Успешна, примерна и инспиративна приказна за една вистинска љубов - Канал 5

Живот

Успешна, примерна и инспиративна приказна за една вистинска љубов

 Ана Абел, „тиктокерка“ која е во брак речиси 45 години, ја освои помладата публика со својата „љубовна приказна која не била случајна“, собирајќи два милиона прегледи и над 210.000 допаѓања. 

Успешна, примерна и инспиративна приказна за една вистинска љубов

Во „Тик-ток“ видеото што стана своевиден хит, Ана го опиша своето патешествие до заедничкиот живот со нејзиниот сопруг Енди.

- Во тоа воопшто немаше среќа или случајност. Работев многу, многу напорно за да дојдам до него, рече таа за својот животен партнер.

Во таа смисла, Абел буквално го следела и истражувала неговото движење во својата околина, по што следел „ловот“ на сопругот.

Нејзината потрага по вистинскиот партнер почнала кога имала само 11 години. Абел, која денес е на почеток од осмото десетлетие од својот живот, пораснала во семејна средина каде што очекувањата биле исклучително високи. Нејзините родители сакале да успее и на академско поле, но и да се омажи за „вистинскиот човек“. Тоа, според критериумите на мајка ѝ, би значело: Евреин, интелектуалец и успешен маж.

Очекувањата на нејзиниот татко биле подеднакво строги. Кога Абел матурирала, тој ѝ рекол дека таа ќе мора да студира Хемиски инженеринг или нема да ѝ го плати образованието. Иако имала тешкотии со математиката и други науки, го послушала и дипломирала на Универзитетот „Тафтс“. Но, тука некаде, кога станува збор за љубовта, Абел повлекла црвена линија.

@annesimaabel How I met my husband 45 years ago! #fypシ #fypage #viraltiktok #nyc #viralvideo #howimetmyhusband #husband #married #marriage #husbandwife ♬ original sound - Anne Abel

- Правев и направив сѐ што ми рекоа родителите, па дури и дипломирав на инженерското училиште. Но, некако инстинктивно знаев дека мажот за кого ќе се омажам мора да биде некој кој јас ќе го изберам за себе, појаснува таа.

Така, стандардите на Абел се јасни: Интелигенција, пред сѐ.

- Паметен значи „секси“. Некои бараат пари, а јас барав - ум. Енди е многу, многу интелигентен. Се обидов „да се скрасам“ со неколку партнери, но ниту еден од нив не беше „вистинскиот“. Со Енди, сепак, врската беше моментна. Најдов интелигентен професор кој е љубезен, трпелив, самоуверен, но и скромен, истакна таа.

Таа миговна леснотија била во целосен контраст со борбите низ кои минала како девојка. Со години се борела да го добие одобрувањето од родителите, но во Енди нашла некој кој безусловно ја прифаќа.

Следачите ја препознаа пораката на оваа вистинска љубовна приказна која треба да служи како пример за многумина денес.

„Со сета почит, Вашата животна приказна е толку интересна што би требало да се преточи во книга или филм“; „Буквално седев тука, чекајќи го крајот на раскажувањето“; „Фантастична приказна“ - гласат дел од коментарите.

Бракот на Ана и Енди, како што таа дополни - се заснова на почит, „тимска работа“, разбирање и меѓусебно уважување.

- Го почитувам неговото мислење премногу, рече Абел.

@annesimaabel Saturday night in NYC means dinner time! 🍴 Ordered from Maya, a Mexican spot near our place, and Andy set it all out with style. 🕺 The food was amazing—definitely a highlight of the day. Now, time to wind down and get into bed. 🛌 #newyork #newyorkcity #fypシ #fypage #nyc #viralvideo #nycfood #dinner #viralvideo #fypage ♬ original sound - Anne Abel

Гледајќи наназад, на сите 45 години в брак, Абел ја истакнува важноста и во тоа да се донесуваат одлуки „сам/-а за себе“, наместо да се подлегнува на надворешните притисоци.

- Направи го тоа за себе, а не за другите. Ти си тој / таа што ќе живее во иста куќа со таа личност. Ние сме навистина добар тим. Сакам да бидам покрај Енди... Позабавно е да се работи со Енди отколку да се работи сама. Затоа и сакам да го имам крај мене, рече таа.

