Уставен суд за првпат пријави судија за непочитување на судска одлука - Канал 5

Македонија

Уставен суд за првпат пријави судија за непочитување на судска одлука

Уставниот суд за прв пат го активираше новиот механизам за заштита на сопствените одлуки, откако судија во Основниот граѓански суд Скопје не ја извршил нивната одлука за повторување на постапката за предметот на новинарката Наташа Стојановска.

Уставен суд за првпат пријави судија за непочитување на судска одлука

Судијата, повикувајќи се на Законот за парнична постапка, навел дека Одлука на Уставниот суд не може да биде основ за повторување на постапката како нов факт или доказ. Додека пак, претседателот на Уставниот суд – Дарко Костадиновски, за Канал 5 вели дека според уставно утврдените правни карактеристики, одлуките на Уставниот суд имаат дејство на конечност, извршност и општа задолжителност и не се предмет на интерпретација.

-Станува збор за историска одлука на Уставниот суд и прва од ваков вид во 63 години уставно судство во Македонија. Целта и смислата на овој механизам и на одлуката на Уставниот суд во конкретниов случај, е да покаже одлучност дека се грижи за извршувањето на своите одлуки и да испрати порака до сите субјекти дека неговите одлуки мора да се почитуваат и извршуваат и дека во тоа се состои суштината на уставното судство. Доколку било кој не ги почитува и не ги извршува одлуките на Уставниот суд, но и доколку тоа се игнорира и не се утврдува од самиот Уставен суд или од било кој надлежен орган, се губи смислата на постоењето на уставното судство. Сметам дека конкретната одлука води кон поголема уставна дисциплина,- -Дарко Костадиновски, претседател на Уставен суд.

Костадиновски дополнува дека согласно новиот механизам воведен пред три години, сега Уставниот суд ќе подготви извештај за судијата кој не ја извршил нивната одлука и за истото веќе го известил Јавниот обвинител и Судскиот совет.

-Уставниот суд и по службена должност и по пријава од лице кое има правен интерес испитува дали неговите одлуки се извршуваат. Доколку утврди дека негова одлука не е извршена, подготвува посебен извештај и доколку утврди неизвршување за истото го известува јавниот обвинител и органот кој го избрал или именувал лицето кое не ја извршило одлуката на Уставниот суд,- -Дарко Костадиновски, претседател на Уставен суд .

Предметот по кој Уставниот суд одлучуваше и утврди повреда на слободата на јавно изразување на новинарката Наташа Стојановска сторена со една пресуда од Основниот граѓански суд и уште една од Апелација, се однесува на настаните во Собранието од 27 април каде таа, присутна како акредитиран новинар, била изложена на закани без притоа да и е обезбедена соодветна заштита. Адвокатот на Стојановска – Филип Медарски, ја оценува оваа одлука на Уставниот суд како исклучително важна.

-За разлика од претходниот Деловник кој упатуваше исклучиво на следење на извршувањето на одлуките, со новиот Акт Уставниот суд добива проактивна улога и има можност формално да реагира доколку неговата одлука не е извршена. Со ова се зајакнува нивната позиција во однос на непосредната уставно-судска заштита на правата од член 110 алинеја 3 од Уставот,- -Филип Медарски, адвокат.

Од Уставниот суд напоменуваат дека конечноста и извршноста на нивните одлуки се заштитени и со кривично-правни санкции во случај кога не се извршуваат. Сепак, последниот збор за тоа дали судијата од Основниот граѓански суд ќе добие евентуална санкција, го имаат Судскиот совет и Јавното обвинителство.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Младоженец загина на пат кон црквата во која требало да се венча- трагедија во Белгија

Жордан Кинард (29), татко на две деца, бил само на неколку минути од венчавката со жената на својот живот кога автомобилот што го возел кон црква се лизнал од патот.

Младоженец загина на пат кон црквата во која требало да се венча- трагедија во Белгија

Човекот зад воланот бил неговиот кум и брат на неговата идна невеста Полин. Страшната несреќа се случила околу 13:30 часот во саботата на пошумен дел од патот во белгиската покраина Луксембург.

Пожарникарите брзо пристигнале на местото на настанот, но младоженецот бил прогласен за мртов, објавува британскиот The Sun. Возачот бил повреден и итно префрлен во болница. Во несреќата немало други возила, соопшти полицијата.

Локалната полиција започнала истрага за да ја утврди точната причина зошто автомобилот се лизнал. Во времето на фаталната несреќа имало неколку лица во возилото.

Џордан и Полин се венчале во градското собрание пред нешто повеќе од еден месец и требало да се венчаат во црква минатиот викенд.

Тагови: младоженец Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Криминалец осум години бил во бегство, го сменил изгледот и живеел во Турција како жена- го издал еден детал

По осумгодишна потера, турската полиција го уапси Тугрул Башар, осуден крадец кој значително го променил својот изглед додека бил во бегство и, според локалните медиуми, со години живеел претставувајќи се како жена.

Криминалец осум години бил во бегство, го сменил изгледот и живеел во Турција како жена- го издал еден детал

Башар беше осуден на три години затвор за кражба во 2010 година, но успеа да избегне апсење и остана во бегство следните осум години.

Според полицијата, во тој период, неговиот изглед се променил толку многу што истражителите повеќе не можеле да се потпираат на неговите стари фотографии за да го пронајдат. Како резултат на тоа, тие ја промениле тактиката и почнале да ги следат неговите движења и начин на живот.

Според локалните медиуми, истражителите утврдиле дека Башар ја користел официјалната турска лична карта на неговата биолошка сестра и ја претставувал како своја за време на безбедносните проверки.

Полицијата конечно го лоцирала во населбата Кадикој во Истанбул, каде што била извршена рација. За време на операцијата, му биле земени отпечатоци од прсти, а проверката го покажала неговиот вистински идентитет и потврдила дека тој е бараниот Башар.

По апсењето, тој бил префрлен во полициска станица во областа Кадикеи во Турција и приведен. Според полицијата, тој треба да ја отслужи првичната тригодишна казна за пресудата за кражба.

Меѓутоа, против него е покрената и посебна истрага за наводно лажно претставување и користење туѓи документи. Доколку обвинителите поднесат обвинение за кражба на идентитет или фалсификување документи, Башар би можел да се соочи со дополнителна казна.

Иако го променил својот изглед и начинот на кој се претставува во текот на годините поминати во бегство, според достапните информации, тој официјално не го променил своето име или пол во турскиот граѓански регистар.

Поради оваа причина, властите сè уште го наведуваат како маж во официјалните документи. Според турските прописи, информациите од официјалните документи играат улога и во одредувањето на сместувањето на затворениците, па затоа Башар треба да ја отслужи казната во машки затвор.

Тагови: жена турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пронајдено е телото на 3-годишниот Ноа кој исчезна од детско игралиште, заврши потрагата во Британија

Полицијата потврди дека е пронајдено тело во потрагата по тригодишниот Ноа. 

Пронајдено е телото на 3-годишниот Ноа кој исчезна од детско игралиште, заврши потрагата во Британија
Тагови: Британија детско игралиште

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер