Македонија

Успешни реформи ќе го забрзаат процесот на ратификација на членството во НАТО

Висок претставник на Алијансата утринава ги објасни претстојните процедури на зачленување на Македонија во НАТО.

Македонија денеска седнува како поканета земја на состанокот на министрите за одбрана, полноправното членство се очекува за една година кога ќе завршат ратификациите во сите земји членки, но Македонија може да се обиде да влијае на брзината, јави дописничката на МИА од Брисел.

Висок претставник на Алијансата утринава ги објасни претстојните процедури на зачленување на Македонија во НАТО.

Од приемот на вербалната нота од Скопје во НАТО, Македонија ќе биде официјално именувана Северна Македонија на масата на сојузничките на Алијансата, каде се наоѓа денеска министерската за одбрана, Радмила Шеќеринска. Полноправното членство ќе се случи откако сите земји членки ќе ги ратификуваат пристапниот Протокол. Од Алијансата никој не очекува да се случат политички проблеми во овој дел откако Грција го ратификуваше минатата недела.

Во просек овој процес трае околу една година, што значи дека Македонија би станала полноправна членка до пролетта 2020 година. Сепак, не е исклучено да се забрза процесот, но тоа зависи од капацитетот на Македонија да ги убеди своите идни сојузнички, објасни претставник на НАТО. Тоа може да го стори пред сѐ преку интензивирање на реформите и докажување дека е вреден партнер чие членство треба што поскоро да стапи на сила.

-Важно е за земјата да продолжи да притиска за реформите и да ги убеди другите земји дека заслужува да стане членка, да ги убеди дека членот 5 треба да се примени, изјави претставник на НАТО.

За НАТО има три клучни реформски области, а тоа се владеењето на правото, реформите во одбраната и во разузнавачките служби. Во претстојниот период ќе биде важно за земјата да се осигура дека системите за размена на информации се безбедни и цврсти. Друг важен аспект е контролата врз разузнавањето, начинот на кој се управува со чувствителни информации, како и дека има доволно човечки ресурси и дека тие се соодветно обучени за задачите што им претстојат.

НАТО ќе и помага на Македонија до полноправното членство да ги воспостави сите неопходни системи за тие да бидат функционални на денот на членството.

Околу одредени шпекулации дека САД со администрацијата на Доналд Трамп би можела на било каков начин да се противи или да спречи зачленување на Македонија во наредниот период, НАТО отфрла вакви сценарија и потсетува дека не само што САД покажува историски силна поддршка за проширувањето на НАТО, туку таа поддршка беше потврдена неодамна во двете американски политички партии.

На 10 јули минатата година американскиот Сенат изгласа резолуција за поддршка на НАТО, а следниот ден истото го стори и Претставничкиот дом. И двете резолуции минаа речиси едногласно, без разлика на политичката припадност на пратениците.

Фудбал

Марио Гомез за изгледот на Озил: Не знам која му е целта

Поранешниот германски репрезентативец Месут Озил (35) се повлече од играњето на почетокот на 2023 година и оттогаш работи на трансформирање на своето тело.

Озил низ кариерата беше слаб, лесен напаѓачки играч за врска, но во последно време тренира со тегови во теретана. Резултатите се видливи, а снимките и фотографиите ги објавува на Инстаграм.

Озил ја помина својата кариера играјќи на врвно ниво. Започна во Германија, играше за Шалке и Вердер, а потоа се пресели во Реал Мадрид и Арсенал. Кариерата ја заврши во Турција. Освои десет клупски трофеи, а со германската репрезентација беше светски првак во 2014 година.

Сонародникот на Озил и пензиониран напаѓач на Баерн, Марио Гомез (38) зборуваше за физичката промена на Озил во подкастот на Билд: „Се восхитувам како се справува со тоа. Но, јас сум поддржувач на средината бидејќи доживеав осцилации во двете насоки и знам дека екстремите не водат кон ништо добро не знам која му е целта.