Околу рамнотежата во разликите, Абел се опишува себеси како екстровертна личност и ужива во раскажувањето приказни и авантури, а Енди е поповлечен и задоволен со потивкиот живот. И покрај нивните разлики, тие се поддржуваат еден со друг во секој предизвик. Заедно имаат три деца. Во еден миг од животот морале и заедно да се справуваат со тешка депресија. Преку терапија и отворена комуникација, тие двајца ги надминале кризата и разликите, правејќи ги нивната поврзаност и меѓусебна приврзаност уште посилни. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре пеколно жешко со температура над 40 степени, невреме во недела попладне

Утре времето ќе биде сончево и многу топло со мала до умерена локална облачност, соопштуваат од УХМР.

Утре пеколно жешко со температура над 40 степени, невреме во недела попладне

МАКСИМАЛНА ТЕМПЕРАТУРА (во оС)

24 Попова Шапка, 30 Крушево, Лазарополе, 33 Претор, 34 Берово, Маврови Анови, 35 Охрид, 36 Крива Паланка, Битола, Прилеп, 37 Виница, 38 Тетово, Струмица, Гевгелија, 39 Штип, Кавадарци, Демир Капија, 40 Скопје-Петровец, Скопје-Зајчев Рид, Велес.

ВРЕМЕТО ДЕНЕСКА И ДО КРАЈОТ НА ДЕНОТ

Времето денеска беше сончево и многу топло со мала до умерена локална облачност. Дуваше слаб до умерен ветер претежно од југоисточен правец.

Попладнево ќе се задржи сончево и топло со мала до умерена локална облачност која до крајот на денот ќе се намали. Во текот на ноќта ќе преовладува ведро и тивко време.

ВРЕМЕТО УТРЕ

Сончево и многу топло со мала до умерена локална облачност. Попладне претежно во планинските региони ќе има услови за пороен дожд и појава на грмежи. Ќе дува слаб до умерен ветер од западен и северозападен правец. Минималната температура ќе биде во интервал од 13 до 21, а максималната ќе достигне од 35 до 41 степен.

Во Скопје, сончево и многу топло со мала до умерена облачност. Ќе дува слаб до умерен ветер од северозападен правец. Минималната температура ќе се спушти до 20, а максималната ќе достигне до 40 степени.

ВРЕМЕТО ВО НАРЕДНИТЕ ДЕНОВИ

Од недела и во следните денови температурата ќе биде во постепено опаѓање. Во попладневните часови ќе има локална нестабилност со пороен дожд, грмежи и засилен ветер. Наместа ќе има услови за невреме со силен ветер и појава на град.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на ЦУК, Мухамед Али, директно на терен во Никуштак

Директорот на Центарот за управување со кризи, Мухамед Али, моментално се наоѓа директно на терен во селото Никуштак.

Директорот на ЦУК, Мухамед Али, директно на терен во Никуштак

Директорот на Центарот за управување со кризи моментално се наоѓа директно на терен во селото Никуштак, каде заедно со екипите на Територијалната противпожарна единица од Куманово и екипите на Национални шуми, активно ги координира мерките и активностите за справување со пожарот.

На терен се ангажирани 3 противпожарни возила, а во текот на денот се очекува и воздушна интервенција, во зависност од метеоролошките услови.

Директорот Али од терен ја следи состојбата и директно ја координира работата на екипите, со цел навремено локализирање на пожарот, спречување на неговото ширење и заштита на населените места и имотот на граѓаните.

Се повикуваат граѓаните на максимална внимателност и претпазливост, да избегнуваат непотребно движење во погодените подрачја и да ги почитуваат упатствата на надлежните институции, соопштуваат од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Спасени 300 лица во Мавританија

Мавританската крајбрежна стража денес соопшти дека повеќе од 300 мигранти, меѓу кои и 40 деца, се пронајдени покрај брегот на земјата, најверојатно обидувајќи се да стигнат до Канарските Острови.

Спасени 300 лица во Мавританија

Тие беа пронајдени ноќта помеѓу среда и четврток и се вели дека се во сериозна состојба, пренесува „Euronews“.

Нивниот дрвен чамец тргнал од Гамбија и превезувал 315 лица, 191 од Сенегал, 123 од Гамбија и едно од Мали, се додава во соопштението.

„Меѓу овие луѓе има мажи, жени и малолетници, вклучувајќи бебиња, кои се во тешка хуманитарна ситуација“, соопшти крајбрежната стража, додавајќи дека тие биле спасени во близина на рибарското пристаниште Нуадибу, економскиот главен град на земјата.

Во последните месеци, стотици мигранти, главно од Сенегал, Гамбија и Мали, беа спасени во мавританските води додека се обидуваа да стигнат до Европа, но стотици загинаа или исчезнаа откако нивните чамци потонаа.

Тагови: Мавританија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер