљал Касами и координаторот на пратеничката група Беким Ќоку..

Иако според изјавите од Мицкоски фокусот на утрешната средба ќе биде на реформските закони за ЕУ, укинување на „Пржинската влада“ 100 дена пред избори, како и изборот на народниот правобранител, кој е заглавен во Собранието поради немањето бадентерово мнозинство, сепак секоја од партиите најавува дека ќе оди со свои приоритети. Левица прифаќа укинување на техничката Влада но бара на средбата да се отвори прапањето за воведување на една изборна единица. Од ДУИ, пак, не се откажуваат од барањето на предвремени парламентарни избори во мај или октомври, и тоа според најавите ќе биде главниот „адут“ на Ахмети доколку одлучи да оди на лидерската средба.

За дел од аналитичарите, лидерите треба меѓусебно да разговараат за суштински теми, но лидерските не треба да се користат како алиби за одредени политики. Новинарот Столе Наумов не ја исклучува можноста утрешната средба да се искористи како терен за предвремени парламентарни избори, но согласен е дека реформските закони и агенда секако дека треба да бидат тема затоа што се дел од европската патека.

-Јас сум за разговор, за споделување на одговорност и обврски и на права се разбира, но да не биде тоа наметнато, да не биде иссилено и да се добие впечаток дека се користи лидерската средба како алиби за одредени политики. Ако веќе зборуваме за техничката влада како тема може тука чудни колаиции да се случат, вонредни избори да сакаат ДУИ и ВМРО-ДПМНЕ, иако Мицкоски во мал милион изјави негираше дека постои расположение и желба кај него и неговата партија за предвремени избори. А тоа со техничката влада стана веќе тривијално и проѕирно зависи од која страна ја гледате. Порано и СДСМ беше за укинување и сите беа за укинување но зависи дали си опозиција или позиција. Кога си на власт не ти одговара техничка влада, кога си во опозција ти одговара техничка влада, смета Наумов.

Од СДСМ и денеска го повторија ставот дека се против укинување на техничката влада која според нив е единствена шанса за некакви минимални услови за фер избори, без, како што велат, злоупотреби од власта. Филипче минатата недела експресно ја одби понудата од Мицкоски за средба, бидејќи како што рече, со криминалци не се разговара..

YouTube video

Тагови: лидерска средба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Државен завод за ревизија: Недоволно пари и луѓе, како и слабата дигитализација кај Државниот пазарен инспекторат

Низа неправилности и слабости во работењето на Државниот пазарен инспекторат утврдил Државниот завод за ревизија.

Државен завод за ревизија: Недоволно пари и луѓе, како и слабата дигитализација кај Државниот пазарен инспекторат

Недоволен број инспектори, нецелосна дигитализација и неизвесност околу контролите на безбедноста на производите се дел од забелешките.државниот пазарен инспекторат во 2024 година спровел 28.263 инспекциски надзори.од нив, 21.108 биле редовни, 5.106 вонредни, а 2.049 контролни надзори.надзорите ги спроведувале 148 инспектори, од вкупно 313 систематизирани работни места..

Изразено е неповолно мислење за финансиските извештаи за 2024 година. Утврдено е дека апликацијата „е-инспектор“ не е целосно ставена во употреба.

Не е воспоставена ниту единствена електронска база со методологија за проценка на ризик. Во периодот од 2022 до 2025 година, од пазарот биле повлечени 40 производи по лабораториски испитувања.

Ревизорите предупредуваат дека неизвесно е продолжувањето на овие контроли по завршувањето на проектното финансирање. Констатирани се и недостатоци во финансиската и материјалната евиденција.Ревизијата препорачува зајакнување на човечките ресурси, дигитализација и подобрување на инспекцискиот надзор.

Се препорачува и обезбедување услови за безбедно чување на одземените предмети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Нова порака до Иран од Брисел: „Престанете со нападите, отворете го Ормуз“

 Претседателот на Европскиот совет, Антонио Кошта, во средата изјави дека го повикал Иран да ја обнови соработката со Меѓународната агенција за атомска енергија (МААЕ).