Не е за мене, но не е тоа поентата. Кога ќе ја завршите кариера во која сте фалени и охрабрувани со години, природно е да го барате она што ве исполнува. Месут изгледа го нашол во теретана. Играше со Роналдо и можеби помислил: „Сега имам време да станам мал Кристијано“.

Гомез зборуваше и за Кристијано Роналдо, еден од најдобрите фудбалери на сите времиња, кој освои сѐ што можеше и кој е познат по својата неверојатна индивидуална работа, поради што и на 39 години се уште игра за Саудиска Ал Наср.

„Можете да мислите што сакате за Роналдо, но кога зборуваме за инфлуенсери, тој имаше позитивно влијание на цела генерација. Секој ден покажува колку труд треба да се вложите за да имате такво тело, а младите играчи го следат Веќе не пијат алкохол, во слободно време се во теретана, имаат приватен физиотерапевт и сите пијат филтрирана вода.

Посветеноста и професионалноста се многу повисоки денес и тоа има многу врска со Кристијано. Дури и Лионел Меси е на пат да стане Роналдо. Одеднаш и тој виси во теретана затоа што знае дека треба да удри гас. Тоа е моќта што социјалните мрежи можат да ја имаат“, рече Гомез.

Гомез во текот на својата професионална кариера играше за Штутгарт, Баерн, Фиорентина, Бешикташ и Волфсбург. Шест пати беше најдобар стрелец во различни натпреварувања, освои осум клупски трофеи и ја заврши својата играчка кариера во 2020 година. Денес работи како технички директор на РБ Лајпциг.

Свет

Трудница е убиена во својот дом во Лос Анџелес, требало да роди близнаци

Во Лос Анџелес е во тек истрага откако бремена жена била пронајдена избодена до смрт во нејзиниот дом, соопштија локалните власти.

Замениците на шерифот на округот Лос Анџелес одговорија на повикот во Палмдејл пред два дена.

„По пристигнувањето на местото на настанот, полицајците насилно влегле во домот каде забележале крв на подот од дневната соба“, се вели во соопштението од канцеларијата на шерифот.

Жртвата била пронајдена со убодни рани и била констатирана смрт на местото на настанот, известија од кабинетот на шерифот.

Според информациите кои за ABC News ги потврди шерифот Мајк Гомез, жртвата била бремена околу шест до седми месец и носела близнаци. За убиството се уште нема уапсен.

"Светот е суров. Не можам да го разберам ова. Таа беше добра личност", изјави за KABC Лос Анџелес Алексис Армстронг, пријателка на несреќната трудница.

Шоу биз

По четири децении светлоста на денот ќе ја види заборавен докуметарен филм за „Битлси“ (ВИДЕО)

Заборавениот документарен филм за Битлси „Let It Be“, кој го носи името на големиот хит на групата, повторно ќе ја види светлината на денот, по реставрацијата, на 8 мај на платформата „Дизни плус“.

Инаку, документарниот филм „Let It Be“ првично бил објавен во 1970 година. Бил недостапен четири децении. Последното издание било на VHS во осумдесеттите години на минатиот век.

Според извештаите, зад новата верзија на документарецот стои Питер Џексон, кој претходно работеше на уште еден документарец на Битлси „Get Back“.

„Let It Be“ е многу различен од биографиите контролирани од уметникот што вообичаено ги гледаме денес. Битлси беа длабоко незадоволни од тоа како изгледаа на екранот во тоа време, што делумно објаснува зошто филмот толку долго беше недостапен.

Сепак, „Нека биде“ денес може да се смета за класика, некои го пофалија, некои го критикуваа. Она што е сигурно е дека станува збор за документарец кој на Битлси првенствено гледа како на музичари.

„Let It Be“ пренесува не само голема енергија, туку и дел од свечената мистерија што ја придружуваше милениумската соработка на Битлси, пишува Techradar.com.

притисни ентер