Успешно завршија четвртите Мини олимписки игри во Скопје - Канал 5

Други спортови

Успешно завршија четвртите Мини олимписки игри во Скопје

Со извонредна атмосфера и силен натпреварувачки дух, во Спортскиот центар „Јане Сандански“ во Скопје успешно се заокружија четвртите по ред Мини олимписки игри. 

Успешно завршија четвртите Мини олимписки игри во Скопје

Овој масовен спортски настан обедини вкупно 480 ученици и 40 наставници од четири скопски основни училишта, промовирајќи ги на дело вистинските олимписки вредности – почитта, пријателството и стремежот кон извонредност.

Дел од овогодишното успешно издание беа учениците од следните основни училишта:

ООУ „Ацо Шопов“ – Бутел

ООУ „Рајко Жинзифов“ – Драчево

ООУ „Дитурија“ – Сарај

ООУ „Браќа Рамиз и Хамид“ – Шуто Оризари

Игрите минаа во знакот на фер-плејот и тимската игра. Младите спортисти покажаа висок степен на заедништво на теренот, додека трибините сведочеа за позитивната енергија и безрезервната меѓусебна поддршка.

Покрај спортското натпреварување, настанот се истакна и со својата силна општествено-одговорна и едукативна компонента. Имено, на сите четири училишта-учеснички им беше врачена донација од МОК во вид на нова спортска опрема, како и материјали за другите наставни предмети. Целта на оваа иницијатива е континуирано подобрување на условите за учење и севкупен развој на учениците.

Мини олимписките игри уште еднаш се потврдија како значајна платформа за поттикнување здрави животни навики кај младите генерации. Настанот испрати моќна порака дека спортот претставува универзален јазик кој ги обединува младите луѓе, создавајќи позитивни искуства и трајни вредности кои имаат долгорочно влијание, многу подалеку од спортските терени.

Тагови: Мини олимписки игри

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија со 174 гласа избрана за членка на Економскиот и социјалниот совет на ОН

За првпат од осамостојувањето Македонија е избрана за членка на Економскиот и социјален совет на Обединетите нации за мандатниот период 2027–2029 година добивајќи поддршка од дури 174 земји членки на гласањето во Њујорк.

Македонија со 174 гласа избрана за членка на Економскиот и социјалниот совет на ОН

Претседателката Гордана Силјановска-Давкова го оцени изборот на Македонија за членка на економски и социјален совет на Обединетите нации (ЕКОСОК) како значаен дипломатски успех и силна потврда за довербата што меѓународната заедница ја има во државата.

Во објава на социјалните мрежи, Силјановска-Давкова истакна дека овој резултат е плод на активна, принципиелна и доследна надворешна политика, како и на долгогодишни дипломатски напори за обезбедување меѓународна поддршка.

И премиерот Христијан Мицкоски оцени дека изборот претставува признание за вложените напори во надворешната политика и за довербата што Македонија ја гради со своите меѓународни партнери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Трам повторно „задрема“ на состанок во Белата куќа?

Американскиот претседател Доналд Трамп се чини дека повторно задремал за време на состанокот во Белата куќа. 

Видео: Трам повторно „задрема“ на состанок во Белата куќа?

79 годишниот Трамп ги „одмори“ очите неколку моменти за време на состанокот за енергија и се потпре на столот.

На американскиот претседател му се придружија министерот за внатрешни работи Даг Бургум, министерот за енергетика Крис Рајт и администраторот на Агенцијата за заштита на животната средина, Ли Зелдин.

Белата куќа одговори на тврдењата изнесени од некои американски медиуми.

Портпаролот Дејвис Ингл ги отфрли обвинувањата и рече дека Трамп е „најпаметниот, најдостапниот и најенергичниот претседател во американската историја“.

Тој додаде дека претседателот „работи деноноќно за да ја направи земјата уште поголема од кога било досега“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ утре ја промовира „Скопска иницијатива“ на меѓународна конференција

Социјалдемократскиот сојуз на Македонија утре, 06.06.2026 година (сабота), ќе биде домаќин на меѓународна конференција на којшто ќе биде промовирана „Скопска иницијатива“.

СДСМ утре ја промовира „Скопска иницијатива“ на меѓународна конференција

Социјалдемократскиот сојуз на Македонија утре, 06.06.2026 година (сабота), ќе биде домаќин на меѓународна конференција на којшто ќе биде промовирана „Скопска иницијатива“, заедничка активност која ги обединува регионалните прогресивни и социјалдемократски сестрински партии за демократски, европски и просперитетен Западен Балкан.

„Скопската иницијатива“ ја покрена претседателот на СДСМ, проф.д-р Венко Филипче со што прогресивните сили од регионот и Европа заеднички застануваат во борбата против авторитарните режими, борба против корупцијата и европска интеграција на регионот.

Целта на на меѓународната конференција е зајакнување на соработката меѓу социјалдемократските партии од регионот и Европа, како и креирање заеднички одговор на предизвиците со кои се соочува Западен Балкан.

Меѓународниот состанок претставува продолжение на регионалните и европските напори за мобилизација на прогресивните сили и се надоврзува на пораките од Самитот за глобална прогресивна мобилизација во Барселона.

Овој собир на високо ниво се одржува и во година кога Корчуланската школа одбележува 15 години постоење како значаен регионален форум за политички дијалог, лидерство и промоција на прогресивни и социјалдемократски вредности.

Настанот е во организација на СДСМ и Корчуланската висока школа а во партнерство со Интернационалниот центар „Олоф Палме“ и Центарот за нови иницијативи.

На состанокот, кој е на високо ниво, ќе присуствуваат и претставници на социјалдемократски и прогресивни фондации од регионот, од Партијата на европските социјалисти (PES), Групата на социјалисти и демократи(S&D Group), Социјалистичката интернационала (SI), Фондацијата за европски прогресивни студии (FEPS), од сестринските партии од Европската Унија, како и членови на Управниот одбор и Советодавниот совет на Родовата мрежа на Централна и Источна Европа и други партнери на Корчуланската школа.

Скопје, 05.06.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер