Македонија

Успешно одржан првиот настан од Националниот караван за недвижности „Дом во секој град“ во Берово

Настанот обедини претставници од релевантни области поврзани со купопродажбата и управувањето со недвижности – нотари, адвокати, банки, градежни компании, како и граѓани заинтересирани за информации и можности на локалниот пазар.

Агенцијата за недвижности ДОРА ИНВЕСТ вчера во Општинската сала во Берово успешно го одржа првиот настан од Националниот караван за недвижности „Дом во секој град“, иницијатива од јавен интерес насочена кон директна комуникација со локалните заедници и унапредување на пазарот на недвижности во државата.

Настанот обедини претставници од релевантни области поврзани со купопродажбата и управувањето со недвижности – нотари, адвокати, банки, градежни компании, како и граѓани заинтересирани за информации и можности на локалниот пазар. Преку отворена дискусија и размена на искуства беа адресирани клучните предизвици и потенцијали за развој на недвижностите во регионот, а воедно и во Берово како град со висок потенцијал за инвестирање.

Сопственичката на ДОРА ИНВЕСТ, г-ѓа Фросина Ушлиновска, ја претстави иницијативата и визијата на компанијата, нагласувајќи ја важноста од транспарентен и организиран пазар.

„Нашата цел е да создадеме систем во кој сите чинители – од граѓаните до институциите и професионалците – ќе бидат поврзани, информирани и заштитени. Веруваме дека силниот и транспарентен пазар на недвижности е темел за локален економски развој и стабилна иднина. Караванот ‘Дом во секој град’ е почеток на една нова, поорганизирана и поодговорна приказна во оваа област“, изјави Ушлиновска.

Целите на настанот беа:

Поврзување на сите локални чинители во процесот на купување и продажба на недвижности;

Зголемување на транспарентноста и сигурноста при работењето со имот;

Поддршка на локални професионалци и компании;

Информирање на граѓаните за можностите и трендовите на пазарот на недвижности;

Со овој настан официјално започна реализацијата на Националниот караван „Дом во секој град“, кој во наредниот период ќе продолжи и во други градови низ државата, со цел градење посилен, побезбеден и поорганизиран пазар на недвижности на национално ниво.

За ДОРА ИНВЕСТ

ДОРА ИНВЕСТ е најголемата и единствена агенција за недвижности во земјата која работи на национално ниво, со база од над 10.000 активни имоти низ целата држава. Компанијата обезбедува целосно управување со процесот на купопродажба – од иницијалната идеја до конечната реализација.

Преку иновативен модел за промоција и бројни успешни приказни со клиенти, ДОРА ИНВЕСТ активно придонесува кон градење доверба, законитост и квалитет на пазарот на недвижности, со јасна порака дека иднината е паметно да се гради дома.

За дополнителни информации:

Фросина Ушлиновска – сопственичка

📞 +389 71 714 922

Маја Кузманоска – менаџер

📞 +389 75 494 123

🌐 www.dorainvest.mk

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Власта го одби барањето на СДСМ, предлог – законот за јавни набавки да биде повлечен од дневен ред

Предлог законот за јавни набавки попладнево стаса на дневен ред во Собранието, откако владеачкото мнозинство го отрфли предлогот на СДСМ тој да биде повлечен..

Дејан Трајкоски е во Парламентот..

Дејан, откако вчера претседателката Сиљановска стави вето на еден член од предлог законот, мнозинството експресно реагираше...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова разговараше со претседателот на Литванија- претседавач со ЕУ од јануари 2027

Претседателката Гордана Сиљановска-Давкова, на маргините на Парискиот мировен форум 2026, оствари средба со претседателот на Република Литванија, Гитанас Науседа.

Taa го поздрави денешното отворање на нашата прва резидентна Амбасада во Вилнус и изрази очекување за продлабочување на македонско-литванската политичка, економска и институционална соработка.

Соговорниците разменија ставови за процесот на проширување на Европската Унија, состојбата во регионот на Западен Балкан, како и за македонските предизвици во пресрет на литванското претседавање со Советот на ЕУ од јануари 2027 година.

Тие се согласија дека реформите и Копенхашките критериуми се клучните параметри за членство во ЕУ на земјите-кандидатки и дека билатералните прашања не треба да бидат пречка во процесот на проширување.

Претседателката посочи дека соседите може да имаат позитивна улога во европската интеграција на регионот, укажувајќи на примерот на скандинавските земји, кои целосно ги поддржаа балтичките држави пред нивното членство во Европската Унија во 2004 година.

Таа го информираше претседателот за македонските преземени чекори на патот кон ЕУ, како и за прашањата со коишто се соочува земјата, од добивањето на кандидатскиот статус во 2005 до денес.

Сиљановска-Давкова истакна дека продолжуваат македонските напори за конструктивен дијалог со соседна Бугарија, но нагласи дека за тоа е неопходно двете страни да пристапат кон процесот со добра волја, соопштуваат од Кабинетот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЗНАМ: Пред да прогласувате историски победи, почекајте ги стручните ставови на Венецијанската комисија

Движењето ЗНАМ смета дека е несоодветно создавањето политичка еуфорија и прогласувањето историски победи од страна на претставниците на ВРЕДИ.

Движењето ЗНАМ смета дека е несоодветно создавањето политичка еуфорија и прогласувањето историски победи од страна на претставниците на ВРЕДИ, во момент кога Владата всушност ја усвои информацијата за потребата од прибавување стручно мислење од Венецијанската комисија за прашањето на употребата на албанскиот јазик во правосудството.

Усвојувањето на информација за потребата од стручно мислење не значи дека е донесена конечна одлука, ниту дека е направена каква било промена во законската рамка и начинот на функционирање на правосудниот систем.

Напротив, побараното мислење од Венецијанската комисија треба да даде стручна и правна основа за понатамошно постапување, со почитување на Уставот, законите, правната сигурност и европските стандарди.

Прашањата поврзани со употребата на јазиците, особено во правосудството, се премногу сериозни за да бидат предмет на дневнополитички маркетинг, пред да бидат разгледани сите правни аспекти и да бидат добиени релевантните стручни мислења.

Затоа, наместо предвремено прогласување победи и создавање очекувања кај граѓаните, потребни се одговорност, институционален пристап и почитување на правните процедури.

За ЗНАМ, владеењето на правото, уставноста и еднаквоста пред законите не се предмет на политички пазарења, туку темелни принципи врз кои мора да функционира државата.

Центар за комуникации и аналитика

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.