Нова порака до Иран од Брисел: „Престанете со нападите, отворете го Ормуз“

Кошта изјави дека разговарал со иранскиот претседател Масуд Пезешкијан и притоа го повикал Техеран да ја обнови соработката со ИАЕА. Претседателот на Европскиот совет исто така го повика Иран да ги запре нападите врз соседните земји и целосно да ја воспостави слободата на пловидба низ Ормускиот Теснец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Си и Трамп денес разговараат за царините, ретките минерали и ВИ пред истекот на трговското примирје

Претседателот на САД Доналд Трамп го пречека кинескиот претседател Си Џинпинг со прелет на воени авиони и со црвен тепих долг 30 метри на почетокот на нивниот тридневен самит во Вашингтон.

Си и Трамп денес разговараат за царините, ретките минерали и ВИ пред истекот на трговското примирје

Си Џинпинг денес влегува во Белата куќа на разговори со Доналд Трамп во момент кога на САД и Кина им остануваат помалку од седум недели да решат што ќе се случи со дел од привремено суспендираните царини и трговски ограничувања. Кинескиот претседател пристигна во САД во средата, а официјалната државна посета трае од 23 до 25 септември. Белата куќа потврди дека денес е предвидена церемонијата на пречек и разговорите меѓу двајцата претседатели.

На масата се неколку прашања што директно влијаат врз светските синџири на снабдување: царините, кинескиот извоз на ретки минерали и магнети, американските ограничувања за напредна технологија и чипови, земјоделската трговија и вештачката интелигенција. Reuters наведува дека пазарите особено ќе следат дали ќе има продолжување или промена на трговските аранжмани што истекуваат на 10 ноември. Меѓу нив е суспензијата на американската дополнителна царина од 24 проценти за кинески производи и поврзаните кинески контрамерки. Кинеското Министерство за трговија потврдува дека до истиот датум се суспендирани и дел од претходно најавените извозни контроли. Тоа не значи дека на 10 ноември исчезнуваат сите други царини меѓу двете економии.

Ретките минерали се можеби најчувствителната економска точка. Кина контролира до 70 проценти од светското ископување ретки земни елементи, околу 85 проценти од капацитетите за нивно преработување и приближно 90 проценти од производството на легури и магнети, според податоци на AlixPartners што ги пренесува Reuters. Таквите магнети се вградуваат во електрични и класични автомобили, индустриски мотори, електроника, ветерни турбини, воздухопловна и медицинска опрема и низа високотехнолошки производи. Вашингтон бара посигурен пристап до овие материјали, додека Пекинг бара олеснување или дополнително одложување на американските технолошки ограничувања кон кинески компании.

ВИ влегува во преговорите

Вештачката интелигенција е нов елемент во денешните разговори. Американскиот министер за финансии Скот Бесент по подготвителните преговори со кинескиот вицепремиер Хе Лифенг соопшти дека Вашингтон предложил механизам преку кој двете држави би се известувале за сериозни инциденти со ВИ што можат да достигнат ниво на закана за националната безбедност. Според AP, идејата е да се зголеми транспарентноста меѓу двете најголеми сили во развојот на ВИ. Тоа засега е предлог и тема на разговор, а не постигнат договор. Истовремено, двете страни разговараат и за намалување на царините за одредени „нечувствителни“ производи, меѓу кои може да има земјоделски производи, стоки за широка потрошувачка, енергетски производи и медицинска опрема.

Економијата, сепак, не е единствената точка. Тајван останува едно од најчувствителните политички и безбедносни прашања. Според извори на Reuters запознаени со кинеската позиција, Си се очекува повторно да го отвори прашањето за американската продажба на оружје на Тајван.

Американската администрација, пак, јавно не најави промена на долгогодишната американска политика кон островот. Затоа секое соопштение по средбата ќе треба внимателно да се чита за да се разликува дали станува збор за конкретна промена, политичка изјава или само продолжување на разговорите.

Тагови: Доналд Трамп Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер