Ова доаѓа по поднесената иницијатива за поништување или укинување од страна на директорот на Канал 5 ТВ, Иван Мирчевски и новинарот Александар Видиновски, а беше поднесена бидејќи на патоказите во Србија за Македонија беше користен кодот „НМК“, што е спротивно на меѓународните договори, вклучително и Преспанскиот. Претседателот на Уставниот суд, Дарко Костадиновски рече дека ќе треба да се донесе правлник кој ќе биде согласно закон.

-Поништувачкиот ефект на нашите одлуки е дека тоа што било предвидено со тој правилник не се случило, значи ќе мора да се врати претходната состојба или да се донесе нов правилник во кој ќе бидат уредени сообраќајните знаци, опремата и сигнализација на законски начин, зашто ова е правилник. - Дарко Костадиновски – Претседател на Уставен суд

-Тој акт кој се поништува ќе се сметат како да ги нема. Тоа е дејството на одлуката на Уставниот суд која има поништувачко дејство. Значи тие нема да важат, ќе се почне Јово на ново. - Осман Кадриу – Судија во Уставен суд

На дневен ред на денешната петта седница на уставниот суд се најдоа и Измените на Законот за Пензиско и Инвалидско Осигурување за кои е донесена одлука да не се поведе постапка за измените. Судијата во Уставен, Осман Кадриу смета дека се дискриминаторски одредбите со кои се предвидува пензионерите кои биле надвор од државата по било кој основ во време на носењето на измените и дека им се нанесува финансиска штета на македонските пензионери кои се во странство, сепак мнозинството судии оцениле дека нема потреба да се покрене постапка. Костадиновски вели дека еден од главните аргументи на седницата бил дека пензионерите во и надвор од Македонија се во иста правна состојба, но не и фактичка, па со тоа немало прекршување на членот 9 од Уставот.

-Одлуката со потребно мнозинство е донесена на тој начин и во тој, да кажам во таа насока предлогот наш не беше прифатен. Мнозинството одлучи дека нема основ да се поведе постапка. – Судија во Уставен суд

-За да се повреди членот 9 од Уставот, неопходно е кумулативно исполнување на двата услова – сите субјекти да се наоѓаат во иста правна и фактичка состојба и доколку со едните се постапува на поинаков начин, а се постапува на поинаков начин, а се во иста правна и фактичка состојба, тоа значи повреда на принципот на правда и еднаквост. во овој случај за тоа не може да стане збор.- Дарко Костадиновски – Претседател на Уставен суд

Костадиновски информираше и дека е запрена постапката за измените на кривичниот законик. Вели дека судот откако изразил сомнеж за формалната и материјална уставност и на Собранието му бил даден рок кој бил пробиен за неколку месеци. Според него, или ќе се заложиме за владеење на правото или ќе глумиме правна држава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.